هوس النفس عدى اسبوع على المعهد بتاعي وصح انا دخلت معهد طيب نرجع لكواليس النهايه حبتين لورا مش اكتر كنت في اعدادي اكتر فتره اكتشفت فيها اني اكبر عدو لنفسي حاولت اخلق صديق من العدم ينكر حقيقه كرهي لنفسي والموضوع نفع على ما اعتقد كان كل حاجه تمام لحد ما الآيه اتقلبت وبقى صديق العدم مش صديق خالص وبصوا علشان احاول ارتب الموضوع شويه انا خلقت صديق من العدم علشان اعلى ثقتي بنفسي واتقبلني كإنسانه واقلل أصوات دماغي ولكن فجأه الآيه اتقلبت والصديق بقى عامل زي الوسوسه جنب الودان يعني الاول انا كنت بقول لنفسي اني تمام وكله فل ولكن دلوقتي لاا انا ببساطه مش عارفه اتحكم حتى في الصوت ده مش عارفه اوقفه ببساطه طيب الموضوع حصل ازاي معرفش بس خلينا نتكلم بشكل أوضح عن ليالي الامتحانات بتاعت ثانويه وسرها المخفى في امتحان العربي اول امتحان مع كل سؤال كنت بحله كان صوت دماغي بيزيد واني غبيه او ذكريات على كل مره كنت بحس فيها بضغط وخليني اقولها كنت بأذي نفسي جسديا بس من غير جروح بس أذى وده كله كان في الامتحان وافتكر وشي وشكله وحاله الصمت وكل ده ذكريات كتيره معرفتش اعمل ايه علشان اوقفه واركز في امتحانى محستش بنفسي الا لما المراقبه زقتنى وقالتلي كلمتك كذا مره ركزي يا ماما وبعدين لقيت ايدي بتوجعنى مره واحده واكتشفت اني كنت بغرز القلم في أيدي ومن هنا صوت دماغي هدى وذكرياتي راحت لها سبيلها وبدأ طريق جديد اسكت بيه نفسي وهو الاذى الجسدى ولكن فكره انى اشوف ايدي مجروحه وبسببي خلتني مصدقش روحت نمت وكأنه كابوس وهصحى منه بس لما صحيت لقيت اثر الجرح باين ساعتها عرفت ان الموضوع زاد عن حده عموما ايا يكن هبقى اكمل ف وقت تاني وصح انا تمام فل

2

5