تغيير الشخصية

Chocolate_25622 🇪🇬

منذ 4 أيام

شعور مرتبك

موضوع:

هل بتحب نفسك...ولا بتحب الصورة الي عايز توصلها؟

French Fries_89196 🇪🇬 انا نفس الكلام مع الناس وطريقه التعامل وبحب اهزر من غير ما افكر انا هقول ولا بقول ايه بس كلامك خلاني افكر هو انا ممكن اكون قولت حاجه وحشه تزعل حد

عرض الكل 1 نصيحة

عبّر عن شعورك بشكل مجهول

ساعات بحس اني نسخه كويسه من نفسي وبحبها بس مع الوقت بطلع فيها عيوب كتير وبحسها بتبوظ كل حاجه شايفاها انا نفسي ابقى شخصيه كويسه بخاف ابقى شخص وحش وبخاف اأذي حد من غير ما اقصد انا ساعات ببقى من النوع الي مش بيفكر في الكلام قبل ما يقوله وبتكلم وانا مش قصدي حاجه بجد مش ببقى قصدي ادايق اللي قدامي ولا عايزه يزعل مني انا جت فتره كييره عليا كنت انطوائيه جدا ومكنتش بعرف اتعامل مع حد ومن سنه تقريبا بقيت شخصيه اجتماعيه انا شايفه ان ده تغيير كويس ليا عشان وصلت لجزء من اللي عايزه اشوف نفسي فيها بس لقيت نفسي معنديش صحاب خحقيقين غير قليل يعني لما ازعل مبعرفش اروح فين اقول لمين اكلم مين شبهي ويكون صاحي مثلا دلوقتي ويدلني على حل حد يواسيني انا نفسي اوصل لصوره كويسه من نفسي مع الناس بس ساعات مش بحب نفسي انا شخص بلبس نضارات برضو ولما بقلعها ملامحي بتتغير تماما بحس شخصيتي بتتغير معاها وببقى متدايقه من نفسي واني مش شبه الصوره والشخصيه اللي رسمتها لنفسي بالميكب مثلا او اي حاجه وساعات بحس اني اقل من اللي حواليا في الشجاعه مثلا في اي حاجه وبحس اني لوحدي فا مبعرفش انا مين عشان احب نفسي يعني انا اكتشفت اني شبه معنديش شخصيه انا عندي صحاب كتير هم قريبين من شخصيتي شويه اه بس ساعات بحس في ناس مش شبهي اوي بس بتطبع بيهم وفي جروب مثلا بيبقى مختلف عن جروب تاني تماما بس انا شايفه نفسي مع ده ومع ده بس بحس شخصيتي انا كا نفسي معرفش انا مين لوحدي من غير ده ولا لا ده

Flower_64726 🇪🇬

منذ أسبوع واحد

شعور خجول

كل الناس شخصيتهم شبه الماية بتتشكل حسب الأمان اللي بتحسه من اللي قدّامهم.. اللي ساكت دايمًا، هتلاقي ضحكته عالية مع اللي يفهمه.. واللي رسمي ودايما حاطط حدود ، بيتحول طفل لحوح مع الروح اللي تطمّنه.. واللي دايمًا ماسك نفسه، تلاقيه بسيط وعفوي قدّام اللي مرتاحله.. واللي باين إنه غامض ودايما قلقان ، بيفت

Coffee_87812 🇪🇬

منذ أسبوعين

شعور غاضب

بكره اكون حياتي كتاب مفتوح لحد بكره حد يضمن وجودي بكره اهتم بحد زياده بكره ادي حد اكبر من حجه بكره اتعامل مع اي حد بكره اي شخص فضولي زياده بكره الي يقلل مني عشان ابقي ف مستوي بكره اي حد يضيقني وسط الهزار لكم ان تتخيلو ان صدمة واحده بس الي خلتني كده انا كنت بقول ع نفسي الاول مبعرفش اكره شكر

Lemon_52708 🇪🇬

منذ 3 أسابيع

شعور قلق

عمري ما تخيلت إني أوصل للحظة دي… اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها: ليه كنت محتاج الإعجاب بالشكل ده؟ ليه كان النقد بيهزّني؟ ليه كنت أحيانًا ببني صورة عن نفسي أكبر من حقيقتها؟ وليه كنت بشوف نفسي قبل الناس اللي حواليا؟ الاعتراف مش ضعف… ومش جلد ذات

عبّر عن شعورك بشكل مجهول

عمري ما تخيلت إني أوصل للحظة دي…
اللحظة اللي ببص فيها على نفسي بعين مختلفة، وبسأل أسئلة عمري ما كان عندي الشجاعة أسألها:

ليه كنت محتاج الإعجاب بالشكل ده؟
ليه كان النقد بيهزّني؟
ليه كنت أحيانًا ببني صورة عن نفسي أكبر من حقيقتها؟
وليه كنت بشوف نفسي قبل الناس اللي حواليا؟

الاعتراف مش ضعف… ومش جلد ذات.
ده بداية وعي… بداية تغيير.

لأن الحقيقة؟
أنا موجوع.
موجوع من النسخة اللي اكتشفتها جوايا.
موجوع من تصرفات أثرت على شغلي، وعلى علاقاتي، وعلى أهلي، وحتى على أعزّ أصحابي.

لفترة طويلة كان عندي شعور عالي بالاستحقاق…
حاسس إني دايمًا "أستحق" كذا وكذا،
وإن رأيي هو الصح،
وإن نقد الناس ليّا مبالغ فيه،
لحد ما لقيت إن الأنانية بتكبر جوايا،
والصورة اللي شايفها عن نفسي مش هي اللي الناس شايفينها.

ويمكن… يمكن في نظر ناس كتير أنا كنت شخص مؤذي.
بس أنا دلوقتي في رحلة جهاد مع نفسي.
رحلة أتعلم فيها أكون أهدى، أصدق، وأقرب لربنا ولنفسي.

وأنا رغم الوجع… ممتن.
ممتن إن ربنا ورّاني الحقيقة قبل ما الوقت يفوت.
ممتن إني قدرت أبص جوايا من غير خوف.
وممتن إن لسه قدامي فرصة أبدأ من جديد.

إحنا في دنيا ربنا فيها بيختار لنا الصح—even لو مش على مزاجنا.
الكويس دايمًا بييجي في الوقت المناسب،
وربنا بيدّينا اللي محتاجينه عشان نتصلّح…
مش اللي عاوزينه بس عشان نرتاح.

ويمكن… يمكن أكون شخص مش كويس في حاجات،
بس الدنيا فانية، ومش مستاهلة أعيش عمري أكره نفسي بسبب أخطائي.
المهم إني أصلّح… وأكون أحسن من امبارح.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_67353 🇪🇬

منذ 4 أسابيع

شعور خجول

انا اعتدت اني اكون عنيف جدا مع الناس وبحط نفسي فوق اي حد وكان الموضوع ماشي كويس جدا لاني كنت بعرف اني احسس الي قدامي اني اعلي منو بكتير لحد مغيرت الموضوع ده وبيقت بعامل الناس بكل طيبه ولطف والموضوع بدأ يبقا صعب جدا يعني صعب اني اعمل علاقه شغل مع واحد او اتعرف علي بنت مع اني لما كنت في الصغيه الشريره

Coffee_56100 🇪🇬

منذ شهر واحد

شعور مرهق

اصعب مرحلة ممكن يمر بيها الإنسان هي اللحظة اللي بيعاقب فيها نفسه على صفاته الكويسة مع ناس عمرها ما كانت كويسة، كأنه بيحمل طيبته وجد ذنب كل لحظة خذلان عاشها وكل وجع ذاته بفضل إنه كان شخص صادق وكويس ، وللأسف صراع النفس دا مهلك جدا ومفيش إنسان على وجه الأرض عاشه وخرج منه سليم ، وبنسبة كبيرة اي شخص يعي

Mango_30432 🇪🇬

منذ شهر واحد

شعور شاعر بالملل

المثالية ،، معرفش العنوان صح ولا لا بس المهم ، من و انا صغير و انا عمري ما خدت ريسك ف حياتي و ديما كنت بحاول اخلي كل حاجة مثاليه و ابعد عن الحاجات اللي ممكن تبوظ عليا كدا (مثال عشان اعرف اوضح: و انا طفل مثلا لو حبيت اروح العب ف مكان لكن المكان دا ف شخص بيزعق للي بيلعبو هناك ...انا مكنتش بروح ..صح

عبّر عن شعورك بشكل مجهول

المثالية ،،

معرفش العنوان صح ولا لا بس المهم ، من و انا صغير و انا عمري ما خدت ريسك ف حياتي و ديما كنت بحاول اخلي كل حاجة مثاليه و ابعد عن الحاجات اللي ممكن تبوظ عليا كدا (مثال عشان اعرف اوضح: و انا طفل مثلا لو حبيت اروح العب ف مكان لكن المكان دا ف شخص بيزعق للي بيلعبو هناك ...انا مكنتش بروح ..صحابي كلهم يروحو و انا افضل او اطلع البيت مكملش اصلا ..كل دا عشان مش عايز حاجه غلط تحصل ) يعني مبديش فرصه لأي حد انه يغلطني ....و حياتي من و انا طفل ماشيه بنفس الطريقه عمري ما عملت موقف مجنون من اللي بيتحكي بعدين و يتقال يالهوي عملتها ازاي و يجي ضحك بعدها ..عمري ما عملت موقف يبقا في اكشن كدا يخلي الواحد يحس ان عنده حياه (اكشن مش ضرب اكيد انتو فاهمين) بمعنى تاني بردو ..ديما كنت بتجنب الغلط ...لحد ما ف مره خدت بالي ان حياتي فاضيه ...يمكن كل اللي فيها اللي هو قرارا كبيره و اكشن زي ما قولت😂 ..بس بردو لا ..مش مواقف كدا تحسس الواحد انه شرس😂 ، المهم يارب الفكره تكون وصلت ....لما خدت بالي من الموضوع دا ..قررت اغيره و ابدا اعمل الحاجات اللي كان نفسي اعملها دي و مواقف فعلا ممكن يجي منها مشاكل زي ما كنت بشوف و كنت بشوف حد بيعمل حاجه  و اقول دي هتعمله مشكله (عشان كدا مكنتش بعمل كدا) بس كانت بتعدي عادي و بقيت باخد الريس و مخافش و بقول مفيش مشكله لو حصل حاجه و عادي و اخش ف المواقف اللي ممكن يحصل فيها ماشكل زي كدا (ديما بكون ع حق ،اكيد مبغلطش ف حد يعني)و بتعدي عادي زي ما بيحصل مع كله

المهم حاسس ان بعد ما ضيعت كل دا ف الاحترام و قررت ابقا عادي و اتفاعل مع الناس هتيجي ف مشكله بس هتبقا كبيره اوي

الموضوع معقدش اوي و انا مش عارف اوضحه بردو لان هيحتاج كلام كتير اوي ...فا بلاش حد يخض يشخصنها  يعمل فيها جميل

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_64546 🇪🇬

منذ شهر واحد

شعور محبط

عارفين لما تعملوا حاجة غلط في وقت انتوا كنتوا فيه في سن اصلا مش عارفين انتوا بتعملوا ايه وكلو غلطات ويكون الفترة دي في حد معاكو عارف كل حاجة وفجأه وبعد سنين ولما تكبروا وخلاص اصلا انتوا تنسوها الشخص ده يقرر فجأه يطلع سرك او الحاجة الغلط دي لكل الناس شعور وحش اوي وصعب اوي خصوصا ان الغلط اتكشف بعد مان

Strawberry_80896 🇪🇬

منذ شهر واحد

شعور مكسور القلب

خايفة ونا بتخطي يكون وقع مني حاجات كانت اساس في شخصيتي انا مش خايفة انا فعلا شايفه ده في حاجات اتغيرت مش حابة مش حابة تفضل لأنها مش بتعبر عني، خالص، هو التخطي كمان بيكلف حاجات، بجد بقة حاجات متعبة رحمتك يا رب💔

Watermelon_81744 🇪🇬

منذ شهرين

شعور عاطفي

عبّر عن شعورك بشكل مجهول

بعد ثانويه عامه كنت بحب واحد وهو كلمنى بعد الدروس مخلصت وفضلنا مع بعض اول سنه جامعه كلها بس كل واحد كان فجامعه لوحده المهم انه من اول السنه دي لاخرها كان بيحاول يغير شخصيتى ويخلينى انطوائيه اكتر ويخلينى ملتزمه اكتر بالحجاب وباللبس ومحطش ميكب ومصاحبش فلانه دي ولا فلانه دي وينتقد صحابى معايا وانا للاسف كنت غبيه وبسمع كلامه فكل حاجه ماعدا صحابي بس كنت بقنع نفسى انه كلامه صح دينيا ومش هقدر اناقشه وكان بيغيرنى فعلا واحده واحده وانا مش حاسه لحد مسابنى فجأه بعد مقالي انه بيحبنى وخلانى اكلم مامتى واقولها عليه واهلى مكانوش موافقين واقنعتها بالعافيه وبقوله سيبتنى عليه وانا عملت ايه وانا اتغيرت بجد ١٨٠ درجه عشانه قالي ان دي علاقه محرمه وان لو فيه نصيب هيكون وانه اهله هو كمان رافضين عدت سنه كمان وانا بحاول اتعافى من الموضوع لانى حبيته واتعشمت فيه بجد سنه بحاول ابعد تفكيري عنه واحسن الظن فيه وادى لافعاله دي مبررات المهم صاحبت بنت جديده من الجامعه وقلتلها تجرب تكلمه كلمته وقالها اسوأ كلام عنى وانى بنت كلب وانى بجري وبلف وراه وانى كدابه وبتاعه حوارات وان صحابي مش كويسين وانه كان بيحبنى فسن المراهقه بتاعه بس وخلاص دلوقتى نسينى عادي ومش مهتم وانا من ساعتها مصدومه ورجعت لنقطه الصفر تانى ومش عارفه اتصرف حاسه بالخذلان بجد لانى عملت كل حاجه فايدي وقت منا كنت معاه وحاولت اسمع كلامه فكل حاجه فبفكر اكلمه او لا ولا كانى سمعت حاجه انا بجد مش عارفه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_80810 🇪🇬

منذ شهرين

شعور ضائع

جماعة ازاي بتكونو انتو؟ اللي هو بتكونو طبيعيين و حقيقين و بتتصرفو من غير تصنع.. انا حاسة اني دايما برضي اللي حواليا و شخصيتي بتتغير مع كل شخص و بحس اني بكون نسخة من اللي قدامي بدون تفكير.. مبقاش ليا شخصية محددة و مبقيتش عارفة نفسي.

Tofu_80776 🇩🇿 نفس الشيء و مش عارفة كيف اتغير ، مرات احس اني منافقة لانو أحيانا شخصيتي مع اشخاص بتكون عكس افكاري و معتقداتي ، لكن أحيانا بتكون من غير وعي ،حتي اتساءل يمكن هي نفسها انا

عرض الكل 19 نصيحة

Orange_80210 🇪🇬

منذ شهرين

شعور متعب

عبّر عن شعورك بشكل مجهول

انا مكنتش متخيله اني هعرف احكي حاجه عني او عن اللي مريت بيه فحياتي ولاول مره هحكي انا واحده كنت بخاف جدا من نظرة الناس حتي لو نظرة إعجاب لمجرد بس ان حد يبصلي بحكم ان كان مقفول عليا من كتر خوف اهلي عليا واصريت اني انزل واشتغل كان جوايا احساس بيقولي اني لو اشتغلت هغير من شخصيتي وهحتك بالناس وكده عشان اعرف اتعامل وفعلا دا اللي حصل بعد ما مريت بتجربه صعبه قبل نزولي للشغل اني تعبت كتير فثانوي وفالاخر محققتش اللي كان نفسي فيه وبعد ظهور النتيجه وفاة صاحبتي وجارتي كانت غاليه جدا عليا وكنت هدخل ف اكتئاب لولا اني اصريت اني انزل اشتغل ونزلت فعلا وشوفت فحياتي كتير اوي وناس تمشي وناس تيجي وانا اسيب الشغل واشتغل فمكان تاني مش مكانتي ولا انا بس كان جوايا يقين ان كل ده هيقويني وفعلا شخصيتي اتغيرت وخلصت الجامعه وانا كل يوم شخصيتي بتتغير ببقا اقوي ومكنتش بحب ادخل فعلاقات نهائى حتي فالكليه ولما خلصت ظهر حد قدامي مكنتش اعرف اني ممكن اتشرف لحد او اني هجرب حاجه زي دي مع انها عاديه فاليمن ده وبالنسبة لناس كتير عادي بس مكنتش بالنسبالي عادي نهائى المهم اني اتشديت للشخص ده واتكلمنا وقعدنا حوالي ٤ شهور بنتكلم وكنا اتعلمها هي اه فترة بسيطه بس بجد حبينا بعض فعلا وانا متأكده من كده وكان فاضل شهر بالظبط ويكلم اهلي ويجي يتقدملي قبل ما يجي جالي عريس تبع اهلي وكان جاهز ومفيهوش غلطه بالنسبة لأهلي وبحكم ان والدته صاحبة والدتي فالعيله كلها كانت موافقه وانا كنت رافضه وقعدت اعيط لاني بحب شخص تاني وطبعا اهلي ميعرفوش والشخص اللي مرتبطه بيه حاول معايا عشان أرفضه لدرجة انه كان هيكلم اهلي بس انا قولتله لا لأن اهلي مقتنعين بيه وان الدنيا كانت هتتقلب عليا انا فالاخر وممكن يرفضوك وبعد ما اهلي ضغطو عليا عشان أوافق للاسف وافقت واتخطبت وانا بحب الشخص اللي فحياتي جدا لدرجه اختيار الكوشه والرود والفستان حتي الهيلز كنت بكلم الشخص اللي بحبه عشان يختار معايا الحاجات دي ومكنتش بشارك اللي كان هيخطبني عارفه انه غلط اللي عملته بس والله مكنت قادره ابعد ولا قادره احب الشخص اللي جاي وجيت فالخطوبه قولت هعمل بلوك وخلاص عشان مينفعش احتراما للشخص اللي جه ده لان ملوش زنب وقولت اديله فرصه يمكن احبه وبعد ما عدت الخطوبه بشهر مقدرتش احبه نهائي وكان في مشاكل كتير حصلت فالشهر ده وبعدها بصراحه فكيت البلوك ورجت اتكلم تاني مع اللي كنت مرتبطه بيه وبعدها بشهر تعمدت اني ادايق خطيبي عشان يسيبني وفالاخر سيبنا بعض وطبعا الفلوس اللي كانت مع الشخص اللي بحبه اللي كان هيجي يخطبني بيها انا لما اتخطبت اقنعته انه يطور من شغله اكتر ويشتري معدات تانيه لشغله لانه كان هيسافر برا مصر بسبب خطوبتي وعمل بكلامي وطور من شغله وكنت بتابع الاستوريهات بتاعته ديما والحمد لله بفضل الله شغله بقا تمام بس الفكره كلها انه طبعا محتاج انه يبدأ من الاول تاني عشان يكون فلوس تاني عشان يجي والمفروض انه هيجي اخر السنه بالكتير هيكون ظبط دنيته وطبعا قعد يقطمني اني خليته يصرف اللي معاه كله فإنه يشتري معدات جديده عشان يطور من نفسه ولأن انا مكنتش اعرف اني هفك الخطوبه بالسرعه دي الصراحه وهو زعل مني طبعا لاني سيبته ولما رجعنا اسلوبه كان متغير شويه ولما واجهته قالي انا لسه تعبان من اللي انتي عملتيه انك سيتيني ووافقت عليه وفهمته والحمد لله رجعنا تاني بس مش زي الاول طبعا بحكم ان شغله بقا طحن اكتر من الاول ووقت شغله زاد وانا مش معترضه بالعكس مبسوطه بس حقيقي خايفه خايفه بعد كل ده منكنش لبعض معرفش ليه الاحساس ده بيجيلي اسفه اني طولت بس في أحداث كتير حصلت الفترة دي لان في واحد تاني قريب صاحبتي وشافني وعايز يتقدملي وانا بحاول أوقف الموضوع مش عارفه اعمل اي بجد ياريت من غير غلط فيا انا محتاجه حد يقولي اعمل اي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_67863 🇪🇬

منذ شهرين

شعور متوتر

هو انا ازاي اعلم نفسي الانضباط والالتزام يعني انوي حاجة او شخصية جديدة واني اتغير وفعلا اثبت علي الطريق الصح يعني بلتزم يومين يومين وبعدين بلح وبرجع اسوأ ما كنت يعني انا خسرت حاجات كتير في حياتي بسبب ده وحاليا ماشيه بنفس الاسلوب والطريقة وبقيت عارفه اني مش هوصل للي انا عايزاه وهخسر برضو ومع ذلك عندي

Strawberry_78835 🇪🇬

منذ شهرين

شعور متعب

حاسه اني لوحدي بالرغم اني في ناس حوليا كتير حاسه اني مش عارفه ومش فاهمه حاجه حاسه اني تيها حاسه اني عاوزه ابدا من جديد شكلي شخصيتي كل حاجه عاوزها تتغير انا كويسه اووي مع ناس كتير برغم كده مافيش حد كويس معايا حاسه اني اتسرعت في حاجات في حياتي ومش فاهمه ولا عارفه انا عاوزه اي

Onion_78230 🇪🇬 بعتذرلك عن الإحساس المؤلم ده بس للأسف ده يصنف رهاب اجتماعي انا عندى نفس الشعور ده وحاولت مع دكاتره بس للأسف بحكم شغلى والسفر مبقتش عارف اتأقلم ومستمر زى مانا نصيحتي ليكى حبى نفسك وتقبليها كما هى.

عرض الكل 24 نصيحة

Coffee_61082 🇪🇬

منذ شهرين

شعور مرهق

هو طبيعي الواحد يبقي خافي كل حاجة عن السوشيال ولا استوري ولا بوست ولا اى حاجة انا مخدتش بالى غير لما واحد صاحبي رن عليا النهاردة بيقولى محدش شايفك ولا بتنزل حاجة ولا بتاع طبعا اتهربت من الموضوع ب اى حاجة معلومة دة عكس طبيعتى بس شايف أن مافيش حاجة تساهل اني اعرفها للناس انا ممكن اروح القهوة ٣ مرات ف

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع