وسيط السلام عليكم مبدأيا انا مش عارف هبدأ الكلام منين و لكن من كتر الفراغ اللي عندي فكرت استعين بصديقي وقت ضيقي شات جي بي تي سألته عن حاجة مفيدة تكسب من غير ما اتعلم مهارة زي البرمجة او الجرافيك ديزاين و مش هتعب خالص الا لو الناس اللي هتعامل معاه ناس نصابة و المتعبة الفكرة هي اني اكون وسيط بيع وشراء للي مش فاهم لو حد مثلا عايز يشتري تليفون مستعمل و واحد بيبيع من علي اولكس مثلا و مش لاقي اللي يشتري فأنا اساعده علي الشراء و من ثمنها انا هاخد العمولة بس المشكلة في اني شخص مش مشهور و صعب حد يديلي الثقة فحاجة زي كدا بس قبل ما اشوف الناس و مين عايز يبيع و مين عايز يشتري عايز الاول حد يكون عنده خبرة يقولي ابدأ منين و ازاي ... و ازا اصمن حقي و حق المشتري و البائع و ازاي اوصل المنتج و هكذا بعد اذنكم اللي عنده حاجة مفيدة بس هو اللي يتكلم و انا شخص في العادي بحب النقد المفيد و البناء بس نفسيتي المرة دي فحاجة زي كدا لا تسمح بذلك سامحوني معلش

3

3