زميلتي في الشغل بتعاملني بطريقة جافة بسبب المناوبة

Popcorn_74680 🇪🇬

منذ شهرين

شعور متوتر

زميلتي في الشغل كنا اصحاب جدا انا كنت بشتغل باخد نص الشيفت الصح و نص في الليل هي كانت بتاخد الليل كله و احنا الاتنين بنشتغل شغل تاني حكومي بس انا كل يوم و هي بتشتغل في الشغل التاني ٢ - ٣ ايام بس في الاسبوع طلبت مني نبدل مواعيدن بس انا قولتلها اني مش مناسب معايا و قولتلها ظروفي رغم اني مش مضطرة اصلا كان ردها ان كله عنده ظروف مع انها هي اللي طلبت نبدل مش انا هي حاليا بتتعامل معايا بطريقة جافة اقل حاجة السلام مش بقوله و لما يكون فيه حوار بينا ف الشغل بترد بطريقة مش لطيفة

مش عارف أتصرف مع الحاج عشان عم سين

صباح الخير يا جماعة عايز أسمع رأيكم في حاجة دلوقتي أنا بشتغل في معرض آلات موسيقية لسه جديد، الافتتاح بعد يومين احنا 3 بنشتغل، ومعانا راجل رابع كبير في السن مسؤول عن النضافة والبوفيه.. بما إن لسه المكان بيتوضب ففيه حاجات ما خلصتش أوي، من ضمنهم المطبخ، جايبين أنبوبة وبوتاجاز صغير كدا.. المهم الحج صاحب المكان جه امبارح يشوف الحاجات اللي ناقصة دي نعملها سوا وكدا، فجه عند الأنبوبة ما عرفناش نركبها عشان ناقصها حاجات.. عم (سين) مسؤول البوفيه ما كانش شاف الحج قبل كدا غير امبارح أول مرة ولسه ما يعرفوش بعض، فقالي روح نادي عليه، رحتله قلتله الحاج عايزك فجه قال له طبعا انت بتعرف تركب الأنبوبة وكدا وبتاع، ليه ما ركبتهاش، فهو رد عليه بطريقة وحشة وقال له ليه أركبها يعني وانا مالي انت بتكلمني كدا ليه وبتاع.. وانا واقف ساكت، فالحاج اتعصب وزعق فيه وكان هيضربه أو بالفعل زقه يعني ومد ايده عليه، وانا قلتله خلاص يا عم (سين) دا الحاج وكدا.. المهم دلوقتي الحاج عايز يمشيه وانا مستحرم قطع العيش، وفي نفس الوقت انا مش المدير.. حتى الحاج قالي انت بتديله تعليمات؟ قلتله لا هو الراجل عارف شغله وانا هنا مش المدير، بس الحقيقة يعني أنا بتعامل على إني المدير، والحاج من أول يوم مديني وضعي وبيعاملني معاملة مختلفة، فانا دلوقتي مش عارف أتكلم مع الحاج وأقول له خلاص بلاش تمشيه ولا أسيبه يعمل اللي هو عايزه.. مع العلم إن عم (سين) دا أسلوبه وحش فعلا ومش شايف نفسه غلطان أصلا 🤷 ...عرض المزيد

1 الدعم

5 نصيحة

اتقدمت لزميلتي في الشغل وعايز نصيحة في الخطوبة

اتقدمت لزميلتي ف الشغل بس متكلمناش مع بعض غير مرة واحدة بس وكل كلامنا تقريبا واتساب هي من محافظة غير محافظتي.. وفي الغالب انا اللي ببدأ الكلام دايما مفروض هما اللي يقولولي اجيلهم ولا انا اللي اقولهم.. احنا خلصنا اتفاقات الزواج بس لسه الشبكة الخطوبة معملنهاش ...عرض المزيد

1 الدعم

1 نصيحة

معجب بزميلة في الشغل.. أعمل إيه من غير ما أبقى تقيل؟

يا جماعة محتاج نصيحة انا دلوقتي لو معجب بواحدة زميلتي في الشغل المفروض اعمل ايه اكلمها اقولها ايه احنا كل كلامنا في سياق الشغل لو دخلت كلمتها في اي مواضيع عادي ولا هيبقي شكلي وحش + اكلم معاها في ايه و خايف ابقي تقيل عليها بردو متبقاش معجبة بيا ...عرض المزيد

4 الدعم

10 نصيحة