وجع قلبي بعد فقدان بابا وحبيب توكسيك

Pear_51536 🇪🇬

منذ سنة واحدة

شعور مكتئب

موضوع:

حد عنده تجربة مع التعلق المرضي او ادمان شخص؟

بابا متوفي و من ساعتها و نفسي حد يعوضني عن احساس حنان الاب حاسه دايما اني لوحدي و كل لما اتعرف على حد مينوبنيش غير وجع القلب اخر حد عرفته قولت بس خلاص هو ده حبيب عمري عرفنا بعض اربع شهور تقريبا مده مش كفايه اني اعرفه بس كنت بصدق كل حاجه زي الهبله اي جمله بيقولها كنت بصدقه فيهااا حرفيااا طلع كداااب بيكدب ف الهايفه و لما اصارحه لا انا اللي مريضه انا اللي مش واثقه فيه انا وانا وانا سبته و انا قلبي بيتقطع حرفياا و لسه بيتقطع و هموت و أكلمه و حاسه اني متعلقه بيه اوووي حتي لو هو توكسك عشان لما بحب بحب من قلبي حرفياااا جالي كذا مره و كلمني كتير و خلي أخته تكلمني عقلي بيقولي لا و قلبي وجعني اوووي حرفيا بموت كل يوم بحاول اشغل نفسي ب اي حاجه بس مش قادره هموت و افك البلوكات حتي لو مش هيكلمني

أدعولي بالصبر والرضا قبل عملية استئصال الثدي

زي الوقت ده بكره إن شاء الله هكون ف العمليه بتاعتي ادعولي كتير أنا مكتئبه ومحتاجه لدعواتكوا،هعمل عملية استئصال ثدي ادعولي ربنا يصبرني ويعوض عليا ويراضيني ويحط ف قلبي السكينه والطمأنينه ويشيل مني الحزن والوجع ادعولي كتير علشان معرفش ردة فعلي ايه بعد العمليه أستحلفكم بالله تدعولي بالرضا والصبر وإن قلبي يكون مطمئن أنا وجع الدنيا كله ف قلبي والله ومش عارفه أتخيل ردة فعلي هتكون ازاي ونمط حياتي بعد العمليه هيكون ازاي ،كل حاجه هتتغير وحاجات كتير هتمنع منها بعد العمليه دي،ادعولي كتير أستحلفكم بالله ما تنسوني في دعائكم وادعولي لما بكره إن شاء الله ف العمليه هياخدوا عقده من العقد الليمفاوية اللي كان فيها الخلايا يحللوها أثناء العمليه ولو طلع لسه فيها خلايا هيشيلوا العقد الليمفاوية كلها وهتبقى معاناه أكبر ليا ولو مطلعش فيها خلايا هيشيلوا العقد اللي كان فيها الخلايا بس وهيسيبوا الباقي ف بالله عليكوا تدعولي ميبقاش فيها أي خلايا أستحلفكم بالله ما تنسوني في دعائكم والله محتاجه دعوات كتير ويمكن حد فيكم أقرب إلى الله مني وربنا يستجيب منه أستودعكم الله الذي لا تضيع ودائعه ادعولي كتير أنا متدمره حقيقي ...عرض المزيد

24 الدعم

7 نصيحة

تعبت وانجرت.. برسم الابتسامة بس جوايا دمعة

تعبت انجرت كتير واتكسرت كتير وبرضو لسه برسم الابتسامه عايزه اعيط عايزه اخرج كل اللي في قلبي اتدمرت نفسيتي واتدمرت كتير قوي ومدش حاسس كل اما ابقي ساكته وبفكر في حاجه واكون ماشيه مع حد يفتكرني زعلان منو تعب ...عرض المزيد

8 الدعم

2 نصيحة

انا حاسه بالقهر والغيظ.. كنت مجرد تسليه ليه؟

هحكيلكوا حاجه دلوقتي انا اتعرفت على واحد من 9 شهور على app معين اتكلمنا وهو كان شخص مريح وقولتله اني فعلا مبحبش اتعرف على حد وكل الكلام ده وبخاف علشان انا شخصيه عاطفيه ومبحبش التعلق فضلنا نتكلم من شهر عرفت انه خاطب شوفت بوست منزله وخطيبته بتقوله كل سنه وانت طيب يا خطيبي يا شريكي يا كل دنيتي قالها شكرا يا حياتي هو مجملاتي اوي المهم واجهته وقالي كنت هقولك بكره لما نتقابل كانت المفروض هتكون اول مقابلة لينا على الحقيقه بس احنا كنا نعرف كل حاجه عن بعض يعيني ف اتنرفزت وزعقت وقولتله هو انا تسلية هو انا لعبة هو انا رخيصه قالي لا والله وفضل يقولي كلام كتير وقالي انت جميله والله وانا اتعودت عليكي وانا اسف وشوفي اللي يريحك انا هعمله بس انا عايز فرصه ننزل نتكلم نزلت معاه تاني يوم حكالي وقالي انه خاطب بقاله سنتين وانها خطوبه صالونات وبنت صاحبه باباه وان في حاجات كتير هو مش حاسس بيها معاها بس مش عارف دي هيجي بعد الجواز ولا ايه هو مش عارف ف انا حسيت بحسرة على نفسي سكت شويه بعدين ضحكت وقولتله يعني اه احنا دلوقتي فرند قالي اللي تشوفيه قولتله يعني انا اتجوز وانت تتجوز ونبقى صحاب قالي اه قولتله انت تربية فرنسا قالي بصي لما تكبري هتحسي ان كل واحد عنده احتياجاته مشكله مثلا مش عارف احكي فيها مع صحابي علشان هما هيفهموني غلط ف هاجي احكي لكذا ( اسمي ) ف سكت تاني وبعدين ضحكت وقولتله اه تسليه يعني قالي لا والله وكل الكلام اللي قولتيه على نفسك ده وانك وحشه مش حقيقي واتكلم كتير قولتله طب مقولتليش من الاول ليه قالي علشان مكنتش اعرف لسه الشخص اللي بكلمه انت كنتي بالنسبالي مجهول وخوفت برده علشان مش هترضي ومش هتكملي معايا و ف نفس الوقت مكنتش اعرف اننا هنكمل كده واتعود عليكي قولتله طب وفين الدبله قالي بصي كده دي ساعه معدن مبلبسهاش علشان بتعملي حساسيه نفس الكلام مع الدبله اوي اي معدن علشان كده لابس الساعه دي سكت تاني وقولت تمام خلص كلامه وحسيت بقهره غبيه مش عليه بس على حالي حسيت اني لعبه رخيصه هو بيلعب بيها خاطب واحده مش حاسس معاها بمشاعر ف بيدور عليها معايا حسيت اني مكمل ل علاقتهم اني زي الاستبن قومت وسبته ومشيت فضل ينادي عليا وجري ورايا زعقت فيه وقولتله مش عايزه اشوف وشك انت كداب وخاين وحيوان سكت وقالي اللي يريحك هعمله انا اسف روحت عملتله بلوك من كل حته بس جالي الكليه مره واحده وزعقتله تاني قولتله انا زهقت منك ومش عايزه اشوف وشك تاني وبعدين بعد خالص الموضوع ده بقاله شهر بس انا حاسه بقهره وغيظ و ضيقه واني حبيته وانا كنت تسليه * عارفه ان ده غلط وحرام وعلشان كده العلاقات دي محرمه مش عارفه اعمل ايه ومش عارفه اتخطى ...عرض المزيد

10 الدعم

12 نصيحة