أهلاً يا فواكه حبيت اقولكم حاجه كدا بسرعه وامشي تاني ف عشان كدا احم احم 🎤🎤 ليدز آند جينتلمن.... سمعتوا قبل كدا عن نظرية القهوة ساده؟؟... ركزوا معايا بقي لأن النظريه دي لسه سامعها وعجبتني جداً اي هي بقي نظرية القهوه الساده دي.... بتقول اي بتقول انت واحد دلوقتي نفسك تشرب عصير برتئان فدخلت قعدت فكافيه لاقيت الويتر جاي بيقولك تحب تشرب اي يافندم؟.. روحت انتَ قايله اي حاجه غير القهوه الساده فيقولك ايوا يافندم يعني حضرتك حابب تشرب اي ! فتقوله اي حاجه غير القهوه الساده فيسيبك ويمشي وهو مستغرب جدا !! المكان زحمه جدا وفي ناس كتير وأوردرات اكتر والويتر هنا وهنا وهنا... فيجي بعدها بـ 10 دقايق عايز يجيبلك الأوردر، بس كل اللي بيفتكره من كلامك هو قهوه الساده فبتالي ايه اللي نزلك هممم... فكروا شويه فنجان قهوه ساده بعيداً عن القهوه الساده والبرتئان😁 بس الحكايه اللي حكتهالكم هي بظبط اللي كلنا بنعمله مع نفسنا فحياتنا تقعد تقول أنا حاسس إني مش هجيب المجموع اللي عايزه حاسس اني مش هدخل الكليه اللي نفسي فيها حاسس اني مش هشتغل في الشركه اللي بحلم بيها أو البزنس بتاعي هيفشل انا حاسس إن عمري ماهمسك فلوس أو هعمل حاجه وتبدأ تقول لنفسك حاجات سلبيه ذي دي حتي لو مش بتقولها بصوت عالي بس بتقولها بينك وبين نفسك هو دا بقي اللي واخد حيز تفكرنا علي طول في مقوله بتقول:" اللي انت بتقوله لنفسك انك تقدر تعمله أو ماتقدرش تعمله انت في الحالتين صح" كلامك، وطريقة تفكيرك، وإزاي أنت شايف نفسك، هو ده اللي بيحصل في الحقيقة. طب إيه رأيك تغير طريقة تفكيرك؟ وتبدأ تقول: أنا إن شاء الله هخش الكلية اللي نفسي فيها. أنا إن شاء الله هجيب المجموع اللي أنا عايزه. أنا إن شاء الله البيزنس بتاعي هينجح. بس مع ده.. تبقى بتعمل فعلاً المجهود، وبتحط الوقت الكافي، وبتسعى وبتعمل اللي تقدر عليه 100%، وبعد كدة تسيب الباقي كله على ربنا. من الآخر.. أنت اللي بتحدد لنفسك سواء هتعرف تعمل حاجة أو مش هتعملها. لو أنت نفسك تشرب عصير برتئان ملهاش لازمة إنك تجيب سيرة القهوة السادة وأخيراً وليس آخراً انا حاسه اني مش هنجح فماده يوم السبت دي فدعوتكم بقي🥲

2

2