حبيت اشاركم يومياتي بما ان مفيش حد احكيله فقررت اكتب وافضفض يومي النهاردة كان ماشي ازاي اللي حابب يقرأ يقرأ اللي مش مهتم يسكب وينزل البوست الي بعده النهاردة كان يوم شغل ممل وروتيني، تراكم شغل كتير، حوارات كتير، بدأ اليوم عادي دخل علينا زميلنا المكتب فجأة وصبح علينا عادي بعد العملة الي عملها امبارح ولا كأن شيئاً لم يكن حاجة في منتهى البرود الموضوع انه هو عنده مشكلة ما في الشغل وعامل مشكلة مع حد وهو الي غلطان اساسا المهم امبارح جه المكتب قعد ساعة حرفيا وفجأة مشي واختفي قلنا يمكن بيعمل حاجه وجي، اتصلنا بيه تليفونه مقفول! قفل تلفونة ومشي روح من غير مايقول لحد ولا حتى لمديره وسبلنا هم الشغل كله لوحدنا المشكلة انه هو supervisor بس مش بيشوف شغله حرفيا في البريك ريحت شوية قلت امسكت الموبايل اقلب شوية وفتحت السوشيال ميديا اللي بقيت اكرهها وبقت حاجة تقيلة على قلبي لما افتح السوشيال بقى حاجة بالنسبالي تتعب القلب شفت صحابي خارجين مع صحابهم ومبسوطين ومنزلين استوريز وشفت صحاب تانية اتخطبوا واللي اتجوزوا واللي سافروا.. وحياة الناس ماشية الا حياتي لقيت صحبتي بعتالي انهم اتفقوا على يوم وهيخرجوا وطبعا من غير ما يتقفوا معايا هي بس جاية تبلغني انهم خلاص اتفقوا ع اليوم ولو عايزة تيجي معانا ، قلتلها اليوم دا عندي شغل مش هعرف وطبعا مش فارق معاها ولا معاهم اجي او مجيش حسيت بغصة اني عمري ما حسيت اني مهمه في حياة حد مجرد كمالة عدد او استبن وقت اللزوم محطوطة ع الرف تجاهلت الغصة الي حسيت بيها وكملت شغل كنت مصدعة جدا طول اليوم ومش في المود وزميلتي خدت بالها بس طبعا ضحكت وقلت مفيش حاجة ومشيت الدنيا لحد ما اليوم خلص وروحت ركبت الباص طول الطريق سرحانة في افكاري، في احلامي، في الحاجات الي كان نفسي تبقى في حياتي، بفكر وبسأل نفسي ميت سؤال ليه انا... ليه مستحقش الحب؟ الحب من الأهل.. الصحاب..الحياة.. هل في شيئ غلط؟ مليون سؤال مكنتش شايفة الطريق قد ما كنت شايفة خيبة الامل اللي اترسمت على ملامحي في انعكاس ازاز الشباك.

3

2