هل الطيبة في الزمن ده لعنة؟ اعتراف بوجع القلب الأبيض

Lemon_52708 🇪🇬

منذ ساعتين

شعور غاضب

أنا النهاردة بعترف، ولأول مرة، إني بدأت أكره نفسي.. أو بمعنى أصح، بدأت أكره 'الطيب اللي جوايا'. طول عمري متربي إن الأصول مفيش فيها فصال، وإن الكلمة أمانة، وإن احترام الكبير والزميل واجب. دخلت مكاني الجديد بقلب أبيض، كنت فاكر إن الناس 'شبهي'، وإني لو قدمت السبت هلاقي الأحد. بس اللي حصل كان صدمة عمري. لقيت نفسي محاصر ببيئة بتعتبر 'الطيبة' ضعف، و'الأدب' فرصة للسحق. لقيت مديرة بتستلذ بكسرة خاطري قدام الكل عشان تثبت قوتها، وزمايل -كنت فاكرهم سند- باعوني في أول محطة عشان خايفين على مكانهم. أصعب شعور في الدنيا لما تقف قدام المراية وتقول لنفسك: 'أنت اللي عملت في نفسك كدة بقلبك الأبيض'. بتحس إنك غريب في وسط غابة، وإن 'الأصل' اللي أهلك ربوك عليه بقى عبء تقيل مش قادر تشيله. أنا مش ندمان إني محترم، بس أنا موجوع لأن احترامي ملقاش حد يقدره، وموجوع أكتر لأني اضطريت أدعي 'حسبي الله ونعم الوكيل' بدموع وقهر عمري ما عرفتهم. أنا بس محتاج أعرف.. هل الطيبة في الزمن ده فعلاً لعنة؟ وكيف أتعافى من شعور 'الاستباحة' اللي حسيته

تعبت من الاستغلال ومش عارف أقول لا!

انا حد طيب اوي يا جماعة و للأسف مبعرفش اقول لا لحد ودا بيخلي كل اللي حواليا مستغليني بشكل مش طبيعي بجد سواء. ماديا او معنوية وفي ناس صحابي الحاجة لو معملتش زي ما هم عاوزين بيتقمصو ويعاملك ني معاملة غريبة هو ليه جزاء الإحسان غدر وكدب و وحاشة اقسم بالله انا بقيت مبخرجش من البيت ولا بطيق حد بسبب اني شايفة ان خلاص مبقاش في طاقة حتى اديها لنفسي تعبت و كل حاجة فيا تعبت ...عرض المزيد

0 الدعم

6 نصيحة

ازاي أكون ناضجة ومحدش يقلل مني؟

ازاي اكون ناضجه واطور من نفسي ومخليش حد يقلل مني من فتره صحبتي او اختي كنا بنتكلم اني اقدر اكون دكتورة سنان او اي مجال عايزة في البلد الي عايشه فيها فرصتي يعني قالتلي كلمه بس كانت بهزار عمري ماهنساها حتي لو بقيتي دكتورة سنان عمري ما اسلملك بوقي وقبلها كانت صحبتنا بيتقدم لها شخص فا هي بسالنا وكدا جايه اقولها نصيحتي صحبتي قالت اسكتي انتي انتي مش عارفه حاجه مع ان صحبتي قالتلي ايوه انتي فاهماني وانتي صح مش غرور فيا بس أنا فعلا كان كلامي صح وهي برضو بس اوقات بتحسسني اني اكمني طيبه اني ساذجه مثلا وعايشه في عالم غير بتاعم يمكن علشان أنا بهزر او بني ادمه بتحب الضحك والهزار وكدا اني لما اكلم بعقل او حد يحسسوني اني غريبه او معقوله او بقي يقولوا علي اساس انك بتعمل الكلام دا بحس فجاه اني مش عارفه أرد أنا بحب لما حد يدخل حياتي اسيب ذكري حلو يفتكرني بيها اني لما تيجي سيرتي يقولوا ياااه كانت محترمه وكويسه ومصد طاقه ايجابيه وبجد بتشجعنا وبتقف جمبنا بس بحس ان اقرب حد ليا شايف اني ضعيفه او ساذجه او طيبه زيادة عن اللزوم عارفه ان الطيبه الزيادة عن اللزوم غلط بس أنا مش كدا مش لدرجه اني مش بفهم ومش بعرف الي قدامي بني ادم كويس ولا لاء فا ايه الحل ...عرض المزيد

7 الدعم

3 نصيحة