مجهود

Chocolate_57909 🇪🇬

منذ أسبوع واحد

شعور مكسور القلب

انا تعبت انا خسرت كل حاجه و كل حد مش عارفه ابداء منين و لا اقول ايه بس انا مش هحكي مواقف هحكي احساس انا حاسه اني محدش بذل مجهود تجاههي و انا حرفيا ببذل كل اللي بقدر عليه كل حد في حياتي حاطه في مكانه حرفيا محدش يتخيلها و في النهايه مش بلاقي نفس المكانه و لا نفس الاهتمام و لا نفس الطاقه مش عارفه الغلط

Coconut_56919 🇪🇬

منذ أسبوع واحد

شعور مكسور القلب

اكتر حاجه بتقهرني لما افضل اتحايل علي الحاجه عشان تحصل أو تحايل علي شخص يفضل في حياتي يعني بتعب و اعافر معاك وانت متشوفش كل دا تمشي من هنا انا بتقهر لان المجهود اللي بعمله انت بتضيعه علي الفاضي انا واحد مش بيدخل اي حدفي حياته بس اني اتحايل عليك متمشيش دا معناه اني شايفك شخص غالي عليا اوي و مقدرش است

Coffee_63938 🇪🇬

منذ أسبوعين

شعور مكتئب

صعبان عليا نفسي جامد لما كل مرة أبذل مجهود عشان انجح في علاقة معينة سواء friendship/relationship ‏وفي الآخر بينتهي بيا الحال ب سؤال ‏ "ليه بيحصل معايا كدا؟" ‏يعني مثلًا انا مستاهلش ان حد يبذل مجهود علشان افضل في حياته!

Chilli_63940 🇪🇬

منذ 3 أسابيع

شعور مرتبك

اي نصايح في ثانويه عامه وايه الكتب الكويسه وايه افضل طريقة مذاكره والمدرسين خاصة بتوع اللغات علمي علوم حاسس اني بعمل مجهود في الأرض اعمل ايه عشان اثبت المذاكره وازاي اركز في الحصص الاونلاين بذات اللي ١٠ ساعات وأرقام غريبه الوقت كبير اوي

Strawberry_51000 🇪🇬

منذ 3 أسابيع

شعور محبط

الواحد حزين ان احلامه بتضيع وناس تانيه بتحققها بكل سهوله وبيتأففو منها كمان وشايفين انها مجرد ولا حاجه مع اننا حاولنا بكل مجهودنا ومخدناهاش هل صعب علي ربنا يديهالنا او يدينا نصها او اي حاجه شبهها انا عارفه يمكن نصيبنا في حته تانيه بس ليه احلامنا اللي فضلنا سنين نحلم بيها كلها كلها بتضيع ليه المفروض

Strawberry_49071 🇪🇬 اعمل اللي عليك وفكك طلما محصلش ليك يبقي مش من نصيبك ياحبيبي

عرض الكل 5 نصيحة

Sugar_76511 🇪🇬

منذ 3 أسابيع

شعور متوتر

(ثانوية عامة 2026) انا بجد بشوف كل ال حوليا بيحلوا في كتب خارجية غير واجبات المدرسين ال كتيرة ده بيحسسني اني مقصر بس انا مش عارف الاقي وقت احل في كتب خارجية ده بيحسسني اني مش بعمل كفاية و تعبني اوي نفسيا و كل صحابي شاطرين ما شاء الله بس انا دائما أقل واحد فيهم في الدرجات و المذاكرة ده بيدايقني

Carrot_18027 🇪🇬

منذ 3 أسابيع

شعور لا مبالٍ

وحش اوي احساس انك دايمًا بتحاول تتأقلم، تتأقلم على كلية انت مش حاببها مع ناس مش شبهك ولا نفس تفكيرك ولا شخصية شبه شخصيتك و تبقى مضطر انك تتعامل مع الوضع و تتأقلم كم المجهود اللي بتبذله عشان تتأقلم كفيل انه يخليك تحس انك دايمًا مهدود

Nutella_83568 🇪🇬

منذ 3 أسابيع

شعور محبط

عبّر عن شعورك بشكل مجهول

انا واحده ثانويه عامة، من الاخر كدا جبت اخري، عارفة ان لسة بدري،عموما انا بدات دروسي ومذاكرتي 7/1
دلوقتي  انا في نص شهر عشرة، الوقت ده كلو انا حرفيا بذاكر مذاكرة وبعمل جهد كبير، بحل في اكتر من كتاب، بس بردو، درجاتي وحشة، قلت ادوس اكتر، وعملت جهد اكبر، بقيت اذاكر تقريبا  ١١سعات يوميا مع الدروس كمان، اينعم ما انكرش اني اتحسنت بس بردو، انا عملت جهد جبار مفروض انقص درجهاو  اتنين مش 10،دي حاجه مخلياني مكتابة، بجد تعبت واتخنقت ومش لاقيه نتيجة، بدعي ربي يوميا في الصلاه انو يوفقني وميسبنش، بس حاسة اني اتخنقت من كدا، كدا حرام بجد، انا عايزة اخد علي قد تعبي وجهدي انا مش بطالب باكتر من كدا  ، انا عايزه نتيجه لمجهوديييي، استغفر اللة، احيانا بحس اني هكفر لو شكيت اكتر، بس بجد انا جبت اخري، انا بعدت عن ناس كتيرة في حياتي كنت بحبهم بس قلت عشان افضي للمذاكرة وقت، لبست الخمار في اول يوم دروس ثانويه العامة ووعدت ربنا اني هتحسن، بطلت اسمع اغاني من قبلها كمان، كنت مرتبطه وقلت حرام واراعي ربنا وسبتو وقلت ربنا يعوضني بالخير ولو بيحبني هيستناني وهيجيلي بالحلال، اتكسرت جامد لما سبتو واكتأبت بس بعافر لاجل ربي ولاجلي ولاجل ماما حببتي اللي تعبانه وبتصرف عليا كتير وواثقة فيا اني هرفع راسها،كل مرا بتطلع فلوس تدفعلي درس او تجبلي كتاب انا بنهار من جوه، حرفيا بعيط جوايا، خايفه في الاخر مفرحهاش، خايفة اكسر املها فيا، عندي اتنين اخوات اولاد تعبانينها اوي وجايبنلها مشاكل، كل شوية تحصل مشاكل والناس بتيجي احد ماما و بيديقوها، وانا مبحبش حد يدايق مامتي حببتي، بتجرح لما بشوف المنظر ده، دايما تقولي انها ملهاش غيري، خايفة في الاخر محققلهاش حلمها وحلمي واخلي كل الفلوس اللي دفعتها عشاني  تروح في الهواء، بتشتغل  فوق الاتناشر ساعة عشان تصرف عليا وعلي اواختي، وتروح البيت مش بترتاح بتنضف وتطبخلنا، حرفيا بشوفها بتصعب عليا، بجد انا خايفة محققلهاش اللي انا وهي بنمتناه، سعات بتمني اموت وادخل الجنه واخلص من الهم ده،  للعلم انا مجتهدة مش بتكلم كلام وبس، انا السنه اللي فاتت طلعت المركز ال ٨ علي اامدرسة نقصت ٣ درجات،وانا في مدرسة لغات يعني بعمل جهد جبار، بس السنادي حاسة ان كل مجهودي في الهواء، حرفيا بيجي عليا وقت ببقي بعيط وانا بذاكر من كتير مانا ببقي مش عارفة انا غبيه كدا ليه ومش بفهم بسرعة ليه وااقفل ليه، دايما بدعي ربنا وبقول(اللهم لا تجعل في قلبي ذرة حقد او حسد، اللهم ارزقهم وباركلهم وارزقني خيرا منهم) بس بجد بحسد معظم صحابي انهم بينقصو قليل جدا وبيفهمو اسرع مني باقل مجهود، انا خايفة!!!!!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_67161 🇪🇬

منذ 4 أسابيع

شعور متعب

لجماعة طب انا اول سنتين كنت بذاكر كويس ويعلم ربي اني كنت ببذل اقصى مجهود عندي وف النهاية بجيب تقدير عام جيد جدا جيت ف اخر ترم ف تانية شديت جامد جامد وجبت اخري وكنت بحسب درجات وحاسبه ع امتياز وبرضو جبت جيد جدا عملت تظلم ونتيجته ظهرت النهاردة ومجاليش درجات دلوقتي حاسة اني مهما هبذل مش هحصل حاجه وده مخ

Strawberry_76642 🇪🇬

منذ شهر واحد

شعور آسف

*فيه نوعين من الناس* واحد لما يشوف غيره ناجح يقول: اشمعني هو، مش أنا؟ وواحد تاني يقول طالما هو قدر يوصل.. يبقى أنا كمان أقدر اوصل عوّد عينك و مخك انهم يشوفوا ان المجهود و المثابرة هم الي بيوصلوا ربنا يوفّق الجميع

Coffee_56002 🇪🇬

منذ شهر واحد

شعور ضاق ذرعًا

الأرق دا أصعب حاجه محدش متخيل قد إيه النوم المُتقطع ده حاجة مُتعبة خصوصًا لما بيكون بشكل يومي، من غير ولا يوم راحه!! أحيانا بيكون مُتعب أكتر من إنك تطبق ليلة كاملة من غير نوم! نايم بس دماغك صاحيه وحاسس بكل الـ حواليك بتبذل مجهود وانت نايم أكتر من وانت صاحي.

Strawberry_76642 🇪🇬

منذ شهر واحد

شعور مذنب

*مش كل حاجة بتعملها لازم يكون وراها مكسب.* متحسبش مجهودك الي بتحطه في الحاجات الي بتعملها في حياتك، انه لازم قدام المجهود ده يطلعلك مكسب منه. و مش لازم كل مكسب يكون مادّي. اوقات المكسب بيكون انك كسبت ثقة حد، او انك بنيت لعلاقة طويلة المدي، او حتي ان حد تاني هو الي هيكسب من المجهود الي انت حطيته.

Grape_77139 🇪🇬

منذ شهر واحد

شعور محبط

انا في تالتة ثانوي للمرة التانية عشان كنت مأجلة وكدا والسنة الاولى عدت الحمدلله وكنت جيبت آخري فيها حرفيًا واتصدمت جامد في النتيجة هو الدرجات الحمدلله كويسة بس مش زي مكنت متوقعة بالنسبة للمجهود الي عملته فنا حاليا من ساعة النتيجة مش عارفة اذاكر وبنزل دروس بصعوبة الي هو م عارفة اذاكر وابدأ ومعنديش شغ

Cherry_71804 🇪🇬

منذ شهر واحد

شعور منزعج

لايمكنك تغير الماضي او حتي اصلاحه ولكن يمكنك التحكم في مستقبلك وجعله افضل 🖤🥀 بالمختصر كفايه نرمي فشلنا علي ظروف حياتنا او ماضي اهلينا او بيئتنا او طفولتنا....كل دول مكانوش بارادتنا لكن مستقبلنا ماذال مجهول ونسبة انو يكون اجمل ف مدا مجهودنا دلوقتي 🖤🥀

Blueberry_64034 🇪🇬

منذ شهر واحد

شعور محبط

مشتتة و تعبانة من الضغوط اللى فيها .. متدمرة من كل حاجة بتبوظ فى اوقات غريبة و مش قادرة اعمل ايه حاجة غير انى اقبلها و ابلعها حتى و هي ماتتبلعش 😓 قد ما حاولت و مش راضية تيجي معايا اى حاجة صح ولا فى وقتها قد ما تعبت و مش قادرة ولا عارفة هكمل حياتي كدة ازاي و كل مشوار الف ميل بيبقا الفين و تلاتة و ار

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع