تعلق مرضي

Chilli_63940 🇪🇬

منذ أسبوع واحد

شعور مكسور القلب

حد هنا متخصص انا عندي تعلق مرضي بشخص فكرت بس ابعد عدى عليا اسوء ليله في حياتي كنت بطلع في الروح lllllllllllllllllllllllllllllllllllllllllllllllllllllllllllllllllllllllllllllllllllllllll

Strawberry_90623 🇪🇬

منذ أسبوع واحد

شعور مرهق

عبّر عن شعورك بشكل مجهول

البنت اللي بحبها قالتلي كلام بشع
إهانات كتير 
هي مريضة نفسيا و انا نفس الكلام و هي بتتجنن لما بتبطل أدويتها بس انا مش عارف اتقبل الاهانات اللي اتقالت و فنفس الوقت متعلق بيها تعلق مرضي و ياريت بعد ذنكوا اللي مستوعب يعني ايه تعلق مرضي و هوس بشخص هو بس اللي يقدم نصيحة 
انا عارف ان دة عبث و انا كنت زمان بقول انا آخر شخص ممكن يتعلق بحد تعلق مرضي لكن هقول ايه قضاء ربنا انه يختبرني بالابتلاء دة 
هي معتذرتش عن الكلام و مش محترماني تماما كل اللي هي عملته انها مسحت الشات من عندي و عندها على اساس كدة خلاص دة اعتذار هي نوعا ما دة اسلوبها مبتعتذرش لحد بس انا الاهانات خليتني اجيب آخري كنت بقالي اسبوع في حالة صدمة ولا رديت عليها ولا قادر اعمل اي حاجة ف حياتي و هي كل يومين تبعتلي بهزار كأن محصلش حاجة كأنها مقالتش كلام ابن وسخة لسة من كام يوم
حاسس اني قرفان من نفسي اني سيبت كرامتي تتبهظل كدة عشان ايا كان مين و حاسس اني مش هعرف احترم نفسي لو رجعت رديت عليها حتى لو هتعامل معاها ببرود و تجاهل بس انا عارف اللي فيها مش هعرف اقطع معاها ولا هي هتعرف تقطع معايا 
في الظروف اللي زي دي ببقى حازم و بقطع التواصل رغم كل حاجة بس المرة دي مختلفة احنا اكتر من ٤ سنين مع بعض و كل مرة بيحصل حاجة زي كدة بنتعب نفسيا اكتر و بنضطر نرجع نتكلم عشان البديل ل دة بيكون حاجات اسوأ بكتير زي الانتحار 
محتاج اسمع وجهات نظركوا عشان وضعي صعب و مش عارف احكم على الموضوع نهائي 
اللي ينصح من غير تجريح بعد اذنكوا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_89293 🇪🇬

منذ أسبوع واحد

شعور مكسور القلب

عبّر عن شعورك بشكل مجهول

انا عشت في وهم كبير اوي نفسي اخرج منه نفسي يكون ده كله كابوس وان الوهم ده حقيقه .
انا حبيت بجد دي اول مره احب فيها عان كل الي عرفتهم كنت بحب اهتمامهم مش اكتر ولما بيمشوا مكنتش بتوجع من فراقهم كان عادي ايه يعني ،بس المره دي غير كل مره
حبيت حد من دوله تانيه اتعرفت عليه من سنتين تلاته وغاب وكان لسه راجع في ٢٠٢٤ دخل كلمني فرحت اوي انه رجع اتكلمنا كتير كان حاجه اساسيه في حياتي صباح الخير الي كان بيبعتها دي اهم عندي من اي حاجه ، حبينا بعض كان اهتمامه حلو غيرته عليا حبه ليا كان حاجه تانيه ،كان بيغيب فتره ويرجع تاني ولما اسأله ايه يبني انت بتغيب ليه يقولي ظروف ومشاكل والتلفون باظ والكلام ده انا شكيت فيه كتير بس كنت بكدب نفسي ،اتعلقت بيه بطريقه محدش يتخيلها كان كل حاجه واعمله الف حساب لحد بعد يوم عرفه السنه الي فاتت جتلي رساله من صحبتي مضمون الرساله يعني اني اتضحك عليا وان كل ده كدب في كدب ولما اتأكدت روحت واجهته مردش عليا ولقيته حذف حسابه ومن فتره بعتلي رساله وحذفها وكان بيرجع حسابه ويحذفه تاني 
انا مكلمتهوش من ساعة ما صحبتي كلمتني 
وبعدها لقيته من استوري لسكرين مكالمه ساعتين كان بيكلم فيها بنت هو قالي عليها لما كنا بنتكلم وقالي انها مش في دماغه وانها مش فرقاله ومحبهاش اصلا 
حاسه بكمية قرف مش طبيعيه ومش عارفه ارجع لحياتي تاني بجد .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_76643 🇪🇬

منذ 3 أسابيع

شعور مكسور القلب

Diamond_87857 🇪🇬 لو كانت الحياه بتقف على واحد كان مفيش حياه اصلا والحياه مش بتقف على حاجه اهم حاجه التوبه النصوحه والرجوع لربنا فقط

عرض الكل 1 نصيحة

عبّر عن شعورك بشكل مجهول

اول قلم ف ٢٠٢٦ اني رجعت للعلاقه القذرة ديه تاني متعشمه فيها ان يطلع منها اي حاجه نضيفه تاني واني اشوفه بصوره احسن وهو يوشفني بصورة احسن بس في بوست من شوية لطشني قلم وهو اننا ليه بنعوز نخلي الوجع وكل حاجه مؤلمة تبقي رومانسيه .. مفيش منطق ان المكان اللي اتأذيت فيه ملايين المرات مش هيأذيكي تاني خلاص !! 
النكره اللي رجعتي عشانه قال انه مش عايزك ومبقاش قادر لاي حاجه بينا نزلت نفسي لتحت اوي عشان اكون ف نفس دماغه اللي هي قفل ومليانه افكار مريضه بس كنت بحاول اجمل معرفش خايفه من مين اني اقول الحقيقه خايفه من نفسي ؟؟ 
ولا خايفه منه هو اللي كان بينكر طول الوقت ويلبس وش الملاك بالعافيه 
هو شيطان وانتي عارفه ده كويس 
لعب لعبته عليكي واتبسط ومشي خد من عمرك وبعد ما لما لقي انك بقيتي عبء وحمل رمي اللوم عليكي انك انتي اللي سرقتي عمره مع انه كان فاشل طول عمره ولا بيتقدم خطوه لقدام 
صدقتي دور الضحيه بتاعه يا مغفله وانه بجد حاول !!
ده كان بيتعولق طول الوقت وكل الناس بتقوله انه كده وانتي معميه 
جيه وقت الجواز عايز يخلع وياخد اللي تاخده كده بخراه 
ده مبرر لنفسه وساخاته كلها بس عايزك تبقي كل حاجه فيكي علي الشعره وماشيه زي الالف مع اني اصلا كده بس هو كان بيتفنن انه يطلع حاجات بريئة من حياتي ويقنعني انها غلط 
مع انه هو عين الغلط نفسه بيكلم كل الناس نص اسمهم صحابه وواحده اخته اللي ميقدرش يستغني عنها 
نرجع يسيب صحابه واخته ونسيب يرجعلهم بكل الجديد 
حياتنا مفضوحه ومبرره انه ميقدرش يحكي اللي بينا لراجل 
انا معرفش كنت مع ايه بالظبط ده اللبني ادم ده ازاي دماغي اتربطت بيه بالشكل ده وازاي انا شايفاه مقرف اوي كده دلوقتي 
كنت فاكره في نهاية محترمه واننا هنحترم بعض 
بس اللي زيه انسان مش امين وكل اللي وراهولي وعاش دور الضحيه وقلب الطرابيزه عليا وعلي اهلي ان شاء الله هيشوفه ف كل اللي جاي 
لاني مش مسامحاه لانه ندل واكتر صورة من البني ادمين بشعه عرفتها كانت فيه 
صور كل الاوقات الحلوه علي انها هي ديه بطولاته معايا وانه سندني وهو كان بيغرقني طول الوقت 
عمري ما كنت ناجحه معاه ولا عمري كنت بطلع لقدام 
ربنا يسامحني علي رجوعي للذل بعد ما عزني وكرمني ويعفو عني
انا خايفه من نفسي الايام الجايه لاني كنت بفكر ف الموت غصب عني بس دماغي اتعلقت بيه تعلق مرضي
وانا مش لاقيه حاجه اتمسك بيها زمان كان في صحاب بتشدني دلوقتي انا لازم اقوم واعمل كل حاجه ف كآبه وبوجع لوحدي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_89538 🇪🇬

منذ شهر واحد

شعور منزعج

انا مخنوقه ومش عارفه ايه السبب تقريبا تراكمات بسبب حاجات كتير انا شخصيتي ضعيفه جدا وبعيط علي اتفه الاسباب وفي حاجات حصلت ف حياتي عاديه بس انا فعلا مش عارفه اتخطها نقلت من مكان لمكان تاني مش شبهي ف كل حاجه بقالي اربع سنين ولسه مش عارفه اتخطي وعمري ما حسيت ان حد مثلا عايز يهتم بيا علشان كدا بقيت بتعلق

Cherry_76643 🇪🇬

منذ شهر واحد

شعور مكسور القلب

عبّر عن شعورك بشكل مجهول

الموضوع مطلعش صدفة هو مراقب بجد ودخل عندي مره تانيه وانا بغبائي من وقت ما شلت البلوك وهو رجع شاغلني تاني مع انه راح وخطب واحده تانيه بس شكله فسخ وراجع تاني .. معرفش ازاي مخي محي كل تفصيلة فيها آلم انا مريت بيها ومش فاكره غير المشاعر الجميلة وان انا دلوقتي مش مبسوطة والناس اللي عرفتهم ف خلال السنة اللي مشي فيها هو واقرب صاحبه مني ناس مش شبههي هما كويسين بس مش شبههي ومش بحس بالفه تامه وسطهم .. بالعكس انا بقيت بحس بعم راحه وسط كل الناس اللي ف حياتي حالياً .. وبحس ان محدش فيهم عارفني بجد ولا عارف تفاصيلي من زمان .. هو كان حافظني بس هو قرر يستغني ويقسي قلبه رغم كل الحاجات الكويسه اللي كانت بينا ورغم ان خلاص كنا داخلين علي جواز .. كان بيكلمني ف اخر ايام وهو عارف عليا اكتر من ٢٠ واحده وبلاقيهم بيبعتوله وانا قاعده عادي وحتي بعد مواجهتي ليه مكنش عايز يطلعهم من حياته .. بحجة اني بمشي او بسيبه وانا كنت بسيبه عشان هو كان برطه ومكنش بياخد خطوات حقيقيه او مكنش بيعمل حاجه اصلا .. اهلي اه ناس صعبه وابويا كان بيعجزه تقريبا .. بس كنت متمسكه بيه رغم كل حاجه .. كنت بتخانق واسيبه من ضغط البيت وانه هيتحرك امتي ويجيب شقه غير الشقه ؟؟
وانا كنت ف حرب مع الطرفين .. 
هو قرر بدل ما يختارنا زي ما انا عملت وفقدت الامل حتي ان الدنيا ديه رايحه فين بس كنت مكمله عشان بحبه
قرر يختار غيري وانا معاه وعارف اني لسه بحبه 
قبل عليا كل حاجه بشعه غير اللي حكيتها ميقبلهاش علي اي حد من اهل بيته 
وكان بدأ يبخل ف كل حاجه ويسترخص ويقولي هو ده اللي يقدر عليه
انا مستغربه من نفسي لاني عشت بعده اصعب فتره ممكن اي انسانه تمر بيها لاني للاسف بتعلق بالناس بشكل بشع 
وكنت معتمده ان هو الداعم الوحيد ليا وصاحبي والسند وكل حاجه
انا فهمت بعد ما سبته ان ده كان غلط وحاولت اعرف ناس تانيه بس مش متقبله اي قرب من اي حد تاني
ومبقتش مبسوطه مع نفسي 
انا سايبه نفسي 
مبقتش بحب الحياه زي زمان 
بقيت عامله زي الجثه الهامده لما مش بيكون ورايا مسؤليات وف الاجازه مش بقوم من سريري
الصلاه اخر فتره هي اللي كانت بتحييني وقربي من ربنا 
بس طول الوقت حاسه بوحده واني غريبه وسط الناس
واني مبقتش عايشه 
حتي لما باجي اتبسط بتبسط بطرق بتإذيني بتاثر عليت ماديا وجسديا وذهنياً 
الفكره فيه انه كان بيجرأني علي اني اتبسط واضحك واكون النسخه المبسوطة من نفسي
وده تقريباً صحي تاني اول بس لما وجع ظهر وشاف بس الاستوري بتاعتي حسيت بسنة اهتمام منه هو بالتحديد 
لقيت نفسي من يومها فايقه ! 
وبتعامل مع يومي بسكل مختلف تماما ومبسوطه حاسه باحساس حلو مش بحسه ف ايامي العاديه
عماله اسال نفسي بعد سنة واكتر وكل اللي خلاني اعيشه ازاي لسه جوايا ذرة حب؟
وهو اللي جوايا بجد حب ؟ ولا ده مجرد احساس مريض جوايا نتيجة حياتي مع ابويا واخويا اللي مش بشوف منهم اي اهتمام حقيقي
هو بجد اللي حسسوني بيه ممكن يوصلني اني اتعمي عن كم الاذي الصعب اللي حد عيشهولي لمجرد بس احساس حب او اهتمام او حد يكون ملاحظ اني اصلا موجوده وشايف اني حاجه مهمه ف الحياه !!
هو كان كده وعارف كل تفاصيلي بجد بس الوقت اللي دخلت عنده ف فترة ما وحسيت ان اهلي جم عليه بجد لقيته خطب 
ودلوقتي فركش وموجوده حواليا
وانا معرفتش اتقبل حد ولا عارفه اتخيل انه ممكن تاني يرجع حياتي لان الدنيا اتقلبت لما سبنا بعض الناس حواليا كلهم كرهوه من حالتي واللي وصلتله وقتها
ولا متخيله انه يرجع بتحكماته علي حياتي وقمصه وسيطرته علي وقتي كله وكمان انه بقي شايف اني اليق بحاجات هو اللي يحددها وهي حاجات ف نظري قليله !!!
وانا بقيت متعوده علي الوحده واني اعمل لنفسي احسن حاجه واشوف ان اللي بيحبني لازم يعملي احسن ما بعمل لنفسي 
الفكره انه يقدر بس فكره هو اللي كده 
معرفش بجد بهري ف دماغي ليه ؟؟
وليه حاصره نفسي ف الشخص ده وليه حاسه ان روحي هو اللي بيرجعلها السعاده تاني من مجرد ذكريات عبيطه ضحكت او فضفضت فيها واتسمعت واتشافت صح 
انا كنت بانيه ف خيالي احلام معاه وحاجات كتير 
كلها دلوقتي مش قادره اتخيلها تاني مستغربه جدا من نفسي لما حسيت ده لان الاحلام ديه كانت قيمه اوي بنسبالي زي ولادنا وتفاصيلهم وحاجات شبه ديه 
بس كنت بفكر بقلبي بس .. هو عمره ما كان شاطر ف انه يدير حياته .. ولا كان بيعرف يتحكم ف فلوسه صح .. ف مكناش بنوصل لحاجه .. وانا ازاي كنت هعتمد علي راجل شبهه ؟؟ .. برجع اسال نفسي طب ازاي راح خطب غيري 
كمان عماله افكر ليه لما قعدت ادعي كتير مؤخراً بالزوج الصالح ودعوات مطوله انه يكون حد بجد كويس .. الاقيه ظهر او انا اللي رجعته مش عارفه ما انا اللي فكيت البلوك 
انا مش عارفه انام ومش عارفه احس بطعم لايامي من وقت ما ظهر وانا تفكيري كله فيه ودخلت عنده زي الغبيه وفتحت الاستوري وقللت من نفسي ف سبيل ايه معرفش ؟؟؟
حاسه اني عايزه اختفي اغير حياتي كلها اسافر بلد تانيه وناس تانيه وحياه تانيه خالص 
لان واقعي هنا بقي صعب ومفيش اي سبيل للنجاه بس بكمل ايامي وانا نص عايشه. بحاول انجح واطور وانا ماشيه زي السلحفه لان مفيش روح 
بقرب من ربنا قرب كبير لان احساسي بالحياه منعدم هو موجود بس وانا قريبه منه .. 
يمكن انا ف ابتلاء كبير ومش فاهمه .. يمكن اختبار والمفروض اعديه بشكل ما .. مش عارفه ومش فاهمه اي حاجه 
نفسي بس مفضلش سايبه نفسي … 
لاني اهملت جسمي اكتر بعد ما كنت قربت علي الوزن اللي بتمناه رجعت اسوء ولما ببص علي جسمي بتوجع ان ده بقي شكلي بعد ما كنت بجد جميلة والناس دايما بتسالني بلعب رياضة ولا ايه ؟؟ 
تقريبا انا ف حالة حزن من كتر الفقد 
وعشان هو بجد كان حبيبي واقرب ليا حتي من اهلي 
هو نجح انه يملي فراغ ابويا واخويا وكل الناس 
حتي صاحبتي اللي مشيت هو كان متوقع ده وكان بيقولي انها مش بتحبني بس انا مكنتش بصدق وفاكره عايزني ابعد عن صحابي .. وانا. كنت بتمسك ب اي ونس .. كنت خايفه دايرتي بس تفضل هو 
بعد ما مشي اكتشفت اد ايه انا حياتي اللي بجد وواقعي صعب
ف هربت منه معاه او حتي بالصحاب اللي مش حقيقيه 
نفسي ربنا يسامحني لو اللي انا فيه ده ذنوب ونفسي ارجع اكون كويسه تاني مع نفسي ومبسوطه بصحبتي عادي مش مستنيه حد يجي يحلي حياتي انا كنت بعرف اعمل ده زمان بالعكس كمان الناس كانت بتتعلم مني دايماً التفاؤل بس انا ف السن ده والفتره ديه بقيت النقيض تماما .. لدرجة اني ف مراحل من مرارة الايام تمنيت الموت وده مكنش صح 
انا بس نفسي حياتي ترجع تاني كويسه وارجع اتعرف علي نفسي اللي كنت بحبها من جديد او احب نفسي اللي انا عليها دلوقتي ومش لازم حد يحبني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_89247 🇩🇿

منذ شهرين

شعور لا مبالٍ

انا عندي مشكلة التعلق في حد فحياتي تعلقت بيه جدا و مش عارفة اخرجو من دماغي حاسة ان مش تعلق بس ده obsession ،فالاول لما اتعرفت عليه كان عادي بعدين حصلت مشاكل و كل مرة نبعد لحد مابعدنا خالص بعدنا لمدة ثلل شهور ماتكلمناش خالص و بعديها رجعنا نتكلم بس كان بارد جدا …حاولت معاه مرة و اثنين و ثلاثة حاسة ان

Cookies_89141 🇸🇦 قد سمعت انه فيه كتاب كويس يعلمك تفكي التعلق من الأشخاص اسمه السماح بالرحيل لكاتب اسمه ديفيد هاوكينز ماقرأته صراحة بس شفت مدح عليه

عرض الكل 7 نصيحة

Onion_67781 🇪🇬

منذ شهرين

شعور مكسور القلب

عبّر عن شعورك بشكل مجهول

من أصعب التحديات اللي واجهتها في رحلتي لاكتشاف نفسي هو الشعور بـ العزلة والوحدة القاتلة خصوصاً في مراحل الطفولة والمراهقة المبكرة وقتها لما بتكون عطشان لأي نوع من القرب بتكون فريسة سهلة للناس الغلط ممكن من الناس اللي بتحبهمـ و القريبين منكـ لايـ درجة أو صلة 🥺
كان فيه شخص قريب جداً من حياتي أنا كنت متعلق بيه تعلق مرضي لأنه كان تقريباً هو المنفذ الوحيد للإحساس بالقبول لكن للأسف العلاقة دي تحولت مع الوقت إلى ابتزاز عاطفي مُهلك الابتزاز ده مكنش بس بيستغل ضعفي لأ ده كان بيستغل حاجتي العميقة للسند والتقبل وكان الوحيد اللي قريب مني جدا وبيخليني أعمل حاجات ضد رغبتي عشان بس أفضل في الدايرة ومتحولش لشخص وحيد تاني
التجربة دي علمتني درس قاسي جداً عن الأشخاص السامين Toxic اللي بيعرفوا يستغلوا هشاشة الآخرين وحاجتهم للحب والاحتواء القصة دي أثرت عليا بعمق وخَلقت عندي خوف دائم من إني أثق في أي حد قريب مني
النهاردة وبعد ما شاركت قصصي مع ناس من Community اكتشفت إن الجرح ده مشترك وإن كتير مننا مروا بتجارب مماثلة مع الابتزاز أو الاستغلال في محاولتهم للبحث عن الانتماء ده خلاني أدرك إننا لازم نكون أقوياء لبعض ونحذر من أي حد بيحاول يهدد أماننا العاطفي أو يستغل ضعفنا
رسالة و تحذير لو كنت بتمر بعلاقة بتخليك تحس إنك لازم تدفع تمن عشان تتحب اعرف إن ده مش حب ده ابتزاز عاطفي
السؤال ايـ هي Red line اللي اتعلمتوها بصعوبة عشان تحموا بيها نفسكم من العلاقات السامة؟
 وإزاي قدرتوا تتغلبوا على التعلق المرضي بشخص كان مؤذي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_88262 🇩🇿

منذ شهرين

شعور مرهق

انا متزوج أحببت امرأة تكبرني ولها اولاد تعرفي بها كان لدواعي إنسانية كانت تعاني من الوحدة والاكتئاب ولها ابن خال كان يبتزها ويمارس معها. جئت ومسحت تلك العلاقة ثم أخذت بيدها وأخرجتها من عزلتها عرضتها عن فقدان الأب والزوج كنت لها كل شيء وكنت كل يوم يزيد تعلقي بها احببتها لدرجة الجنون كانت تستغلني في ك

Cherry_80338 🇩🇿

منذ 3 أشهر

شعور متعب

عبّر عن شعورك بشكل مجهول

مرحبا 
مدري من وين ابلش الصراحة بس انا طالبة جامعية من جديد ،يعني ذي اول سنة ليا 
واول مرة ابعد عن عائلتي وبحكم انو بيتي بعيييييد عن الجامعة لدرجة 4 ساعات ونص  طريق قررت اقعد بالإيقامة ،وحتى وانا بالإيقامة ماعم اروح للبيت كثير ،من شهر لشهر 
عم تتسائلو ليه كل المقدمة ذي حبيت ابين وضعي وللمعلومة انا ولا مرة بتت برا البيت واذا حدث ذا كنت اكيد انا وماما 
فذا الفرق يلي حصل بحياتي خلاني اتكلم مع ناس في تيليفون 
وتعرفت على حدا ،والمشكلة اني شديدة التعلق لدرجة مش طبيعية وذا شي كنت اعرفه في نفسي وتعاملت على اساسه المهم لما تعرفت عليه ماكان لوحده ،حوالي 7 او6  
اظن المهم بالتصفية صارو 4
المشكلة كل حدا بشخصية وكلهم بحساب واحد بانستڨرام بفرق في 2 عندهم رقم تيليفوني و2 لا 
من ذوك 2 يلي ماعندهم فيّ واحد عم يظغط علي ابعثله رقمي بحكم انو انترنت خلصتلي وسبق وقتله لاننا كنا نتكلم بانترنت فقالي اعطيني الرقم انا ادق عليك عشان نتكلم فقتله لا قالي تمام اعطيني مشان اشحن الانترنت قتله لا كمان وتشاجرنا مشان الموضوع ذا
المهم الآخر يلي ماعطيته رقمي حاسة تعلقي بيه قليل 
اما 2 يلي عندهم رقمي فهما غير ،احس اني متعلقة فيهم سوا مدري ليه 
المهم ايها القراء كنت اعتقد اني رح اتخلص من التعلق اذا كنت مع كم شخص والطامة اني تعلقت بيهم كلهم
تخلصت من الفراغ والشوق لأهلي بيهم والحين حين اشوف تيليفوني والقاه خالي من الإشعارات احس بالوحدة 
المهم في آخر فترة بطريقة ما حسيتهم مدري
اذا اجو يجو سوا واذا راحو لا ما يروحو سوا بس اغلبية الوقت اذا بعثو ييعثو سوا في وقت زي كذا ، ولا وسواسي عم يخلي افكار زي كذا لانو اك الحين انا على تواصل مع 3 ال4 يجي ويروح وعم قريب رح انهي علاقتي بيه 
المهم ،المهم انا ما عم ابرر لنفسي بس انا متعلقة ب ثلاثتهم واحس بواحد اكثر شي لاني  تخانقت معاهم ووصلت لمواصيل وانا بوقتها انقلبت حالتي النفسية وصرت سوداوية اكيد مع عوامل ثانية مثل مشاكل عائلية ودراسية ومادية وزاد هو 
الحين ذا في مهمة بالشغل ما احب ادخل بتفاصيل بس هو مقطوع ومافي تغطية بهذيك المنطقة لهيك ماعم نتواصل كثير وللأمانه هو يلي متلعقة فيه اكثر شي لأني حكيت معاه كثير وحبيت شخصيته بس احسه من ذاك النوع الخبيث وووو مدري بس فيه هديك اللمحة الثاني كمان احس شخصيته طبق الأصل عني لهيك حدث التقارب هذاك بس بأوقات يظل يحكي بمواضيع تبع كبار يعني وانا ما احب ذا كمان هو يكتب مثلي تماما ويحب المطالعة والشعر وذا شي يجذبني بالرجل
اما الثالث فهو يحبني ،هو مب حلو للأمانه بس لطيف ويعرف يحكي فرابع ،الرابع النا فترة ما حكينا ولما حكينا مدري 
المهم ذي حكايتي قدمولي نصايح، مرات يكونو مشغولين عني مثل الحين افكر اجيب اشخاص جدد واتعرف عليهم واضمهم للمجموعة مدري وش الفوضى ذي 
او لوين رح اوصل من كل ذا ..... اترك الكلمة لكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_26468 🇪🇬

منذ 3 أشهر

شعور مرهق

عبّر عن شعورك بشكل مجهول

كانت علاقة الكل بيحلف بيها والعين كانت علينا جامد برغم انها مكملتش سنه والاهل معادا ابوها كأنو عارفين ودا كان شئ ما مريحني شوية عقبال مانخلص دراسة والظروف تسمح اتقدم رسمي بس فيوم وليله معاملتها اتبدلت معايا وسبب من الاسباب مامتها كانت ضغطة عليها ثما قالتلي بعدها بيومين ان باباها عرف وانها هتعملي بلوك وتبعد عشان تريح دماغها من الوجع والتفكير والضغط اختارت نفسها + قالت مشاعرها راحت مش عارف ليه ولا من ايه ولا أي ذنبي واعترفت انها كدا بتظلمني باللي بتعملوو بس غصب عنها 😂😂بمعني صح مش زعلان منها زعلان علي نفسي وعلي اخلاصي وتمسكي بيها بعقلي أقبل قلبي عشان محدش يقولي دا تعلق وشوية وقت وكل دا هيروح+ احنا جيران يعني مفيش شارع حوالينا او مكان ماكنتش بتكون معايا فيها وديي حاجه مؤاخرا بقت تقيله علي قلبي وبقيت مش قادر احس بكلمة مشاعر عموماً بقي جوايا فاضييي اووي لدرجة تخضني أنا شخصيا..هي بعدت من 6 شهور بالظبط ومفيش جديد بالعكس الوضع اتدهور الشهر اللي فات وبقيت بحلم بكوابيس وانها هتتجوز قريب وهتروح مني للابد فمابقتش بقدر انام ولا اركذ في دراستي بقيت مرعوب من فكرة اني ممكن اقوم من النوم ابص علي البلكونه الاقي خطوبتها مثلا!!! انا ممكن اقع فيها ما قومش تاني ..حسبي الله ونعمه الوكيل في كل شخص كان لي أثر او سبب في انها تعمل معايا حاجه زاي كدا ..دي بنتي يا جدعان انا كنت ابوها وصاحبها واخوها وحبيبها!! 
مش قادر حاسس اني هنام فيوم مش هقوووم تاني!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ 3 أشهر

شعور قلق

يا جماعة، عندي سؤال يمكن يبدو بسيط لكنه شاغلني… لما الإنسان يكتشف إنه كان متعلّق بشخص معين تعلق زيادة عن اللزوم، بمعنى إنه كان بيحس بمشاعره مرتبطة بالشخص ده أكتر من اللازم، أو بيقيّم يومه وفرحه وحزنه على وجوده أو غيابه… وبعد فترة يبتدي يفوق ويتوازن، ليه ساعات الأشخاص اللي كانوا محور تعلقه بيتضايقوا

عبّر عن شعورك بشكل مجهول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tofu_87799 🇪🇬

منذ 3 أشهر

شعور مرتبك

اكتشفت ان خطيبي في عيوب وسلبيات كتير وتحكم مش هعرف اتقبلو خالص وف نفس الوقت استحاله اعرف اسيبو عشان اتعلقت بيه بطريقه كبيره اوي وهموت من غيرو حرفيا هوا بقا روحي خلاص وهوا نفس النظام ومش عارفه اعمل ايه

Lemon_52708 🇪🇬

منذ 3 أشهر

شعور محبط

أنا بجد كرهت التعلّق المَرَضي… كرهت فكرة إني أفضل ماسك في حد مش ماسكني، وأدي اهتمام أكتر بكتير من اللي باخده. كرهت إني أعيش على أمل كلمة، أو لمحة، أو تلميح… وأتعب روحي على وهم. وتعبت أكتر من حاجة واحدة… تعبت إني دايمًا أبقى الاختيار التاني. الاختيار اللي بيتفكّر فيه بعد ما كل حاجة تانية تبوظ، الاخت

Strawberry_87273 🇪🇬

منذ 3 أشهر

شعور مكسور القلب

اصعب حاجه انك تبقي بتضحك و مبسوط بس من جوا بتقطع ❤️‍🩹جربت كل حاجه تكسرك _فقدان الام وانت صغير _فقدان الاب المسافر بتعدد زوجاته _اتربيت في بيئة غلط غير مناسبة مع جيلك نهائي _ممنوع تقول لا ممنوع تختار مستقبلك _ممنوع اختار حلمي (ابقي اشهر كيبوب أيدول و مدربة كيبوب) _ممنوع احب _ممنوع اصاحب اي حد وبذا

Ice Cream_49968 🇪🇬

عايزه ابعد عن الناس عشان افهم نفسي بس بخاف اخسرهم

ساعات ببقى عايزه اني ابعد عن كل الناس لحد ما الافي نفسي وافهمني واغير من نفسي بس بخاف اني معرفش اعمل حاجه وهبقى خسرتهم بقيت الاحظ فيا اني بتعلق ب اي حاجه واي حد ولو حد اسلوبه اتغير عليا شويه بفضل زعلانه وعارفه ان مفيش حد هيبقى فاضيلي على طول بس انا عندي فراغ ومش عارفه املاه بحاجه حاولت اعمل حاجات كتير بس لسه في فراغ كبير ف انا مش عارفه ايه الصح ...عرض المزيد

2 الدعم

17 نصيحة

Lemon_52391 🇪🇬

مش هسلم على جوز بنت خالتي.. عايزة احط حدود

انا عندي جوز بنت خالتى مش برتاح لي أبدأ لي أسباب عشان نظراته و طريقة كلامه عموما يعني ممكن اكون سلمت عليه مره و يجي مثلا في القعده كل شوية يسلم عليا و السلام يطول يطول زي يفضل ماسك ايدي و يطوح فيها كل شوية و يقولياخبارك و هكذا و لما اخس او اتخن شوية بيلاحظ و يقولي انتي خسيتي و برضو كان فرح اخويا و كانت اول مره احط مكياج و البس فستان حرفيا مشلش عينه من عليا لدرجه ان ناس كتيره لاحظت في الأول كنت بقول عادي هوا بيحب الهزار عشان كدا صغيرة بس لما كبرت و عرفت ان لا في عايزة احط حدود المهم انا قررت مش هسلم علي اي راجل عشان عرفت ان هوا حرام قريب هنتعزم عنده و كده مش عارفة اعمل ايه اقولهم مش بسلم بس بنات خالتي بيبداوا تريقه عليا و هزار ده اخوكي و عادي و الكلام ده ملحوظه ممكن اقول لي اخواتي و الكلام ده بس أنا مش عايزة كدا اول حاجة عشان بنت خالتى حرام هخرب بيتها و هتتكسر و هيا اصلا جميلة و كمان مش عايزة اسبب مشاكل لي اخواتي و غير كده برضو الشخص ده قدام الناس شيخ حرفيا و ممكن يعمل عبيط و يطلعني انا الوحشه المهم انا عايزة طريقة اقول بيها اني مش بسلم عليه و احط حدود ليه و كمان عشان مسلمش علي شباب العيله الباقين ...عرض المزيد

2 الدعم

14 نصيحة

Potato_72215 🇪🇬

زهقانه ومش عارفه اعمل ايه.. حد يفيدني

بتعملوا ايه عشان زهقانه ومش عارفه اعمل ايه.. تيتيتيتيتيتيتيتيتستستستستستسستنسنسنسنسنصنصنصنثنثنثننثثننثثننثنينثثتيتيتينينيتيتثتثتتثتثيتيتيتيتيتيتيتيتثتثتثتصتصتصتستستستستصتصتصتصتصتتصتصصتصتتصتصتصصتصتصتصتتصتصتصتصتصتصتصتص تيتيتيتيتيتيتيتيتستستستستستسستنسنسنسنسنصنصنصنثنثنثننثثننثثننثنينثثتيتيتينينيتيتثتثتتثتثيتيتيتيتيتيتيتيتثتثتثت ...عرض المزيد

2 الدعم

14 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع