ندمت على صداقتي معاها وبحبها لسه

Question

واحدة صاحبتي 
الموضوع ممكن يبان تافه بس بجد دايما بندم على صداقتنا دي وبحس اني بوظتها وانا فعلا كنت بحبها اوي 
كنا في 6 ابتدائي تقريبا او حاجة كدا وهي كانت مرتبطة (عارفه والله شغل عيال من غير ما تقولو) المهم كانت انتشرت موضة الكاتينج بقا ف هي في مرة اتخانقت مع الشخص دا ف مسكت موس حاد وجرحت نفسها كام جرح ف ايدها انا طبعا قولتلها بطلي هبل وكدا بعدها روحنا بس انا كنت خايفة عليها تعمل كاتينج في البيت ف في لحظة معرفش بقا بدون تفكير ولا ايه كلمت اختها الكبيرة حكيتلها مش فاكرة بقا زعقت ليها ولا عملت ايه بس هي تاني يوم سألتني حكيتي لاختي ؟ قولتلها كنت خايفة عليكي من وقتها ومبقيناش صحاب 
تقريبا بطلت تثق فيا وبعدنا تماما مع الوقت 
بس انا لسه بجد بحبها اوي وكان نفسي نفضل قريبين 
حاليا احنا بنتخرج من الجامعة وكل ما اشوفها اقول ياه لو كنا فضلنا قريبين ، بتمنى ليها كل الخير والسعادة في حياتها بجد 
وعلى فكرة أنا مش مثلا مليش صحاب أو كدا ف بفتكرها لا الحمد لله عندي صحاب عمري وصحاب كتير بس حبيت احكي الموضوع دا

Mango_39796 🇪🇬 · Answer

انتي عملتي احسن حاجة ممكن تعمل في سن دة ممكن رد فعل أختها وأهلها كان صعب بس انتي من وجهت نظري دة صح

Potato_31970 🇪🇬 · Answer

انتي اتصرفتي صح 
لو مكنتيش عملتي كده من الاول مكنتيش عارفه هل هي هتبقي موجوده ف الدنيا دلوقتي ولا لا

Chilli_38972 🇪🇬 · Answer

انت شخصيتك جميلة على فكرة

Watermelon_30722 🇪🇬 · Answer

بصي هى طالما قالتلك انتي اللي حصل ،فهى كده استأمنتك على سر ومكنش ينفع تقولي لأختها + هى اكيد عارفة كويس ان اللي بتعملوا غلط وانتي نصحتيها لكن انك تطلعي الكلام ده بره مكنش تصرف قد كده

Chocolate_41094 🇪🇬 · Answer

ندم أنها سابتك ومبقتوش صحاب اهون بكتير من ندم أنها عملت حاجه في نفسها وأنتي ملحقتهاش برافو عليكي