أسئلة

دلوقتي ! انا مؤمنة بالله حقيقي ومسلمة الحمدلله لكن انا بقي عندي شك في يوم القيامة مؤمنه والله ولكن سنين ومليارات اتولد ناس وماتت وجيل بيسلم جيل ، كل بني آدم ينتهي عمره بالموت فقط والحياة هي مستمرة وهتفضل مستمرة يعني مؤمنة بالموت ولكن ليه ربنا مأخر يوم القيامة ؟ مات مليارات ورساله الاسلام وغالبيه آمنوا بربنا .. مستني ايه ؟ الدنيا دار ابتلاء ودار داء يعني ونصبر ونصبر وماذا بعد ! يعني ربنا هيكتفي امتي ؟ وبعتذر بجد بس اللي فاهمني او يعرف شيخ فاهم ياخد اسكرين وفعلا يرد علي اسئلتي ، انا مش عايزة الدنيا دي انا مبقتش عايزة اتعامل ولا البس ولا عايزة اتجوز واخلف ولد ولا بنت عشان اشوف بيكبر ويعاني وعشان يبتلي .. واسييه واموت وهو يتجوز ويخلف يعني لحد امتي يعني دورة الحياة دي شغاله ! بتنتهي فقط بالموت وناس عايشه بردو بدخل جبانه الموتي شايفه ملايين ماتوا وفي نفس التو واللحظة ناس بتموت وبتكون فجعه وما زلنا أحياء وانا هموت في اي لحظة ولكن بردو الحياة مستمرة لحد امتي ؟ يعني مش كفاية بجد من سنين كل اب علم ولاده انه في حساب ويوم قيامه ومش هيكون في بشر وفي اسئله ليس لها اجابة ومينفعش نسأل فيها لان الغيب دا لا يعلمه إلا الله فاهمه ومؤمنة إيمان تام ، لكن الكلام دا وكلام الله هيفضل لحد امتي يتكرر من جيل لجيل يعني انا للاسف تعبت ومليت من وجودي في الدنيا والواحد مش مبسوط مكمل وهو مش فاهم ، وبيصعب عليا اي طفل بيتولد .. وبزعل اكتر لما اشوف اطفال صغيرة بذات البنات لان هيحصلهم تحول جذري وهيعانوا كتير ، انا مش مبسوطه اني كبرت ومش عايزة اكبر اكتر من كده ومش عايزة حقيقي اي حاجة حقيقي حد يجاوبني في نهاية والنهاية دي هتطول ولا ايه هموت ومش هشوف القيامة وهي بتقوم والمسيح الدجال والكلام اللي درسناه وسمعناه والقصص دي يعني مش كفاية ؟ بتمني تفهموني صح ، حد فكر زيي ؟ حد مر باللي بحكيه دا ؟ حد فاهم دين وديما تدور في خاطره اسئله ؟ هو انا اتولدت عشان اعمل اللي يتقال وزي الناس ممنوع اسأل ممنوع افهم ؟ يعني اسئلتي وجودية ايمانية مش كفر ولا الحاد ولا دا محدش فاهمني ، انا فعلا شبه واقفه ودماغي واقفه غير كل الناس ببص بصه كلها استغراب من الناس والدنيا وكل محللات ومحرمات وكل حاجة يعني مش قادرة اتحرك ومافيش حواليا دار افتاء ومافيش حد دارس ثقه اكلمه ويفيدني للاسف حتي النت ، كلهم تدين سطحي بحت حافظين بس ، كل واحد بيتكلم عن فاهمه انا عايزة الصح عايزة اجابة تريحني مش اجابة تخليني اسأل اكتر من سؤال واتوه ، انا فعلا تايهه

ليه مبناخدش الحاجه اللي احنا عايزينها؟ ليه بنحب حد مبيحبناش وليه لما حد يحبنا بقى احنا اللي منحبوش. ليه كل التعقيد دا ما نخلي الوضع اسهل والدنيا بسيطة والحياة حلوة ونعيش اليومين اللي فاضلين ونخلص

جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله جماااااعه عندددي رؤية شرعيه ! اعمل اي اقول اي اسأل اي حاسه اني مش هقدر اتكلم عملت بروفه مع اختي حرفيا كنت بمووت من الكسوف اقترحوا اسئله

ليه الراجل الوحيد اللي حبيته يسيبني و يموت بعد ما دنيتنا بقت كويسة و بقينا مجوزين رسمي و بقيت حامل منه ، ليه الشخص الوحيد اللي كان ليا في الدنيا يروح ، هعيش ازاي من بعدك و مين هياخد باله مني ، طب سيبك مني البيبي اللي جي ذنبه ايه يجي ميلقيكش. انا مدمرة حرفيا مبقتش قادرة اعيش

احساس وحش لما حد يتهمك بحاجة معملتهاش او يزعل منك ف حاجه انت نش عارف اي هيا اصلا وتقعد تفكر ةتسال نفسك انا عملت اي واي اللي حصل وليه وكمية اسئلة فظيعة فا نصيحه متبقوش من الناس دي ولو انت زعلانين من حد واجهوه

علاش علاش كي يلحق هاذ الوقت 00:00 حتى 05:00 تاع صباح يولي الإكتئاب و التخمام طايحين عليك في كوانة و نتا تستمتع بالنكح تاعهم ! علاش الشاب الجزائري لي علا جال بلادو قادر يفني حياتو و يدي صوالح ميجوكش فالمخيلة تاعك بلادو سمحت فيه و عطاتو ب ingore فري ماشي ساهة .. علاش الشبيبة ذك تفوت علا لي فارماسي تلقاهم غير هوما فما مرضتهم الرقعة الجغرافية .. علاش لعباد جامي يقدرو يحسو الحرقة لي فيك .. علاش لي يداعاو بالعشرة يبدلو ديما ليكيپ .. علاش لي ديرها بنت حلال و تنويها vيراج لول تاع الحياة ترميلك الما و تقلك ني حابة نعيش حياتي ! علاش لي حبوني نرتاح قلبي معاهم ما هنى .. اذا الموت تدي لعزاز علاش مازالني انا هنا ! علاش اشباه الذكور فهاذ الزمان يعاطو كيما les pute .. علاش لحظة مبقاتش تجيني واعرة ؟ ، و علاش بنات اليوم فسرو الزين بلعرا ! .. حومتي شقايا كامل فيك علاش هكاك و نشتيك .. علاش كل ما نتفكر ماما عيني تطلع للسما .. مجرد أسئلة عشوائية تجيني ف راصي في اقل من دقيقة و يتلفولك فيها الحلول مالڨري لكل مشكلة حل .. تفرج انشاء الله 🙌

المره دي انا مش جايه احكي لكم مشكله عندي انا جايه اعرف مالكم؟! ليه اختارت المكان ده؟! ندمت انك جيت هنا؟! اتعلمت ايه من الناس؟! هل المشكله اللى خليتك تدخل هنا اتحلت ولا لسا ؟! نفسك في ايه؟! استفادت من وجودك هنا؟!

أنسيت الهوي؟؟ أم خفت الكلامَ أم أعجبك طول الغِيابَ أم انت سئِمت من العِتابَ أم نحن في مهب الرياحَ أم لم يعجبك شهد الكلامَ أم أن عتابي فيه أغتيابَ أم نحن في الحياة محطاتَ والله إنك اعز الصِحابَ ألا تفهمني أم تخشي الفِهامَ؟؟؟ أم تسمع الكلام من أذنٍ وتخرجهُ من جهه الرِثاءَ لم أعاملك كحبيبٍ بل كصديقٍ نسي الصِحابَ أعاتبك من كل قلبي قائلاً أتفهمني ام ترمي الفؤاد؟؟ أم انت لم تعد لي بحاجةً أم اعتدت شُح السؤالَ إني والله لباقٍ عليك كصديقٍ خليلٍ يريد الكلامَ أهل تعلم انك اقل من تُرسل لي؟!! فأين إذا عهد الصِحابَ إني لا ارتجي منك اهتماما أو أن تعيد ليالينا كما الهوي شاء بل أقول لك ونفسي كسيرةٌ أ تود البقاء أن تفضل الجفاءَ؟؟؟ أتمني ان تفهم كتاب مُحبٍ صادقاً لا يريد فيك الا حميد الخِلال ويا خوفي من أخذك العتاب علي غضبٍ وتقول اغضبني عتابِك يا هذا وان تفعل كما تفعل وتقول انا لست حبيبك فلا تنتظر وِصالاً أعاتبك من كل قلبي في قصيدةٍ مطلعها أ نسيت الهوي أم خِفت الكلام؟؟؟؟ ايه رأيكم؟؟

عارفين احساس التوهه اللي بيجي ليكم مرة واحدة! تبقى قاعد دماغك تقيلة وتاييه مش عارف مالك، مخذول حتى من نفسك، بتدور ع إجابات لاسئلة كتيررر، حرفيا دماغك طول الليل والنهار مش بترحمك عامله زي المطحنة، بقيت بكسل حتى أدى رد فعل مش عارفه اللي انا فيه دا بوادر اكتئاب ولا اي😂💔 بس انا عايزا احس ان الدنيا تمام، عايزا دماغي تهدي، لو حد عنده حاجه إيجابية واحده حتى يقولها، مش عايزا اقعد مع دماغي بجد تعبتني والله 💔

محدش بيقول الحقيقة دي بصراحة بس انا جاي اقولها.. البنت ممكن تتجاوز علاقة كاملة بس بتقف عند لحظة واحدة بس: أنا كنت مهمة عنده ولا مجرد اختيار لحد ما لقى غيري؟ السؤال ده لو دخل مخها مش بيطلع بسهولة حتى لو هي باينة قوية وبتضحك عادي لأن أصعب إحساس مش الفراق. أصعب إحساس إنك متبقاش فاهم مكانك كنت فين فخليني أسألك بصراحة: عمرك حسّيتي إنك كنتي مؤقتة في حياة حد؟ ولا ده إحساس مبالغ فيه؟

أنا نفسي أجرب شعور الحب من غير خوف إنك تحب وأنت مطمن القلق والخوف بيفسدوا كل المشاعر الجميلة وأنت مبسوط بتسأل نفسك " يا ترى الشعور دا هيستمر " لما تسمع كلام حلو بتسأل نفسك " يا ترى الكلام دا هيستمر ولا هيتحول لـ كلام مؤذي مع الوقت " كل وعد حد بيوعدك بيه بتسأل نفسك " يا ترى هيصدق في وعده "صوت القلق والخوف مزعجين جدًا جوايا بيفسدوا كل اللحظات الحلوة لأن محدش بيتبسط وهو قلقان وخايف 🥲.

(دي مش مشكلة دي فضفضه) جوايا كلام كتير و اسأله اكتر بس مش عارفه اتكلم امبارح كنت بعيط كل ما ادخل اوضتي ع فرط العطاء اللي بتخليني اخد بالقلم ف كل مره و علي قد ايه انا صعب او يكاد يكون مستحيل اتحب بالطريقه اللي محتاجاها لكن دلوقتي انا ساكته سوا لوحدي او قصاد حد ساكته يمكن دا تقبل اللي حصل او صدمه مش عارفه بس المهم ان كل حاجة ساكته معادا دماغي

سؤال بجد ومحتاج إجابة بصراحة… ليه البنت ممكن تتعلق بشخص هي عارفة إنه غلط وبيأذيها؟ ضعف؟ ولا في حاجة أعمق محدش بيحكي عنها؟ طب خلينا أجرأ شوية… هل فعلًا البنت بتحب اللي بيتقل عليها أكتر؟ ولا ده وهم؟ طيب جاوبي على دي لو تقدري… إيه أكتر حاجة وجعتك من شخص كنتي فاكرة إنه الأمان؟ وسؤال تاني يمكن محدش بيفكر فيه… ليه البنت القوية دايمًا بتخسر في العلاقات رغم إنها فاهمة كل حاجة؟ وآخر سؤال… في نوع معين من الرجالة البنت عمرها ما بتنساه… حتى لو كملت حياتها… هو مين بقى؟ 👀

عادي ان ناس اغلب كلامهم بقا تافهه يأما ميتكلموش؟ اصل لو عايزه اعرف شخصيه القدامي واحنا طول وقت مش بنتنافش في مواضع مهمه و طول الوقت هزار و نكش و تفاهه فزهقت. انا هفهم شخصيه الناس ازاي منغير نقاشات.انا عادي شخصيتي مش جد وبحب الهزار لكن خير الامور الوسط . انا جوايا اسئله و توهان و حاجات عايزه افهمها للقدامي فازاي اعبر اصلا عن حوار ده و ازاي ممكن تلاقوا وقت تتكلموا زي ما اقصد

معرفتش اتعامل مع ولا مرة حسيت فيها بخذلان كنت بكتم جوايا وافضل مش مصدقة ولحد دلوقتي مش عارفه اصدق وكل ذكريات الخذلان اتخزنت تحت سقف " ليه ؟! " هو انا قصرت في حاجة ؟ طب عملت حاجة ؟! . كنت يستقبل الخذلان بضحكة استنكارية بعدها سيل من العياط وبرضو مش بصدق

لو عندي شيء معين كويس حصل لي ، زي حصلت على وظيفة او درجة عالية في اختبار مثلا و مش عايزه اقول لاشخاص لاسباب خاصة و الاشخاص دي لما بتسأل بتقول بالتحديد ، يعني لو درجة مثلا ف كام ؟ ازاي لما يسألني أرد عليه بذوق و من غير ما اقول له بردو

عندي سؤال و هو موجهه للرجاله اكتر هو بجد انتوا ممكن تحبوا بنت بجد؟؟ اقصد حب حب ال هو فعلا بتحبها لدرجه مش قادر تنساها و دايما بتفكر فيها و لو اه ممكن تحكولي مواقف او تجارب معاكوا و ازاي اعرف الشخص ده فعلا بيحبني ولا مجرد اعجاب او تسليه؟؟؟ جابوا بصراحه 🙏🙏🙏

عندى سوال مهم وبشوف الحوار دا كتير قدامى ليه الواحد لو كان كويس فى العلاقة وبيعمل الى عليه ، الى قدامه بيبقى دايما الاقل اهتماما وعادى ، ولو بقيت الشخص الى مش مهتم فى العلاقة ومش فارقة معاه تلاقى البنت هتموت عليك القط طلع بيحب خناقه فعلا

كنت جبت كتب مراجعة نهاية وبدات احلها بس مشكلتي ان في مراجعة الاحياء بتوقف معايا اسئلة كتير لما قولت للمستر اللي باخد معاه قالي ابعتليلي الاسئلة علي واتساب وبعتهم ومردش عليا الحصة اللي بعدها لفت نظره اني بعت اسئلة قالي تمام هيشوفها ومردش عليا عدي اسبوع واخدت حصة كمان ومجبتش سيرة الاسئلة اصل خلاص قولتله مرة وقبل ما ابعت كان قايلي اصلا ابعت فاللي هو لو مش عاوز تجاوب او مش فاضي مكونتش قولتلي فالمهم حد عنده حل يعني مفروض اعمل اي شات جي بي تي بيحل غلط و علي يوتيوب محدش بدا مراجعه يعني مش بكره في حياتي قد المدرس اللي بيبخل بالمعلومة