مش مسامحة اللي خلوني كدة وهقتص منهم يوم القيامه

Apple_22069 🇪🇬

منذ 3 أيام

شعور مكسور القلب

فكرة ان كل ما حد يكلمني ويبعد عني بيرجع تاني يعيطلي ان قد ايه انا كنت احس من كل اللي سابوني عشانهم بتريحني وبتوجعني طيب كان لازم تكسروني عشان تعرفوا اني كنت احسن من اللي سبتوني عشانهم مبقاش عندي ثقة في صحابي بقيت بظهرلهم حبي بس بحذر شديييد بحذر لدرجة اني بحاول محبهمش عشان عارفة انهم هيمشوا دلوقتي او بعدين انا بجد مش مسامحة اللي خلوني كدة وهقتص منهم يوم القيامه بعيد عن ان اصلا حياتهم بتبوظ من غير سبب لما بيمشوا ويجرحوني ويسيبوني

اتخدعت في كل حد حبيته وصحابي استغلويا

اتخدعت في اقرب صحاب ليا و كنت بحبهم جدا و مقدرش ابعد عنهم و كنا علي طول مع بعض و هما بصراحة كانوا بيعملوا حاجات تبين قد ايه هما مش سالكين بس انا اللي كنت مغفلة و بطنش عشان بحبهم كانت مامتي مش بتحبهم وانا كنت بفضل اتخانق معاها و اقولها متتكلميش عنهم كده دول صحابي و بحبهم و مش بحب حد يتكلم علي حد بحبه وحش. و كانوا هما السبب بردو في اني طول الفترة اللي كنت صحبتهم فيها كنت بعيدة عن اهلي جدا و مش بحكيلهم اي حاجة عن يومي او عن صحابي و واحدة واحدة بقيت احس انهم مختلفين بيخرجوا مع بعض كتير من غيري عندهم اسرار مع بعض مش بيقولولي عليها بيتريقوا عليا ساعات و كانوا رغم كل ده يفضلوا يفهموني ان انا صحبتهم جدا و هما بيحبوني اوي و هما كانوا مع اول حد جديد يقربوا منه بيبعدوا عني و مش بيفتكروني غير لما الشخص ده يكون مش موجود و كانوا بيخلوني معاهم بس للاحتياط عشان انا شاطرة في الدراسة فكانوا بيستغلوني في الامتحانات مع اني مكنتش بحب اغشش حد بس هما كانوا بيستغلوا اني مش بقدر اقولهم لأ و بتكسف و كانوا ساعات تانية بيستغلوني ماديا ده غير اني كنت في حاجات كتير اوي بحبها و مش بقولهم اني بحبها عشان زوقي مختلف عن زوقهم و خفت يتريقوا عليا و فضلت فترة كان في بنت مش بحبها كلهم صاحبوها و بقوا يخلوها تخرج معانا وانا عشان مكانش عندي صحاب تانيين كنت بضطر اقعد معاهم و مع البنت دي و كانوا بيحسسوني ان هم اللي شلة مع بعض وانا اللي غريبة و كانت ساعات البنت دي تتريق عليا و كلهم بيسكتوا مع ان لو حد كان بيتكلم عليهم وحش انا مكنتش بسكت و مرت الايام و البنت دي طلعت شخصية زبالة و غدرت بيهم كلهم ساعتها رجعولي بعدها بسنتين واحدة منهم اللي هي كانت اكتر واحدة بتستغلني فيهم اتعرفت علي بنت في المدرسة و كانت دايما معاها مع ان المفروض يعني انا كنت الbest friend بتاعتها بس كانت طول ما احنا في المدرسة كأنها متعرفنيش و حتي لو رحت اتكلم معاها تتخانق معايا و بعدها في الدروس عشان صحبتها دي مكنتش معانا كانت ترجع تتعامل معايا عادي و انها قد ايه بتحبني و بتموت فيا و هكذا كل يوم و انا فضلت فترة مكتئبة بسبب الحوار ده لحد ما اتعرفت علي بنات تانيين و كانوا بجد زي العسل و اكتشفت اصلا انهم في الاول مكانوش بيحبوني مش عشان انا عملتهم حاجة او عشان انا شخص وحش انما عشان انا كنت صاحبة البنت دي و انهم لما اتعاملوا معايا طلعت كويسة و فضلوا يقولوا انهم قد ايه مستغربين ان انا ازاي مصحباها و مع الوقت بدأت فعلا ان انا افوق لنفسي و اشوف القرف اللي هي بتعمله و حتي لما قطعت معاها و مع واحدة تانية من الشلة محدش فيهم فكر حتي انه يسأل عليا او يشوف بطلت اتكلم ليه او اي حاجة هما بس لقوا ان انا مش ببدأ كلام فخلاص بقي ما صدقوا و طبعا كان بيوصلي كلام بعدها بسنين حتي انهم بيتكلموا عليا و بيجيبوا في سيرتي و بيتريقوا عليا بس هو لو الواحد طبعه زبالة مش هنقدر نغيره و فضلت بعدها فترة طويلة معنديش صحاب و بخاف اعمل صحاب عشان مش عايزة اعيش نفس التجربة تاني و حتي لما عملت صحاب مبقتش بثق فيهم و متمسكة بيهم زي ما كنت بعمل قبل كده و بقيت عادي جدا ممكن استغني عن اي حد ودمروا ثقتي في نفسي و في الناس و سبحان الله الناس اللي كنت خايفة اقطع علاقتي بيهم مع انهم toxic بس لمجرد اني خايفة ميبقاش عندي صحاب بعدهم بقي عندي صحاب احسن منهم مليون مرة و سبحان الله كمان البنت دي كل صحابها بعدوا عنها دلوقتي و مبقاش عندها صحاب ...عرض المزيد

14 الدعم

4 نصيحة

صداقات زائفة ومش مشغولين بيا وقت حزني

لو في حد حيقرأ هذا اتمنى انو يعطيني حل للمشكلة انا بدرس مع ناس اعرف انهم يكرهوني او مصلحة احسن و انا عارفة كل دا لكن مع ذلك اتصرف بلطف معهم و اقنعهم بأنني غبية و لايهمني شيء و بها التصرف استطعت انشاء العديد من الصدقات ليست عميقة لكن هناك اثنين تقربت منهم و حسيت انهم مثلي و مختلفين عن البقية (كل وحدة اعرفها لوحدها ) و في مرة كنت متخانقة مع اهلي و مضطربة و كنت اتحدث مع واحدة منهم و بدأت احكي كل شيء عن مشاكلي مع نفسي و عن تجاربي القديمة هي ايضا قالتلي لكني احس انها اكذب او تتصنع و اخرى لم احكي لها كل شيء لكن القليل من التلميحات و المشكلة انهم الاثنين عندما يشعرون بالغضب او القلق او مشكلة حصلت معهم يأتون لي و انا احس بالسعادة لأنني اول من خطر على بالهم في تلك اللحظة لكني ادركت هذه الايام انهم يخبرونني فقط بماهو سيء لكن اي شيء يحدث سعيد او اقتناء هدايا ليس مسموح لي بان اعرفها هذا كله و زيد انو انا اذا كنت حزينة او قلقة او اي حاجة مايقبلون انهم يسمعون بل يسخرون مني لكني هذه الفترة بالذات لم اعد استطيع التحمل اكثر كل شيء تراكم من جميع النواحي لا اريد ان ابقى وحيدة لكني لا اريد ان اواصل الكلام معهما علما و انهما هما فقط صديقاتي ...عرض المزيد

6 الدعم

3 نصيحة