سلام نفسي

Avocado_77684 🇪🇬

منذ 6 أيام

شعور شاعر بالملل

مُتخيل مدى السلام النفسي اللي ممكن تعيشه لو بتحب من غير ما تتعلق! مبتتعلقش بمعني إنك مُتيقن إن حياتك مش واقفة علي وجود حد ، فَـ تعرف تتصل وتنفصل بأريحيه ، ليه؟ لإن معاك نفسك ، واللي معاه نفسه معاه ربُه . متشيلش فِـ قلبك حاجة وإعرف دايمًا إن الحُب اللي في قلبك بيلف ويرجعلك فِـ ناس تانية وأماكن أحسن

Strawberry_80896 🇪🇬

منذ 3 أسابيع

شعور مكسور القلب

فكرة اني من صغري بتمني أروح لدكتور نفسي، بتروح في أوقات، و بتيجي في اوقات، هي لسه موجودة بس المشكله ف اني هعمل اى لما اروح ولا اى اللى هيتغير اصلا، مفيش كلام يتقال مش عارفة السبب اى في كل ده، بس حاسة ان كل اللى جوايا ده ضغط و تراكمات مالهاش حل غير انها تطلع بس السؤال هنا هتطلع ازاى ولا لمين ولا مع م

Strawberry_87366 🇪🇬

منذ 3 أسابيع

شعور خجول

احساس تحفه لما تشوف شخص كنت بتحبه اوي وروحك فيه حرفيا بعد ما عملت موڤ اون واللي هو خلاص you don't care anymore امبارح شيلت كل البلوكات وقررت أحرر نفسي من الحزن على العلاقة دي للأبد، رسميا حاسه إني بقيت حرة، وفي المقابل هو اللي بقا شاغل باله بيا دلوقتي وبيدور عليا في كل حته و هيهي (ضحكة شريرة) صدق ا

Orange_85139 🇰🇼

منذ شهر واحد

شعور ضائع

ما بقيتش تفرق لا عايز أرضي حد ولا عايز حد يرضيني، اللي ما فهمش عنه ما فهم، أنا مش مسؤول عن غباء حد. حتي لو أنا غلط، أنا عاجبني كده ومش حاتغير علشان حد. مهما كنت قريب والا بعيد خلاص وقتي خلص وماعنديش لا الطاقة ولا الرغبة إني اتعب نفسي واقنعك أو اسمعك علشان تقنعني، أو اني استحمل أخطاء حد أو أوجد له ال

Popcorn_68662 🇪🇬

منذ شهرين

شعور ضائع

الحياه مراحل و مفروض كل مرحله يكون فيها حقيقه تغير فيك أو حتت نضج كل ما بتكبر . وخصوصا لو اللي حصلك ده كان تجارب صعبه . انا يمكن اخر 7 سنين في حياتي مريت بتجارب حرفيا تخليني أعجز قرن . من تبطيل مخد....رات خالص والحمد لله بقيت متعافي تمام بس بعد كسره ضهر و خساره ناس قدام عينك .. و يجي بعدها ملحقتي

Apple_75318 🇪🇬

منذ 3 أشهر

شعور شاعر بالملل

قرار انك تبطل تجادل الناس اصح قرار ل سلامك النفسي متجادلش حد الجاهل مش هيفهم والعنيد مش هيقتنع والمتحيز مش هيسمع والانتهازي، هيستغل كل اللي هتقوله لصالحه الحياة الهادية جميلة جداً، خلي اللي يتكلم يتكلم واللي يصدق يصدق متحاولش تفرض مبادئك على حد اتعلم تسكت .. خليك عارف ان كل الناس عارفه الصح والغلط

Apple_75318 🇪🇬

منذ 3 أشهر

شعور مستنزف

هييجي عليك وقت وهتتحوّل حرفيًا؛ لا هتعاتب ولا هتجادل، لا هتفتقد حد، ولا هتدوّر على حد، اللي هيكلمك هترد عليه، واللي هيبعد عنّك مش هتسأل عن سبب بُعده، هتسمع كلام مش عاجبك لكن مش هترد ودا لا ضعف منّك ولا معناه إن الكلام ما بقاش يأثر فيك.. بس هتحس إنّك أكبر من إنّك ترد على شوية كلام سخيف من شخص أسخف، و

Carrot_71203 🇪🇬 انت صح

عرض الكل 9 نصيحة

Plum_74525 🇪🇬

منذ 3 أشهر

شعور مكتئب

عبّر عن شعورك بشكل مجهول

طول عمري بخطط اني اسيب اهلي 
من وانا صغيره كنت بحاول انتحر من كتر الاذي النفسي
انا والدي وامي انفصلو لما انا اتولدت لكذا سبب منهم انهي كنت بنت مش ولد
والسبب التاني هو خيانه ابويا وزواجه من التانيه
طول ال 16 سنه وانا كنت بحاول ارضي امي واشوفها مبسوطه كنت دايما الاولي علي المدرسه لحد ما دخلت كلية قمه 
والدي مكنش موجود لحد ما بقيت 16 سنه ظهر في حياتي تاني ورجع لامي وتزوج علي امي تالت ورابع وعندي اخوات كتير 
والدي من ساعت ماعرفته وهو بيضربني وبيعاملني معامله وحشه مع ان بيعامل ولاده الي مربيهم احسن معامله قدامي ! امي مكنتش ام .. دي كانت قاسيه ومدرسه ومنافقه
هي عمرها ماسمعتني ولا وقفت معايا هي كانت دايما ضدي حتي لو حد اذاني  وطول الوقت بتعمل قدام الناس انها بتعاملني معامله كويسه واول ما يمشو تضربني ضرب غبي اوي كان جسمي بيكون كله علامات ومره جدي شافها وهي بتضربني وزعقلها جامد ! 
هي كانت بتطلع غلبها فيا ..الكل كان بيتعاطف مع قصة امي لانها متزوجتش بعد والدي ما طلقها وربتني لاكن عمر ماحد تعاطف معايا 
لما كبرت دخلت الجامعه امي اتغيرت معايا اوي وبقت تطردني من البيت بسبب انها بتكون مضغوطه نفسيا وبمشي اعيط في الشارع 
والدي حاول يتحرش ببيا جنسيا لاكني هددته وسكت لاكن هو وامي بيقصدو يعملو علاقه ويخلوني اسمعهم بصوت عالي
وبيتحكمو فيا ممنوع النزول من البيت نهائي ممنوع يكون عندي صحاب كل حاجه حرام وممنوعه مع انهم بيشربو خمور ومخدرات في البيت قدامي بس بيتحكمو فيا ولو فتحت بؤي وعندي بيمنعوني من الجامعه !! فبضطر اسكت لحد ما اتخرج
مانعين عني المصروف والشغل ولو نزلت اشتغلت حتي ف مجالي بيروح يعملي فضيحه هناك ويضربني ويقولي مفيش شغل
ولو حد اتقدملي ووافقت عليه يروح يقول اني ماشيه معاه ويروح يضربه ويعمل فضايح 
انا عمري ماحسيت انهم بيحبوني فعلا مع اني امنيه حياتي يكون عندي اهل طيبين واعيش في سلام نفسي 
هل انا هكون غلطانه لو بعدت عنهم ؟ لو بدات حياتي في محافظه تانيه او دوله تانيه؟ ولا انا كدا غلط ونبي حد يفيدني انا نفسي افرح نفسي اشوف الدنيا نفسي اعيش حياه صحيه 
امي متعلقه بيا بطريقه اوفر وممكن يجيلها حاله نفسيه لو بعدت عنها بس هي قاسيه عليا وفي نفس الوقت هي مش هتسيب بابا رغم الي هو بيعمله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_66517 🇪🇬

منذ 3 أشهر

شعور مرتبك

بقابل مواقف كتير بتزعلني،ودايما زعلان ودايما مخنوق ودايما دايخ،بس لقيت الراحه المؤقته في الخمس دقائق اللي بصلي فيهم في كل فرد الصراحه،اي نعم المشاكل ما بتتحلش،بحس برضا كده ان كل حاجه هتبقى تمام وسلام نفسي احساس جميل جدا ❤️

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tofu_68922 🇪🇬

منذ 4 أشهر

شعور Great 🤩

كل يوم فرصة، وبداية جديدة لإننا نحاول.. نحاول ننجح.. نحاول ننجز.. أو حتى نحاول نبقا كويسين لنفسنا. أستمتعوا بكل شيء صغير ممكن يخليكم مبسوطين أو على الأقل يخليكم حاسين بسلام نفسي، ومتسمحوش لحد أنه يحجم من مجهودكم فأنكم تبقوا بخير.. نهاركم سعيد.💙

Avocado_65688 🇪🇬

منذ 4 أشهر

شعور فخور

موضوع:

الانعزال وصلك ل اي؟

الانعزال وصلني لنفسي وخلاني اشوف نفسي على حقيقتها ١٠٠% خلاني افوق لنفسي وابطل اي عاده سئيه كنت بعملها خلاني واعي اكتر ووقتي كلو بقى ملكي انا بستغله صح وبرتبه صح وببسط نفسي بنفسي وبقيت مش محتاج حاجه من حد ولا عايز اي حاجه من حد عندي سلام نفسي رهيييب وفي نفس الوقت قريب من اهلي وعلاقتي باهلي بقت اقوى و

Watermelon_32587 🇶🇦 هاي هي العزله الصح اللي توصل الانسان لنفسه هنيئا لك 👏👏👏👏

عرض الكل 2 نصيحة

Cherry_56651 🇪🇬

منذ 4 أشهر

شعور ضائع

عندي فوبيا من المياه البحر بالنسبالي رعب بس عندي شعور غريب اوي انه بيشدني ليه دايما بتخيل اني قاعدة قدام البحر و وصلت للسلام النفسي اللي بتمناه دايما عندي شعور اني لو روحت قعدت قدام البحر هحس اني مرتاحة بس مش عارفة ايه السبب..

Sugar_21815 🇪🇬

منذ 5 أشهر

شعور ضائع

Grape_51879 🇪🇬 انصحك تبعدي عنه لو حسيتي بوقت فراغ اسمعي قران اذكار ربنا نامي حبه اوقفي مع مامتك في المطبخ نظفي شقه اعملي اي حاجه بس انصحك بجد انا شاب اقطعي مع الولاد ثقه اهلك مش بسهل لو انكسرت مش هترجع ربنا يعينك اقطعي معه اوعي يصعب عليكي لو بتساعده أو كلام دا انتي شكلك محترمه اعملي بأخلاقك🤍

عرض الكل 21 نصيحة

عبّر عن شعورك بشكل مجهول

انا عايزه حل ليا انا شخصيه محترمه و مؤدبه جدا و بحازل بقدر الإمكان احافظ علي ديني و معملش اي حاجه حرام ف في الفتره دي دخلي كميه ولاد يكلموني و جو تعارف و ممكن نتعرف ف انا عشان كنت قاعده فاضيه و الفراغ وحش كنت برد عليهم و بتجاوب معاهم و في ناس اتعرفت عليها من هنا و كنا بنتكلم علي تطبيقات برا شات ف انا كان فيه فيديو علي تيك توك كاتب حاجه ليها علاقه بالاماني ف علقت و قولت نفسي الناس كلها تختفي مش عايزه اشوف بني ادمين تاني ف في ناس دخلت ردت عليا ليه بس و في ايه و في واحد عملي فولو و قالي اعملي باك عشان عايز اكلمك ف حاجه مهمه ضروري حصل و عملت و اتكلمنا علي تليجرام ف هو كان بيتكلم كويس بس كان بيضغط عليا ابعتي صورتك كلميني كول عايز اشوفك واعايز صور مش كويسه ف انا زي العبيطه بعتله صور ليا بس اللي بتتشاف مره واحده انا متضايقه من كدا و عشان يبطل زن بعتله صور لبنات تانيه من علي بينتريست دي كانت صور ب بيجامه ف هو صدق و سكت و كان بيتكلم معايا ف كلام مش كويس خالص خالص و بيبعتلي بقا استيكرات برضو مش كويسه و بيقولي بصي و شوفي و انا مش فاهمه ايه دا ف انا مش بحب اتكلم عن وظايف اهلي ف قولته عليهم عشان انا مش متطمناله ف قولته انا اخويا ظابط داخليه بس ف اسكندريه دي حقيقه فعلا (انا عايشه في محافظة تانيه غيرها و هو فعلا ف اسكندريه)اللي كدبت فيه اني قولته ان ابويا لواء وانا بابا مش لواء انا بابا CEOل سلسه المعارض اللي عنده انا قولته لواء عشان هو قالي ابوكي اكيد لواء قولته اه ف بعدها قالي لا خلاص مش هنتكلم و مش هبعتلك فيديوهات و مينفعش نتكلم ف الحاجات دي ف انا حسيت بالذنب اوي و اني بكلم ولد و بعمل حاجه غلط و حرام و مينفعش اكمل ف كدا ف هو قالي خلينا صحاب احسن قولته ماشي و روحت عامله ف نفس اليوم بلوك ليه ع التطبيق دا ف هو بعدها راح باعتلي ع تيك توك انا عرف ان اخوكي مش ظابط و بتاع موبيليا و ابوكي بتاع موبيليا برضو انا استغربت من كلمه بتاع دي ف هو شاف اكونت المعرض ف ده في ناس مسكاه اصلا هم بتوع الماركتنج و السوشيال ف اخويا فعلا ع صفحته كان بيعمل ريبوست للفيديوهات بتاعه المعرض و ساعات كان بينزل هو عنده و الصوره اللي حاطتها دي اصلا من زمان هو مفكر انه لما يبقي ظابط هيحط صورته بالبدله و يكتب تحيا مصر انا ظابط طبعا لا دا هو اصلا شغله لازم ميبينش انه ظابط اصلا و يبان انه حد عادي ف المهم انا لما شوفته باعتلي كدا اتخضيت عشان انا خلاص مكنتش عايزاه و لا عايزه اشوفه تاني و هو بيتحجج ب انه يساعدني و يخفف عني مع انه كان بيستعلني و بيضغط عليا بحته الصور دي و انا اصلا بقرف جدا من الاشكال اللي زي دي ف قالي انا انتي كدابه و انا كنت بحاول اساعدك ف قولته انا مش مضطره اني اوضحلك ولا افهمك حاجه دي انا و دي حياتي مش فاهمه ايه اللي ميتصدقش ف عيلتي مستكترهم عليا مثلا و هو واخد دور الضحيه بأنه كان عايز يساعد و انا الوحشه اللي منعته و قعد يقولي انا عندي ظروف و مشاكل كتيره انا بابا عنده كانسر في الرئه و كان كاتبها الرقه و مكمل ف دور الضحية برضو و المفروض تعذريني و انا عماله اقوله انا مش عايزه اكمل ف العلاقة دي حرام عليا زي م هي حرام عليك احنا الاتنين هنتحاسب مش انا لوحدي و هو مصمم اني افضل اكلمه و افضل معاه و انا بقوله لا و حرام و انا مش عايزه ابقا عايشه ف كدا ف ف الاخر هو قالي انا اسف و مش هتشوفي وشي ولا تسمعي سيرتي تاني و هختفي و عمري م ااذيكي بس هو خلاص غار ف داهيه انا بقا زعلانه عليا حاسه ان مشاعري بايظه حاسه بتوتر ديما بخاف من حاجات عاديه ببقي قاعده مش مبسوطه مش عارفه ارجع زي الاول و انا حد مش بيتعامل مع زمايله الولاد اصلا و مش بصاحب و لا بكلم ف انا عايزه ارجع للسكينه و للهدوء و السلام النفسي عايزه ابقي مبسوطه و ابعد عن اي علاقه عابره مؤذيه زي دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59482 🇪🇬

منذ 5 أشهر

شعور منزعج

Waffle_59213 🇪🇬 صح قرارك صح مليون الميه اللي بيحبك بجد هيجي لحد عندك ويعترفلك بي ده حتي لو انتي بتحبي حد سيبي هو اللي يقولك الاول انتي البنت واحنا الرجاله اللي مفروض نبادر ونحارب عشانكم الاول وبعد اما نكسب قلوبكم بصدق هنا بقي يجي دوركم

عرض الكل 2 نصيحة

عبّر عن شعورك بشكل مجهول

أنا اكتشفت اكتشاف كبيييييير..بس للأسف حزين و صادم جدا و كمان متأخر ييجي حوالي 15 . 20 سنة 
طلع ان مش لازم انا دايما اللي ابدأ و اقدم و ادي اللي قدامي علشان اتشاف حلوة 
و ان يبقى جوايا قناعة اني مستاهلش الحب ولا اي حاجة عشان مقدمتش حاجة الأول 😏😏 
طول عمري مقتنعة اني لازم اجي على نفسي علشان اللي قدامي ولازم انا اللي ابدأ و ادي علشان احافظ ع اللي قدامي و بس(بس ده اكبر غلط..اكببببر غلط)
 لما كبرت بقى و عقلت😏 اكتشفت اني من كتر قلة تقديري لنفسي محدش بيهتم برد فعلي ولا بمشاعري  ولا حتى انه يحافظ على وجودي لو انا مبادرتش بخطوات و محاولات و تنازلات الاول😔😔 
و وصلت اني حتى محدش بياخد باله ان عندي مشاعر و بحس اصلا.. لأني بعرف ابي و اداري و أتعامل عادي علشان الدنيا تمشي .. بس مفيش غير وشي اللي اتمشى عليه بالفعل
و طلع برضو ان عادي في ناس بيتقدملها حاجات كتير جدا و هي مابتبقاش قدمت ربع اللي اخدته ولا ربع اللي انا دايما بعمله للأسف
 و مش علشان انا ببص لغيري..ابدا و الله العظيم
 بس بقيت بزعل على نفسي اوي اللي هو يارب و انا؟؟ 
و ده بردو ملهوش علاقة بعدم الرضا نهائي اقسم بالله

ف قررت اني اقف مع نفسي وقفة بقى 
قررت احب و اقدر نفسي و اعرف اد ايه انا استاهل كتير.. استاهل اشوف مستحيلات تتعمل ليا أنا و بسسسس مع اني شخص بيرضى بالممكن و الأقل منه كمان و بيكون طاير بيه
 و قررت اني ولا هضحي ولا هتنازل تاني عن سلامي النفسي و الذهني و الجسدي اللي أهملتهم بسبب ناس كتير جدا متستاهلش .. بس اكيد ملحوقة ان شاءالله❤️
و قولت اكتب الكلام ده هنا (حتى لا ننسى)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع