أمراض نفسية

الواحد تعبان .. مفتقد .. مفيش شعور بالانتماء فالوقت اللى انت محتاج تترمى فيه عالسرير ترتاح انت عارف انك ضيف فالمكان دا .. المشاكل ما هى إلا قنابل تنتظر الانفجار فأى لحظة .. شعور بالاحباط مرارة الفقد مرارة العار عشان الحاجات اللى عملناها عشان منوصلش للفقد مرارة الذنب مقاومة أمراض نفسية يعلمها الله سنين طوال الهندلة بالوعى .. وكل ضربة والتانية فوق طاقتك مفيش طاقة لحياة جديدة بس انت بتكمل كأنك اكتر واحد متفائل وطموح مفيش روح ولا حياة .. قبضة فالقلب .. وكل دقيقة هى محاولة بنزق بيها عشان نكمل بما يرضي الله العقل يخبر إن حتما فى خير و حب ولا داعى للقياس وكله بالتوفيق وبحسن الظن وبالانصاف واهى أرزاق والقلب بتاكله وحاشة نفسه والدنيا وكأن الدنيا شيفاك بتعافر بقهرتك وظلمك ووجعك فبتديك زيادة شئ مميز عشان تبطل تصدق أى حاجة كويسة من كتر منت حالف يكون ليك قيمة وقضية ومتتخلاش عن الحاجات الحلوة مهما الزمن قتلك . ومهما حسيت مفيش أى سبب تكمل

ياريت الجيل الجديد اللي طالع معانا يحاول يوقف حلقه الأمراض النفسيه المتفشيه في الشباب والبنات الصغير عشان احنا كده قدام مش هنلاقي ناس اسوياء اصلا من كتر المرض والتشوه النفسي اللي الواحد بقي يتعامل معاه الأيام دي .. وحقيقي انا مشفق علي كل بنت وكل ولد اتربوا تحت ايد أهل مرضي نفسيين وبدعيلهم من كل قلبي ربنا يشفيهم بس في نفس الوقت بتمني انهم يختفوا من الوجود عشان لازم نسلهم يقف ..

هل الأمراض النفسية قابلة للانتقال؟ هوضح الاول أن المرض النفسي بيختلف بين الأشخاص على حسب الشدة والمدة، بس انت لو بتتعامل مع شخص عنده اي مشكلة وبيحكيها قدامك انت هتتأثر بيها حتى لو بشدة أقل. الفكرة بسيطة جدا وهي أنه بيفتح لك امور انت مكنتش متخيل أنها ممكن تحصل ويبدأ عقلك يتبع الأسلوب نفسه بدون وعي وتلاقي انك بقيت مرتب زيادة زي صاحبك اللي عنده OCD هنا اه المرض منتقلش كله ولكنك اتأثرت. والناس اللي بتعاني من الاوفرثينكينج وبتذكر أن دماغها دايما مش بتفصل هتوصل لمرحلة ما مع استمرار التعامل انك تبقى زيهم. شبه شوية الوعي الزايد اللي بقينا بناخده عن الأمراض النفسية واسمائها وتلاقي كل واحد قرأ كتاب أو شاف فيديو يفكر أنه عرف تشخيصه ومشكلته وعقله بيتماشي مع باقي الأعراض لمجرد وعي الشخص الزائف أنه اخيرا فهم مشكلته مع أنه مش شرط يكون وصل ل criteria المرض دا. متغذوش عقلكم بمشاكل مش موجوده في حياتكم

انا ضد الجواز في بعض الحالات، ليه نتجوز و احنا مديونين؟ مش منطقي، صح؟ ليه نتجوز و احنا عندنا أمراض نفسية؟ طب ما نعالج الحاجات دي يمكن نكتشف ان الشخص ده مش مناسب! ليه نتجوز و احنا مش مستقرين ماديا، يعني بالنسبة للراجل يعني انت بتعافر عشان تصرف علي نفسك و تكمل لأخر الشهر ليه تتجوز و انت مش مستقر ماديا و تشيل هم نفسك و هم مراتك.

عبقرية الذات العشوائية اختلفت من كل اختلاف لحد ما تشم ريحة الفساد وكأنها شاه منحوره علي الطريق العام ، حلوله نفسية نابع. من عقل واعي لدرجة الخوف من تملك كل الامراض النفسية والتعايش بفك شفرات العلوم الباطنية فالخفاء ..

كان نفسي اكون افضل من كده .. كان نفسي اكون انسان سوي نفسيآ و مستقر و راضي و اقدر اتحمل مسئولية .. والدتي نفسها تشوفني في افضل حال بس انا للأسف خيبت ظنها .. هو مش بمزاجي و الامراض النفسية مش انا اللي اخترتها اكيد .. بس بعد 10 سنين محاولات علاج نفسي و مفيش تحسن و وصلت لسن 32 مازلت كده .. للأسف عرفت ان مكتوب عليا اعيش غير سوي .. لا عمري هيبقي ليا بيت ولا هتجوز ولا هتحمل مسئولية .. كان نفسي اكون كويس ...

اسمها أمراض نفسية .. يعني زيها زي اي مرض بيأثر على حياتك ويمكن أصعب لانها حاجة مش متشافة ومش سهل تتقاس بتحاليل وأشعة ووالله انا مقدرة فعلا اي حد بعيد عنها انه مش عارف قد ايه بتأثر على الواحد غصب عنه كيميا المخ عنده بتبقى متلغبطة غصب عنه مش بيبقى عارف يفرح مش عارف ينام مش عارف يوزن الامور بشكل صح غصب عنه بيشوف الدنيا سودا بيشوف نفسه ولا حاجة ممكن يشوف الدنيا كلها ولا حاجة ممكن حتى مايعرفش يوصل للخشوع في الصلاة ممكن يترعب من اقل صوت ممكن يفقد الاحساس بالحب من اللي حواليه ممكن يشك في نفسه وفي اي حد وحاجات تانية كتير لو مكانش مرض مكانش هيبقى ليه علاج وأدوية وأبحاث وتخصص لوحده مش كل مريض باكتئاب يبقى ايمانه ضعيف زي ما المريض بالتهيؤات والهلاوس مش ملبوس بالجن ادعوا للناس بدل ما تقعدوا تجلدوهم طالما المرض تم تشخيصه فعلا من دكتور .. وربنا يبعد عنكم اي مرض لانه اللي جرب بجد غير اللي بيسمع

ليه احنا بقينا في مجتمع سام و مؤذى لي الناس بطلع القعود النفسيه علي بعض لي الشباب بتعمل حد مش كويس يفكروا بقيتهم مش كويسين ليه يحاولوا يوذوا اللي حولهم اذاي كان هو شخص مريض يتعالج مش يطلع العقود علينا

انا واحد من ضمن الناس بتمنى الاقي بنوته محترمه احبها و تحبني ، على الرغم من ان طباعي رخمه شويه و نفسيا انا مش مستقر و مريض بامراض نفسيه كتير بس ارعب حاجه بالنسبالي هي الرفض و ده الي بيخليني ما افكرش اتكلم مع اي حد ، الناس ساعات بيشوفوني غريب او وحش بطريقه زياده عن اللزوم بس الي انا عشته ممكن يكون هو الي غيرني مع العلم انا لسه ١٨ سنه و عارف ان كتير اوي هيكونوا قاعدين ورا الشاشه بيقولو دا لسه ما شافش دنيا بس الحقيقه غير كده تماما

اهلي باختصار قنبلة امراض نفسية، محدش فيهم ناضج فكريا وبيتصرف ك بني ادم طبيعي، بيحبوا التزمجر والتوتر ونشر الطاقة السلبية وانا ايقنت كده من بدري جدا واختارت اني مقعدش معاهم نهائي وده احسن قرار اخدته اني مختلطش بيهم، كنت طول الوقت هربان بلعب video games.