أنا سبت شركتي القديمة، وللأسف واجهت تعنت غير طبيعي؛ لدرجة إنهم قلبوا استقالتي لقرار رفد، ورفضوا يدوني مستحقاتي المادية واحتجزوا أوراقي الرسمية (أصل شهادة الجيش والمؤهل) وبيساوموني بيهم. في اللحظة دي، كان لازم أقرر إني مسمحش ليهم يعطلوا مسيرتي، فطلعت نسخ تانية من ورقي وسلمتها لشغلي الجديد عشان أثبت لنفسي وليهم إن مركبي ماشية ومش واقفة على حد. ​أنا دلوقتي بحاول أتعامل بمنتهى الثبات الانفعالي، بدأت بمبدأ حسن النية والدعاء، وفي نفس الوقت مأمن ظهري قانونياً ومقرر إني لو مخدتش حقي بالود، هبلغ القسم فوراً بمحضر إثبات حالة بتبديد أوراقي. ​اللي اتعلمته ومحتاج أشاركه معاكم، إن النضج مش بس إنك تبعد عن العلاقات المؤذية أو المحرمة، لكن النضج كمان هو إنك تضع حدود واضحة لكرامتك وتعبك، وماتسمحش لأي حد يبتزك أو يزيف الحقيقة. أنا حالياً في مرحلة سلام نفسي لأني عملت اللي عليا، ومستني أشوف نتيجة حسن النية لبكرة، ولو محصلش نصيب، أنا جاهز آخد حقي بالقانون وأقفل الصفحة دي تماماً. ​دعواتكم إن الحق يرجع لأصحابه، ومحدش فينا يضطر يواجه جحود وتزييف زي ده.حتى محاولتهم لتزييف استقالتي لرفد مش هتثنيني عن حقي حتى البنت الوحيده اللي حبيتها طلعت ودنيه صدقتهم ومتندنيش اي فرصه أدافع عن نفسي انا تعبت

1

3