امبارح كنا بنزور خالي علشان جاله فايرس قوي ف صدرة بسبب التدخين اظن و الفايرس دا معدي المهم لما وصلنا و بنسلم عليه كلهم حضنوه و باسوه و بيتعاملوا معاه كانه مفهوش حاجة ، لما جه عليا علشان يحضني انا بعدت شويه و سلمت عليه بالايد علشان انا اصلا عندي ربو و مناعتي زي الزفت مش ناقصة يجيلي فايرس ، المهم هو زعل و قالي انتي مش اصيله و كلام كتير ، قولتله انا مش اصيله علشان عايزة احمي نفسي من المرض ، هو انا لازم اموت نفسي و اتعب علشان اكون حلوة و بسكر؟ ، اتضايقوا مني كلهم و امي زعلت مني و لما روحنا دبت خناقة مش طبيعيه كأني قتلته ، و مصممه اني اعتذرله و احضنه كمان ، طب انا مش عايزة اخد مرض و من حقي ابعد عن اي حاجة تجبلي مرض و بعدين انا سلمت عليه بالايد مع ان دا بردوا غلط و هو المفروض يتحجز ف حجر صحي بس هو مرضاش ، هو اختار المرض دا بأنه يشرب سجاير و انتوا اختارتوا احتماليه انه يجيلكوا المرض دا و حضنتوه و انا اخترت اني متعبش ف بعدت ظش فاهمة ايه المشكله دي ، المهم عديت الدنيا و قلت هكلمه و كلمته فون قلتله متزعلش مني و بتاع راح قلي مش هزعل منك لو جيتي و حضنتيني ، هو مؤض بالعافيه يعني ولا ايه ، رحت انا قفلت ف وشه و من وقتها عيلتي مقاطعاني ، انا حاسه ان تصعيد امور غير مبرر فيه بصراحة بس عايزة اعرف انا غلطانه ولا لا؟

0

9