ثانويه عامه

Watermelon_62093 🇪🇬

منذ يومين

شعور مستنزف

حد هنا ثانوية عامة انا واصلة لوضع صعب جدًاا ولا عارفه اذاكر ولا احل ولو ذاكرت مش بعرف احل وبنسى بطريقة رهيبة وطاقتي بتفضى بسرعه من حاجات بسيطه ومش بقدر اكمل زي الاول معنديش طاقه ودايما دماغي شغاله وفوضع الخطر دايما قلقانه وباكل فضوافري بهز فرجلي وبجز وبفضل افكر فالمستقبل ويا ترا هعمل اي فالمواد دي

Moon_87083 🇪🇬 انا لسه مخلص تالته ثلنوي الحمدلله بنصحك تحاولي تخوفي نفسك ومتحطيش ف بالك كل دا وإعتبريه إمتحان تانيه ثانوي بس ذاكري حلو يعني لو كنتي بتذاكري ف تانيه ثانوي ساعتين لا خليهم اربعه علشان ف تالته سنه كامله مش ترم واحد، بس كدا غير كدا هتفضلي تجزي وتهزي ومش هتعرفي تعيشي..

عرض الكل 6 نصيحة

Coffee_89055 🇪🇬

منذ 5 أيام

شعور لا مبالٍ

عبّر عن شعورك بشكل مجهول

انا دائما حاسه بالذنب ناحيه امي بسبب انها مضحيه عشاني ومستحمله كل حاجه من ابويا ومشاكل عشان  مياثرش عليا هيا دايما بتقعد تتدافع عنو بس انا افعالو متوهاني يبقي كويس ويقلب مره واحده تاني عصبيه وزعيق ومره يبقي كويس معانا هو عمرو ما سمعني شيف هو دايما صح وماما غلط دايما لما اقف ف صفها  هيا بتدافع عنو معايا عشان صورتو قدامي وهو بيقعد يقولها أن هيا بتقومو عليا كان نفسي تسيبو من زمان ولحد دلوقتي حتي لو معندهاش اي حاجه مش مهم بس حتي وهما كويسين ف البيت مع بعض انا م عارفه اتخطي الزعيق والصويت والعياط الي ف كل المشاكل الي حصل وماما مبينه قدامي أن الدنيا حلوه عشان انا ثانويه عامه وبتاع وانا مش عارفه هو كويس ولا لا وده الي مضايقني وهو دايما محسسني ان تقيله عليه أو مش لوحدو حتي اخواتي بحسهم هما مع بعض وانا لوحدي انا بنت لوحدي و٢ ولاد فمره روحنا اسكندريه وكنا ف مطعم ماما قاعده بتكلم بابا واخواتي مع بعض وانا قاعده لوحدي حتي الاكل هما الي كانو بيختارو مع بعض كنت حاسه ان طرف زياده كده اي الي جبني وسطهم اصلا معرفش انا بحكي ده ليه أو اي الهدف من ده بس انا  بتعامل مع كل واحد فيهم في حاجه جوايا ناحيتو فكراه حاجات مش عارفه احسن أن ده بيت وعيله كده كل واحد ف حته تانيه أو هما مع بعض وانا الي لوحدي ابويا قبل كده قالي انتي عمر محد هسيستحملك عشان بعدت عن معظم صحابي معنديش غير صاحبه واحده  قالي مش عارف مستحملاكي ازاي ف الاغلب هيا كمان مش مستحملاني يمكن عنده حق.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_52580 🇪🇬

منذ أسبوعين

شعور وحيد

.....تالته ثانوي على ....... تالته ثانوي على.......تالته ثانوي زههههههقت بجد تعبت مبقتش ولا قادر ولا عارف جيبت فعلا أخري انا اصلا مش عارف مالي و بطلت مذاكره ليه ولا أنا عايز مساعده ولا لا انا فعلا مش فاهم اي حاجه و بقالي كام يوم على الحال دا و فعلا تعبت من الحاضر على الماضي على المستقبل حقيقي م

Chocolate_52580 🇪🇬

منذ شهر واحد

شعور وحيد

بوست الصياح الدوري،. كمله لو سمحت لو انت تالته ثانوي اهلا 🫡 تالته ثانوي عاملين ايه أنا كنت مراكم كتير بس بيقلوا مع الوقت و إنشاءالله على يوم الاربع الجي هيكون فاضلي حبه قليلين متراكمين يا رب الاسبوع يمشي على خير و يكمل الجدول على خير، اه خلاص عملت جدول البركه مش جايبه همها فعندي نصيحتين و سؤالين

Strawberry_87386 🇪🇬

منذ شهر واحد

شعور مكتئب

أنا في ثانويه عامه وعندي مشكله بجد تعباني نفسيا و خايفه اوي أنا دماغي كويسه اوي و بفهم الدروس كويس بس لما باجي احل بحل غلط و مش غلطه او اتنين لا بيبقي كتير فا بتصدم اوي مع أني ببقي متأكده من حلي و إني فأهمه السؤال بس بحل غلط و فالشوامل بجيب درجات وحشه معرفش اعمل ايه عشان أعالج الموضوع دا من دلوقت ،

Mango_75327 🇪🇬 انتي عملي ولا ادبي الاول علشان نساعدك ، ده عادي جدا ياسطي ، انا مجبتش درجة حلوه في اي شامل و في الاخر جبت 90% فالموضوع ارزاق مجرد بس حاولي تتعلمي من اخطائك

عرض الكل 6 نصيحة

Candle_82482 🇪🇬

منذ شهر واحد

شعور خجول

عندي فقدان شغف للمذاكره رهييييب بجد ثانويه عامه خدت مني طاقتي كلها و شغف للمذاكره و في الاخر متوفقتش قولت بقي نعوض في الجامعه اومااال 😅 اقسم بالله انا مش بعمل حاجه غير اني انقل المحاضرات و خلاص و لا بذاكرها و لا اي حاجه 😂 المشكله ان الميدتيرم الاسبوع الجاي و انهارده الدكتوره أجلت المحاضره لوقت ت

Mango_69037 🇪🇬

منذ شهرين

شعور مرهق

بقيت في سنه تانيه بس حقيقي لسه مش عارف اتعافي من ثانويه عامه مش قادر انسي اني خذلت اهلي مش قادر انسي المجموع اللي جبته مكنتش متخيل ان بعد دا كله هدخل معهد لحد دلوقتي بتكسف اقول للناس اني في معهد

Biscuit_71546 🇪🇬 اثبت ذاتك يا صديقي في معهد او كليه كلها محصله بعضها المهم المهارات اللي هتكتسبها من الفتره دي واد ايه هتطور من نفسك وتجهز نفسك لسوق عمل مش بيعتمد علي شهادات اد ما هو محتاج خبرات.. بص لقدام وسيبك من اللي عدي لسه قدامك الفرصه تعوض يا صديقي بس ركز في اللي جاي بشغف

عرض الكل 2 نصيحة

Chilli_82771 🇪🇬

منذ شهرين

شعور مرهق

عندى 18 سنه ثانويه عامه السنادى نفسيتي صفر مليش نفس اعمل اي حاجه مش قادره انزل الدروس مش قادره اذاكر بهرب من الامتحانات بحب اهرب من الواقع كله واعيش مع خيالي والاغاني واعمل سيناريوهات في دماغي ملهاش علاقه بالواقع عايزه اهرب من التفكير الزائد ده حياتي كلها بايظه بسبب كده لما بحاول اغصب على نفسي واقع

Bulb_51863 🇪🇬

منذ 3 أشهر

شعور ضاق ذرعًا

عبّر عن شعورك بشكل مجهول

تم اخد شاور ليله اول يوم كليه وتحضير الاوتفيت
ذاكرتي بتعمل فلاش باك لأول يوم مدرسه وانا لسه ف ابتدائي وكانه كان امبارح
وايام دروس ثانويه عامه ال كنت فاكره ان الوقت عمرة ما هيعدي ويوم النتيجه ال كان أبطأ واسوأ يوم ف حياتي
بس انا دلوقتي انتهيت مَن كل دا وعملت move on منه ودلوقتي الحمد لله انا مش ف المكان ال كان نفسي فيه بس فالمكان ال ربنا حاططلي فيه الخير ودا ال اكتشفته مؤخرا ان دا حرفيا المكان ال هعرف أنجح فيه وكنت مستحيل أنجح ف اي مكان تاني
رساله لاي حد ثانوية عامة الان
اعمل ال عليك عشان يوم النتيجة متحسش ب ذرة ندم واحده حتى لو يومها مجبتش المجموع او الكليه ال نفسك فيها.
وخلي عندك ديما ايمان بربنا انه هيحطك فالمكان ال انت خيرك ونجاحك فيه
والله السنه بتاعت ثانويه عامه كانت بتعدي ب كرم ربنا وان ديما متأكده ان ربنا معايا وسامعني
خلي علاقتك بربنا كويسه ومهما حصل ومضغوط من مذاكره او ايا كان ايه متقصرش ف علاقتك بربنا لانك محتاجه جدا طول اليوم مش ف ثانويه عامه بس
وفالنهايه ثانويه عامه زي ما بيقولو مش اخر المطاف بل بالعكس هي بدايه رحله جديده والرحلة دي ال هتثبت نفسك ونجاحك فيها
ربنا يوفقكو كلكو وتدخلو الكليه الربنا مختارلكو الخير فيها وال نفسكو فيها ويهون عليكي وتعدو السنه بسرعه وعلى خير ولو حد من حبايبنا رجاله ثانويه عامه دفعه2026 (بصوت  حمثلاح) محتاج حاجه يبعتلي اساعده
ادعولي اعرف اعيش حياتي مع المواصلات عشان الحاله صعبه ومتاكده ان الناس هتزقني ويوقعوني فالارض ويكون شكلي غلبان وراجل عجوز يجي يقومني ويقولي روحي يبنتي الست ملهاش غير بيت جوزها (انا ألفت موقف) 
نفسي انام بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76450 🇪🇬

منذ 3 أشهر

شعور متعب

انا ثانويه عامه المفروض ان دي اهم سنه بالنسبه ليا عشان عايزه اسافر المهم اني مبفتش بذاكر وبعيط عشان اذاكر ومبقتش عارفه وبقيت بكنش معظم الدروس مع اني مش عايزه كده وبقيت بقطع علاقتي بمعظم صحابي وبزعل من اقل حاجه المهم انا عايزة طريقه ارجع بيها لمذكرتي وحياتي اعمل ايه

Nutella_74415 🇪🇬

منذ 3 أشهر

شعور مستنزف

عبّر عن شعورك بشكل مجهول

انا تقريبا لسه طفله وبشوف نفس طفله بس الظروف حكمت عليا ان اعيش سنين اكبر من سني ماما وبابا منفصلين من 10 سنين ماما ست مكافحه وسبوره وب 100 راجل احنا اربعه انا وولدين اصغر مني واختي الصغيره انا الكبيره بتاعتهم باختصار عشت اسوء فتره حياتي بيجي عليا وقت اقول الفتره دي بتبقى احلى فتره في حياه الانسان انا دي اسوء فتره في حياتي هل لما اكبر واخرج واروح واعرف الدنيا هعرف اعيش مش هقدر ماما بقى لها ثلاث سنين بتشتغل دلوقتي عشان المسؤوليه زادت وانا اللي استحملت البيت وكل حاجه كنت على طول بجيب من العشره الاوائل على المدرسه كنت بخش مسابقه قران واجيب المركز الثاني او الاول دلوقتي حتى صلاتي مش قادره اعملها بصحى من نومي اعمل البيت اودي اخواتي الدروس واروح اجيبهم من الدروس واجي اعمل لهم ياكلوا اكتب معاهم الواجب ويا دوبك اقوم اغير هدومي واروح لدروسي مع العلم ان انا دلوقتي في ثانويه عامه عمري في حياتي ما حسيت ان انا متقمره او ان انا دي مش العيشه اللي انا بتمناها بالعكس بحمد ربنا وبقول الحمد لله على النعمه دي كنا في الاول ماجرين بعد كده لما الظروف ساءت رحنا قعدنا في بيت اهل ماما اللي هم اهلي بمعنى اصح وكل حاجه حلوه في حياتي بس لو فضلنا قاعدين مع تيته في بيتها تيته قديمه وبنتخانق وكده مع العلم ان في شقه فوق مبنيه ولكن ما فيش فيها كهرباء ولا اي حاجه ولا شبابيك ولا اي حاجه طلعنا قعدنا في الشقه دي عادي وعملنا خشب على الشبابيك وظبطنا البيت وكنا مبسوطين وراضيين بابا اتجوز اول جوازه وفشلت بعد ماما وثاني جوازه بس فرق ثاني جوازه دي المجمع مراته الثانيه دي باولادها وانا واخواتي بعيد عنه كانت صدمه نفسيه ليا ولاخواتي اخواتي ابتدوا يطلبوا ان هم نفسهم يشوفوا يشوفوا بابا ويقعدوا معاه ويصحوا يلاقوه في البيت طلبوا طلبات لنا ولا ماما نقدر نعملها ماما معيشانا في مستوى كويس اللي بنحتاجه بتجيبه وبنتفسح وبنخرج وبنلبس احسن لبس العائق الوحيد الشقه اللي احنا عايشين فيها بس والله راضيين الحمد لله وعمرنا ما اتقمرنا بس يعني المشكله في دي بقى وان اخواتي ابتدوا يبصوا لما عرفوا ان اولاد مرات بابا عايشين مع بابا وان بابا جاب بنت اختي لينا طب ليه هي هتبقى عايشه كده واحنا عايشين كده طب ليه بابا بيحبها وليه مش بيفكر يسال على حد فينا بقى لي سنتين مقصره في دراستي تاثير جامد اول سنه في ثانويه عامه جبت ملحق فيزياء مع اني شاطره بس كنت مقصره في دراستي مع العلم اني كنت جايبه اصلا مجموع يدخلني ثانوي عام انتظام لكن لما ماما خرجت واشتغلت كنت لازم اقدم منازل علشان اخد بالي من اخواتي ثاني سنه جبت ملحقين والوقت دي اهم سنه في حياتي نفسي احقق حلمي بس في نفس الوقت مش قادره اتكلم واقول لماما الحمل كبر عليا ومش قادره اذاكر وانتظم في دروسي انا قايمه بدور الام والاب بعمل كل حاجه وماما بتعمل كل حاجه لكن دايما بيبقى في حاجه ناقصه وخصوصا ان هو قدام عيننا على طول بياذينا وبيخلينا نكرهه بزياده لان بنبقى محتاجين ومش بنلاقيه خالو اخو ماما الاصغر منها عنده ثلاث اولاد ربنا يخليهم له ويبارك له فيهم قال لنا انا ابوكم بيجيب لنا كل حاجه بيعمل لنا كل حاجه بيعملنا احسن معامله حرفيا اكنه ابونا هو بالنسبه لي ابويا اما الشخص الثاني ده انا مش عارفاه بس لما بشوف بابا قدامي ومعاه اولاد مراته واختي بقول انتم حلمتوني منه انا واخواتي لما بيبقى خال ومراته و اولاده معزومين عند تيته واحنا بنبقى قاعدين بحس ان انا واخواتي وحشين لان اخذين خاله من اولاده زي ما مرات بابا اخذت بابا مننا فكرت في الانتحار كتير بس كل مره كنت بنجد منها زي اللي ربنا بيقول لي عايزك تقعدي في الدنيا كمان بس انا لو فضلت قاعده اكثر من كده بقت اذى اؤذي حد في اللي حواليا فكرت كتير اني افتح انبوبه العز واحنا نايمين علشان اخواتي ما يتعذبوش من بعدي وكلنا نرتاح حتى ماما للحمل بقى كبير عليها رجعت لصلاتي ورجعت احفظ قران ورجعت انتظم في حياتي بس حاسه ان انا عملت ذنب ان ربنا هيفضل يحاسبني طول حياتي عليه بس ايه هو انا مش عارفه وغير كده كل بني ادم ليه طاقه احيانا اهل ماما هنا بيسمعونا كلام بيجرحنا ماما احيانا بتقول انا وانا وانا وانا بحسها بتعايرني بشوف في كل عيون الناس في المكان اللي انا عايشه فيه كلمه باباكي سابك بقول اكيد خير وربنا جايب العوض الكبير قدام بس انا بقى لي 10 سنين ما فيش يوم عدى في حياتي كويس بفضل اقول الحمد لله وراضيه واسفه اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_43724 🇪🇬

منذ 4 أشهر

شعور قلق

انا كنت ف ثانويه عامه والحمد لله رب العالمين جبت مجموع حلو بس انا مكنش عندي هدف لكليه معينه يعني انا كان هدفي في ثانويه عامه اني اجيب مجموع عالي وبس ويحلها حلال بعد كده...ابويا كان عايز يشوفني دكتور بأي وضع يكون وانا عايز افرحه وافرح امي....المهم وصلنا اهو ودخلت كليه طب بشري بس انا حاسس انها مش شغفي

Pear_72995 🇪🇬 ما شاء الله اللهم بارك❤❤❤❤ بص لو في امكانيه تاخد كورسات خد لو مفيش في قنوات يوتيوب كتييير بتدي كورسات مجاني و في كورس نازل من الجامعه الأمريكية برضو...+ ف اولي كليه بتاخد مصطلحات طبيه... هتعرف تتأقلم عادي ادخل اليوتيوب برضو و شوف في ناس كانت بتتكلم عن المعاناه دي.... اعمل ايه ف الانجليزي في كلية طب.... و هتلاقي ناس كتير بتفيدك برضو

عرض الكل 3 نصيحة

Biscuit_70362 🇪🇬

منذ 4 أشهر

شعور عاطفي

انا كنت ثانويه عامه لكن مجبتش مجموع كويس مع اني عملت كل ما في وسعي وانا عمري ما كنت بجيب درجات وحشه خالص. وكمان كنت بطلع من الاوائل في السنين اللي فاتت دي كلهاا اشمعناا بقا السنه دي كده مع اني زاكرت فيها اكتر سنه وحليت كتب كتير كان نفسي بجد اجيب درجه حلوه علشان حتي امي وابويا. امي وابويا مكلمونيش

Coconut_52562 🇪🇬

منذ 4 أشهر

شعور لا مبالٍ

هححح و هححح والكثير من ال هححححح لازم اتحمل كل دا؟ شايل مسؤوليه اكبر مني بكتيييير اكبر من عقلي اكبر من سني اكبر من صحتي اكبر من نفسيتي بس عارف ايه اللي مصبرني(لا يكلف الله نفسا إلا وسعها) وطالما ربنا كلفني ب دا يبقا ربنا عالم اني هعدي منه الموضوع صعب اوي اوي كنت عارف اني هوصل للمرحله دي ومستني الوقت

Blueberry_52260 🇪🇬

منذ 4 أشهر

شعور محبط

انا كنت ثانويه عامه و جيت حولت امريكان السنادى وانا جريد 12 حولت عشان المجاميع السنادي مرعبه و اختى مجابتش مجموع كويس و اهلى مش عايزين يكرروا اللي حصل و بجد خايفه اوي و مرعوبه و خايفه مدخلش الكليه اللي نفسي فيها و خايفه عشان انا كنت عربي و فجأه حولت و هاخد الحاجات كلها بالانجلش و خايفه من الامتحانات

Apple_68671 🇪🇬 سبيها علي الله هتعدي

عرض الكل 2 نصيحة

Biscuit_87611 🇪🇬

مش عارفه ليه بمسح التطبيق وارجع أنزله تاني!

مش عارفه لي كل م اقرر امسح الابلكيشن و فعلا امسحو شويه و ارجع انزلو تاني سعات بحاول اساعد و اتكلم و سعات بتقفل و احس اي للي انا بعملو دا مش مكاني ولا انا حابه اكون هناا خصوصا ان ف كلام بيكون مش كويس بيتقال بردو بس حاسه اني بهرب و خلاص سعات بلاقي ناس عندها نفس مشاكلي للي انا مش عارفه احلها لنفسي و اتكلم معاها مسبهاش غير لم احلها ليها لو كان ف ايدي دا مش عارفه لي الانسان دا و بيعمل ف نفسو كداا عاوزه اتكلم و مش عارفه و مش عاوزه هيييح فككو. ...عرض المزيد

0 الدعم

15 نصيحة

Peanut_76092 🇪🇬

خايفة من نفسي ومن نوبات الغضب مش عارفة أعمل إيه

جوايا غضب رهيب مش قادرة احدد سببه، خايفة من نفسي جداً، خايفة يجيلي تاني نوبات الغضب، خايفة افقد السيطرة على نفسي، خايفة اتكلم اصلاً فاغضب زيادة.. مش لاقيه حل ومش عارفه اعمل ايه عملت كل السُبل اللي تخليني اخف الغضب ده ، فعلاً مش عارفة، دماغي حساها بتتحرق من كتر الغضب من سبب انا معرفوش ...عرض المزيد

0 الدعم

15 نصيحة

Grape_89316 🇪🇬

ازاي ابطل الطيبه الزياده دي واصبح قاسيه بجد؟

اوقات بحسني غبيه حوار الطيبه الزياده ده مقرف اويي شخص كان بيطمن عليا كان بقالو فتره كبيره مكلمنيش انا مفكره انو بيطمن عادي لكن لااسف كان جاي علشان محتاج مني حاجه المشكله اني كنت عارفه انوو بيكلمني علشان حاجه رغم ذالك كلمتوو كويس وساعدتو ف الي كان محتاجه بس اضيقت بعدها انت اتعملت معاه عادي كان مغيش اي حاجه بس بجددد مش طبعي اني اكلم حد وحش حتي لو مضايقه منووو ازي ابطلل الطيبه دي ازييي اكون قاسيه بجدد محتاجه اتغيرر ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع