مساء الخير مش مصدقة قد ايه العمر سريع والايام بتجري وان سنة كمان انتهت وسنة جديدة بدأت، اكتشفت ان مفيش حاجه مبتعديش مفيش حاجه بجد بتفضل على حالها، اي تجربة سيئة عديت بيها لو كان اثرها موجود ف هي اتمحت مش باقي غير احساس الشفقة ع نفسي، بجد يجماعة مفيش حاجه مبتعديش، وفعلا الحياة بتغير وبتتغير، لو بصيت لنفسي قبل سنة بس هلاقي اثر انسان حزين مهمش بيحاول يعدي ايامه بيمر باكتئاب رهيب بسبب انفصاله عن حد كان فاكر انه بيحبه، السنة دي انا مع حد احسن حد علمني يعني ايه حب واحترام مش حب اهبل زي اللي متصدرلنا ع السوشيال انا دلوقتي اكبر انضج واهدى، وعارفين ايه المضحك؟ ان الشخص اللي سابني من سنة وكنت مموتة نفسي عليه باعتلي دلوقتي اني وحشته!! بجد الحياة دي غريبة والناس اغرب، بس والله اي فرصة اتمنعت منها ايا كانت هي ايه تأكد مليون مرة ان البديل اللي متشال ليك احلى كتير من امنياتك، انا من مكاني دا احب اقولكم انكم هتتعافوا اه مش هتنسوا الوجع ولا كسرة النفس لكن هتبطلوا تعيشوها، هتعدوا منها واللي بعدها هيبقا اجمل، بتمنالكم دايما السعادة♥ ودمتم سالمين 😂❤

0

5