معرفش ده اسمه ايه الي هحكيه بس ياريت لو حد فاهم يفيدني. انا عندي مشكله اني دايما اي حد ف حياتي سواء صحاب او حتي حد حبيته بيكون ليه عندي فتره معينه بس الي بكون فعلا بحبه فيها ، بمعني اني بفضله عن الباقي بالذات لو لقيت فيه صفات شبهي او حبيت طريقته او حبيته هو شخصيا وبدي اهتمام وكلام كتير ، وفجأه بدون سبب بزهق ، وبقرف من الشخص الي قدامي لدرجه ان كل تصرفاته بالنسبالي تبقي مستفزه وتعصبني جدا وابقي مش قادره حتي اتعامل معاهم تاني. وده ملهوش علاقه بطول المده لأنها بتحصل مع ناس اعرفها من زمان ، وناس معرفهاش اكتر من اسبوع. ودايما بيحصل لما الناس دي بتقرب مني وتديني نفس الاهتمام الي كنت بديهولهم. ساعتها مبحسش بالذنب لو بعتهم عني ، بس ببقي عايزه ارجعهم تاني ، ولو رجعو بفضل ف نفس الدوامه دي.. لحد م يبقو عندي زيهم زي اي حد عابر عادي وجودهم من عدم وجودهم مش فارق معايا، وغالبا بتقلب علاقتنا لعلاقه سطحيه جدا او معدومه اصلا.

1

9