دماغي كويسه بس بحل غلط في الثانويه العامه

Question

أنا في ثانويه عامه وعندي مشكله بجد تعباني نفسيا و خايفه اوي 
أنا دماغي كويسه اوي و بفهم الدروس كويس بس لما باجي احل بحل غلط و مش غلطه او اتنين لا بيبقي كتير فا بتصدم اوي مع أني ببقي متأكده من حلي و إني فأهمه السؤال بس بحل غلط و فالشوامل بجيب درجات وحشه معرفش اعمل ايه عشان أعالج الموضوع دا من دلوقت ، دا غير صحابي بحس إني اقل منهم عشان بيحسبو درجات اعلي مع أننا نفس مستوي فهم الدرس و ممكن نشرحو لبعض + عندي مشكله من ناحيه الحفظ أنا بطيئه اويي فحفظ اي حاجه يعني ممكن افهم الدرس بس في حاجات بتبقي عايزه تتحفظ مش بقدر احفظ بذات لو كميات كبيره

Strawberry_52368 🇪🇬 · Accepted Answer

طبيعي هتتعبي ف الحفظ ولازم اصلا تتصدمي من الاسئلة كده ف الأول حتى لو اسئلة غلط اكتر من الصح انتي براحه محتاجه تفهمي فكرة السؤال بلا تسرع وتتعلمي من غلطك ده مش حليت غلط فا خلاص بقا اخر الدنيا ومش هركز.. لا عادي لازم نغلط مره واتنين وتلاته عشان نتعلم وربنا معاكي 🤍

Mango_75327 🇪🇬 · Answer

انتي عملي ولا ادبي الاول علشان نساعدك ، ده عادي جدا ياسطي ، انا مجبتش درجة حلوه في اي شامل و في الاخر جبت 90% فالموضوع ارزاق مجرد بس حاولي تتعلمي من اخطائك

Strawberry_87386 🇪🇬 · Answer

أنا ادبي

Watermelon_69433 🇰🇼 · Answer

حلى مسائل كتيير كل ما تحلى أكتر كل ما تبقى أحسن

Candle_87539 🇩🇿 · Answer

حاولي عندما تكوني راح تحفضي أنك تسترخي وحاولي متتوتريش وشربي الماء أنا أحس أن الماء يساعد على الاسترخاء 
وحاولي تطفي أي صوت يزعجك 
وطبعا يجب أن تقنعي نفسك أن قادرة على ذلك حتى وأنتي مش قادرة

Carrot_87095 🇪🇬 · Answer

اكتبي طريقه حلكك للسؤال وحليتي بنائا علي ايهه ولو لقيتي غلط راجعي مع المستر بتاعك طريقه حله للسؤال هتلاقي نفسك اكيد ف حاجه تاهت عنك او فكره السؤال جديده وده اللي بنستافده من الحل الكتير ..بنحل كتير عشان نسجل أخطأنا ونعرف لييه غلطنا ونفس الوقت نعرف افكار الاسئله دايما اتعلمي من الأخطاء لان لو معملتش كده الحل الكتير ملهوش لازمه