مشكلتي من وانا طفل اني عمري ما حسيت من اهلي اني كفاية عشان يحبوني دائما كنت بحس اني ناقصني حاجه عشان يهتموا بيا دائما كنت بحاول اعمل كل حاجه عشان أخد منهم حضن واحد بس وعمره ما حصل كنت دائما بشوف زمايلي في المدرسة اهلهم بيحضنونم ويبوسوهم على الرغم أنه جايبين درجات زانية حرفياً وانا اللي كنت بقفل كل المواد تقريبا من وانا صغير عمر ما حد منهم عبرني وكنت كل ما احاول احضن حد فيهم بيبعدني عنه بقيت بحس اني منبوذ منهم لدرجة أن جيت لفترة في حياتي ايام الاعدادي وقررت أن معتش هذاكر واني خلاص هغير حرفيا من شكل حياتي وبقيت بتاع مشاكل وحوارات دائما واللي ساعدني على دا أن دائما جسمي اكبر حجما من باقي زمايلي بس جت ايام كورونا مع موقف حصل خلوني افكر تاني واني ارجع تاني اذاكر على الأقل عشان حلم عندي من وانا طفل بس دايما كان بيفضل الفراغ دا جوايا دائما حاسس أنهم مش بيحبوني ودائما حاسس اني مش كفاية

4

3