بعد سلام الله عليكم و رحمته و بركاته. مكنتش حابه ابدًا اني احمله تاني بعد ما اخدت وعود كتير اوي على نفسي و وعدت ناس كتير لان ضرر الاب كان اكتر من نفعه و حولني ل شخصية مكنتش هحب ابدًا اني اكون هي. و بعد ما حملته و كنت بحاول اعمل اكونت جديد عشان انزل عليه.. مش حابه اقول صياحي لاني بقيت بحسها كلمه عيالي و عبيطه اوي لا تعبر عن كم الاذى النفسي و الخذلان و الوجع اللي بمر بيه.. مظنش لسه نزل ف المعجم كلمة عميقة تعبر عن ده. المهم ان طلع مفيش طريقة لعمل اكونت جديد ف قولت يعني احزاني ليست خطيئة لكي لا اشاركها على اكونتي الاساسي يعني. المهم ندخل ف الموضوع اللي اتى لي بفكرة اني احمل الاب تاني و اتمنى مرجعش ل نقطة الصفر ( بتكلم منها اصلًا بس عمري ما اعترف و اروح اقول). ______________________ جديًا احيانًا بندم على كوني بنت ليس لي اي حول او قوة ف اختيار نوعي بس بردو يعني مجرد شعور بعدم الانتماء... و جديًا بقا بكره الرجالة كره بجد هما السبب ف اي مشكلة ل اي بنت هما المشكلة ف خوف اهلنا الزايد علينا كلهم بسببكم! انتو متخيلين حجم القرف اللي انتو بتعملوه صدقوني من كل قلبي انا خصيمة اي راجل حسس بنت بعدم امان و حطم احلامها بسبب خوف اهلها من امثاله. بس عايزه كل اي واحد فيكم يتخيل نفسه كده مكان بنت ف مقتبل عمره او ف سن المراهقه و عايزه تعمل و تعمل و تعمل و تروح و تيجي ( كل ف نطاق الشرع و الدين و تعمل اللي هي عاوزاه ف نطاق ميغضبش ربنا عشان محدش يجي يقولي ده فُجر) و اهلها يعترضوا ع كل حاجه هي عايزه تعملها لمجرد ان الرجاله برا ملهاش امان... عمومًا ف بداية البوست مكنتش عايزه اخلي الموضوع عام و مكنتش عايزه اعمم و كنت بس داخله اشتكي و احكي اللي حصل النهارده بس حسيت اني احكي نوقف فردي مش هيقدم ولا هيأخر + الصراحه هي جت معاكي كده و حسيت اني مش حابه احكي اللي حصل النهارده ( مش حابه افتكره بس انا بكابر) . ..... حاسه البوست باظ مني و مكنتش عايزه اكتب كده او كنت عايزه اكتب بطريقة انضج من كده بس اتوقع الحمقة و العاطفة سيطروا عليا و انا بكتب ف عقلي سكت. مش مهم الصراحه المهم اني اتكلمت المهم اني اظهرت رأي ف العلن لعل و عسى حد يراجع تصرفاته اللي بتخلينا نحس بعد امان و يتغير ( ربنا يهديكم جميعًا) مش عايزه كومنتس انتقاديه ( مش ل حاجه و الله بس لأجل اني ف حاله نفسية يرثى لها و مش عايزه اتكلم بطريقة فظه) دمتم بخير و متنسوش تصلوا على النبي ﷺ و تقولوا سيد الاستغفار عشان احنا دلوقتي ف وقت السَحر( الثلث الاخير من الليل) سَيِّدُ الِاسْتِغْفَارِ أَنْ تَقُولَ: اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي، إِنَّهُ لاَ يَغْفِرُ الذُّنُوبَ إِلَّا أَنْتَ.

3

8