أذى نفسي

ليه احنا بقينا في مجتمع سام و مؤذى لي الناس بطلع القعود النفسيه علي بعض لي الشباب بتعمل حد مش كويس يفكروا بقيتهم مش كويسين ليه يحاولوا يوذوا اللي حولهم اذاي كان هو شخص مريض يتعالج مش يطلع العقود علينا

بابا وماما منفصلين من وانا 3 سنين ،ومعرفش حاجه عن بابا من زمان اوي انا عايشه مع ماما اسوء ايامي دايما زعيق وشتايم واهانات وتقليل مني انا عندي اخ بس هي بتحبه اوي حتى لو زعقتله مش بتبقى بنفس الطريقه اللي بتزعقلي بيها يعني دايما بتشتمني ب يبنت الكلب ،بتجرحني اوي لان لاحظت عمرها ما شتمت اخويا بالشتيمه دي حصل موقف كانت مستنياني ف مكان بالعربيه بعد الجامعه وقالتلي هستناكي ف مكان كذا ف قولتلها بلاش هنا عشان ممكن اتلغبط واقف ف مكان غلط خلينا ف مكان تاني وقولتلها عليه قالتلي ماشي المهم برن عليها بعد ما وصلت لقيتها واقفه ف المكان اللي قولتلها عليه بس النااحيه التانيه من الطريقه المهم معرفش هل انا عبّرت غلط مثلا او هي مفهمتش قصدي المهم قلبت الموضوع عليا وتقولي انتي غبيه ومبتفهميش انتي عيله وسخه زي عيلك واهلك الوسخين انتي واحده متربتيش انا هاخد من الفون واكسره ع دماغك عن تصحصحي كده المهم والله معرف ايه اللي خلاها تقول كل الكلام ده ،يعني تممام ماشي، فلنفترض انا اللي غلط وقولتلها تقف ف مكان غلط ،ليه تشتم كل الشتايم دي، هي فاكراني مبحسش يعني ف قولتلها هو انتي عمرك ما اعترفتي انك غلطانه ابدا انتي اللي غلطانه ف الطريق طبيعي هقف ف الناحيه اللي بنروّح منها انتي واقفه ف الجمب التاني ليه قالتلي انتي مش بتفهمي وغبيه قولتلها انتي اللي مش بتفهمي عارفه انه حرام والله بس طلعت مني من العصبيه بالغلط طول الطريق نص ساعه عماله تتكلم وتشتم فيا وتقول قد ايه انا وحشه وعمري ما هنفع في حياتي روحت قولتلها شتيمه تانيه وهردهالك راحت تقولي انا هوريكي لما ف البيت والله لاوريكي وهربيكي واعلمك الادب والله لاخلي حياتك سوده واحنا داخلين العماره ع الباب لسه بتقولي يلا بقى هاتيلي فونك وافتحيه ووالله لاوريكي لما تطلعي روحت قولتلها انتي عايزه تتخانقي صح انا رايحه عند تيتا سلام وسيبتها وروحت عند تيتا للعلم والله عايشه ف كده كتير اوي ويوميا بسكت ومش برد عليها كل اللي بعمله تقريبا لما تعمل معايا كده بدخل الاوضه واقفل على نفسي الباب عشان مسمعش كلامها رغم اني بردو بتأذي نفسيا وتفضل هي واخويا يتكلمو عليا ويشتموني وعادي كده مش مهم بالنسبالهم اسمعهم ولا اتفلق المره دي الوحيده اللي رديت والموضوع كبر

كنت اول حفيدة فالبيت وبابا ملوش خوات بنات ف كنت البنت الاولى وواخده الدلع كله من اهلي وقرايبي والحمدلله ربنا رازقني بشخصيه اجتماعيه وبشاشه وجه ف كنت محبوبة من كله وكانت حياتي جميله جدا لدرجه حاسه انها اتحسدت وكل ده اتغير ف يوم وليله جدي اتوفى وانا ف اعدادي وحصل تفكك اسري ف بيت العيله و وقتها بقيت دايما ف شقتنا مع اهلي بس وبدأت احس ببعد بابا عني وقد اي هو مفيهوش حنيه ومش مهتم ب اي حاجه تخص البيت وان الحب كله كنت بحسه مع جدو وحاولت اتكلم كتير واقول اني متضايقه ومش عارفه احس بمشاعر تربطني بيه وكان رد ماما انه حر وهو كده مرتاح وكفايه انه مكفينا مادياً ف بقيت دايما ف مشاكل وانتقادات على كل حاجة وحسيت ان امي بقت تكرهني من كتر ماهي بتحب بابا وعايزة تدافع عنه ب اي شكل حتى لو بتكلم معاها ف موضوع ملوش علاقه ب بابا هي بقا العادي عندها تتريق ع شكلي ع اسلوبي ع اختياري ل اي حاجه وبعد ماكنت بحاول اتعافى من موت جدي مبقتش عارفه اتعافى من اهلي كلهم العايشين واللي ربنا افتكرهم وحقيقي مفيش حاجة تقدر تأذي الانسان الا اهله ولو اهله ف ضهره وبيدعموه مفيش حاجة تقدر تأذيه او تكسره ربنا يسامحهم على الاذى االنفسي اللي مش عارفه اتعالج منه وقلة ثقتي ف نفسي اللي بقت ملازماني

عارفين الناس و خصوصا البنات البتقعد تدعي بشخص معين و كأن الحياه مش هتكمل الا بوجوده . و بصراحه يا جماعه متخيلتش دا يحصل بس انا عرفت ان شخص بيدعي بأسمي مع اني رفضاه . هو اي بيوصل الانسان لكده ؟ هل ده طبيعي ولا ناس دي عايشه فوهم و بتأذي نفسهم و بيعلقوا نفسهم بحاجه مش عارفين يمكن مش فيها الخير . بس بيجي فبالي سؤال انا بحب حد و مكنتش بدعي بيه و هموت عليه اوي زي اسلوبهم كدا يبقا مبحبهوش ولا ايه .

غريب جدا انك تنفصل عن شخص مؤذي و مرمطك و انك تعبت منه فعلا و قررت انك تبعد و حتي بعد ما عملت كده لسه مش قادر تتعافي و يقوت شهور و لسه دماغك بتفكرك كل يوم ب كمية الأذي و انك فعلا مكنتش تستحق الأذي ده و حتي لما كنت تعاتب كان يترد عليك ب برود و قلب الترابيزة عليك انك انت الي عملت .. ناس متستحقش تتعاتب حتي .. تعب و ارهاق بدني و نفسي بسبب ناس متستحقش حتي كلمة .. حسبي الله ونعم الوكيل

هل عادي اني حبيت شخص بس مكلمتهوش قبل كده بس فعلا حبيته بكل تفاصيله بشخصيته الكانت تأذيني نفسيا مع كرهه ليا بس لما كل مره يرتبط فيها قلبي بيتقطع وبكون ف اسوء حالاتي حرفيا بحبه من ونا ف ابتدائي بس فيوم هو و صحابي صحابييييييي أذوني أذو طفله ملهاش ذنب طلعو عليها اشاعات فالمدرسه قالو للمدرسين كلام وحش جدا عني كلام مش علي طفله ابدا واسوء حاجه ان مدرستي كانت مختلطه كرهني جدا عشان حبيته كرهني فشكلي وفضل يقولي ازاي احب واحده زيك وكان بيدايقني هو وصحابي كنت بروح درس ف الدور الرابع لما اطلع واسيب شنطتي جمبي يجي ياخدها من ورايا وينادي وهو بيفضيها م الشباك وانزل ونا بعيط المها حاولت اقول للمدرسه والمدير ونا مبعرفش احكي ابدا وبتهته فالكلام بقطع فيه يعني فكتبت ورقه طويله حكيت فيها كل حاجه وعطيتها للمدير طبعا عمل اي؟ معملش اي حاجه ورماها فالزباله عشن الناس الكتبتهم اسمهم كان اغلبهم بياخدو معاه لانه كان مدرس وبيحبهم وعاملين عليه انهم كويسين ومحترمين ومفيش منهم اثنين، اتأذيت فحياتي من اكتر شخص حبيتههههه وكنت مستعده اضحي بكل حاجه عشانه اتخطيته بس مقدرش اقول نسيته بالكامل مع انه عدي سنين ع المشاكل دي بس عمري منسيتها وهتفضل بصمته معلميه فيا دايما حتي لو كرهته انا بجد بقيت اكرهه وعمري م هسامحه وربنا شاهد علينا يوم القيامه لما يقف قدامي مهما يحصل عمري م هسامحه ولا اسامح صحابي البنات الحاليا اصلا قريبين مني بحجه انهم اتأسفولي ونا للاسف طيبه وسامحت

ليه ممكن حد. من الاهل يأذى اولاده نفسيا بسبب تفضيله لشخص واحد منهم بس و لما بتاعتبه ينكر ده تماما مع ان واضح ل الكل الظلم اللي بيعمله ده الموضوع بقى مؤذى نفسيا جدا اوقات بسبب مشاكلهم تفكيرى بيكون فعلا سلبي جدااا و مش عارفه اتعامل مع الناس حتى بسببهم

أنا إنسان فاشل نوعا ما هناك أشخاص أعتبرهم أصدقائي يؤذونني نفسيا بحيث أنهم يتظاهرون أنهم ينصحونني لكنهم في الحقيقة يدسّون السخرية في النصيحة و يتعمدون تذكيري بفشلي و ينظرون إلي نظرة استهزاء و يتظاهرون بصداقتهم لي ،بسبب هذا لا أستطيع أن أنام بل أفكر فقط فيهم لا أستطيع التوقف عن التفكير في معاملتهم لي والله لا أستطيع النوم بسبب ذلك ،يا ليت أحدكم يدلني على خلاص من هذا الأمر .والسلام عليكم

انا كنتواحد عادي والله و ملوش في الارتباطات و الحجات دي بس جه واحد صحبي و كنت بعزه اوي طلب اني ارجعه للاكس بتاعته اكسه كان عندها صاحبه فبعتلها من اكونت فيك من باب اساعد الولد و حاولنا نرجع الامور و نرحع الميه لمجاريها بس معرفناش المهم انا و البنت دي اتكلمنا صدفه والله بعد ما الحوار كان اتنهى و عرفت انا مين بعديها المهم اتكلمنا كتير اوي و كان الحوار عاجبني الي هو اللع اهتمام و هي كانت بترتبط كتير غالبا بس مكنتش مستوعب دا بعد فتره و اخنا بنتكلم حبيتها بعد مواقف كتير محرجه سببتهالي و خلت شكلي عبيط فيها و ارتبطنا فضلنا حبه مع بعض بس كنت بحس ان فيه اهتمام منها ناحيه الاكس بتاعها بس تلاتشيته المهم اني اكتشفت بالصدفه بردو انها شاتمه عليا مت صحابها و متريقه و وخداني لعب ر بتاع متردتش اني ابلكها و عملت دا و كنت مجروح جدا ساعتها فضلت تحارل انها ترجع و انا ضعفت و رجعت بعديها بفتره و بحبها اكتر من الاول حسيت انها بتسلك و شكيت دخلت اختبرتها من اكونت فيك و دا غلط بس لقيتها بتستجيب عديت الحوار و خلاص قولت هاحي على نفسي ان شتء الله تتغير فنفس الوقت دا صاحبي الي كان سبب اني اتعرف عليها اذاني جامد و اتكلم عليا و حوار هيا قربتلي من الحته دي و عرفت ترجعلي تاني قضينا فتره كبيره حب برضو و راحت شتمتني عند صحبتها و الكلام وصلي بس انا كملت معاها عشان بحبها و باعتني و حطتني في مشاكل مع ناس في حوارات تاليف منها و كملت عشان بحبها لغايه ما اكونت غريب لقيته باعتبي اسكرينات و هي بتقول انها لسا بتحب الاكس و انها قد اي بتكرهني و زهقت مني ساعتها انسحي و كان لازم دا يحصل و بلكتها حاولت كتير اوي ترجعلي انا كنت رافض بس حاولت تبقا صحبتي و بعديها اكتشفت انها بتكلم واحد صاحبي من اكونت فيك هنا انا دا كان بعد وقت قصير اوي من بعد ما رجعنا نتكلم قطعت فتره و رجعت تكلمني تاني و كلمتها و حقيقي كنت بعاملها وحش اوي اوي بس قبلت دا بس انا كنت اتاذيت نفسيا منها و من شخصيتي الي بقت في الارض لمجرد اني بحب ظهر صاحبي الجديد الي كان كله بيقول عليه لا و انا كنت قابله حكيتله كل اسراري و كل حاجه و دخلته في حوارات مهمه اوي بالنسبالي صاحبي دا اكتشفت انو دخل كلمها بدون علمي على اساس انه عايز يرةعنا و عرفني دا متاخر و قولتله اني م شعايز دا اكتشفت بعد فتره انهم لسا بيتكلموا و لما عرف اني عرفت جه قالي هنرتبط انا و هيا و بتاع و بتعاملني حلو و انت بتحور ف انا سبته و صاحبي دا كان بيكدب كتير اوي و راخ قالها كلام كلو اذى ليا و يوديني فداهيه و هو مش حقيقي و هيا بلكتني و انا بقيت لوحدي عارف اني غلط افكر كذا و الحوار كلو غلط بس انا تعبت

السلام عليكم ورحمة الله وبركاته رضا الام ده بيتعمل ازاي بالله عليكوا بجد يعني الواحد بيحاول يعمل كل حاجه عشان يرضيها وتتعامل مع الواحد كويس من غير زعيق ونكد بس بجد مفيش حاجه نافعه يعني لو عملت اي حاجه بجد لازم تتطلع فيها ميت عيب عارفين انتو الحاجات اللي محدش بياخد باله منها غير الامهات هو ده بالظبط ده غير طبعا انها بتقلل من الواحد ادام اي حد بجد يعني كلام كتييير زي اني مش بعرف اعمل حاجه واني مش نافعه وكل الكلام ده عارفينه الفكره ان الكلام ده مش بيبقى ليا يعني ادام اعمامي وولادهم وخلاتي وكده بجد الموضوع مؤذي نفسياً بطريقه رهيبه اسفين على الاطالة 🫢

ياه بجد حابب اقلكم ان اغلب الموجودين هنا مؤذيين اه والله اغلبهم مش شخص تعبان فترة مؤقتة او داخل ياخد نصيحة لا خالص فيه ناس كتير متلاعبة وداخلة لحاجات تآنية فيه ناس داخلة لاغراض مش تمام وناس داخلة تلاقي ضحية تتغذي عليها وناس داخلة تلاقي حد تستغله مش الكل داخل يفضفض او يقول اللي جواه او ياخد نصيحة اكتشفت للأسف ان ناس كتير هنا هما نفس الناس اللي هربت منهم. برا نفس الناس إللي اذوني نفسيا وللأسف برضه لسه بتخدع ف الناس وبصدق ان فيه ناس بريئة وممكن يكونوا فعلا ضحايا بس اكتشفت ان اللي يفكر بالطريقة دي مغفل وساذج الناس وحشه واغلبهم كدا فعلا واغلبهم متلاعبين وناس مؤذية فعلا الواحد مبقاش عارف يهرب علي فين او يقدر يتكلم مع حد او يقدر يعرف ناس مش مؤذية ومتعبة ازاي ؟؟؟؟