اتهام

كنت بحب واحد وجيت بعد 4شهور حب بفتح الرسايل لاقيته قايل لشخص عاوز رقم بنت فانا لما وجهته قالي اي الي خلاكي تدخلي ع المحاثات وشايفني ان انا الي غلطانه وقالي ضيعتيني من ايديكي اعمل اييي بجد مش عارفه

جماعة فى بنت كانت معايا فى الجامعة كنا بنحب بعض بس حصل مشاكل بنا وصلت انها تتبلى عليا للدكتور انى اتحرشت بيها بس كان معايا اسكرينات واثباتات تثبت ان دا محصلش من اسبوعين رجعت تانى لما شافتنى اشتغلت فى وظيفة وبعد الضهر مسئول على ستور موبايلات وبفهم فى الاجهزة والايفونات وكدا فا الحمد لله مسكت قرش حلو والعز بان الحمد لله اتكلمنا كتير وهى تلمح على الخطوبة وكدا امبارح اتخانقنا وانا الى اتحججت الصراحة وسبنا بعض قولتلها خليها لما يجى وقتها احسن بس انا الى غلطان علشان قولتلها ابعتى صورة بشعرك وهى مرضيتش انا حقىقى غلطان النهردا صاحى مضايق انى زعلتها ورايح الشغل بتعصب على العملا والناس الى معايا فى الشغل ومحتار اكلم ابوها وادخل البيت من بابه ولا خلاص كدا لان فعلا موضوع ان هى اتهمتنى بالتحرش دا مش قادر اتخطاه خالص واسف على الاطالة...

انا و واحد كنا قارين فاتحه ف حصل بينا مشاكل وسبنا بعض ف كنت متخانقه مع واحده كده وبعدين اتصالحنا وهو مكنش يعرف دخل قالها لو عايزه تصالحيها روحي يلا صالحيها دي عملتلك كذا وكذا وفضل يولع الدنيا بيني وبينها واتكلم عني وحش وكان قايل كلام عليها مش تمام ف أنا كنت قيلالها الكلام ب حسن نيه عشان تاخد بالها من تصرفاتها ومحدش يقول عليها كده تاني قام هو عرف اني قولتلها وقالها دي كدابه انا مقولتش كده و صحبتي دي سكتت ومردتش وبعتتلي اسكرينات عشان عارفه انو كداب عشان كنت مورياها شاتو وهو بيقول كده عليها ف بعدها بكام يوم دخل كلمني قالي انتي شلتيني من الانستا ليه كويس انها جت منك عشان كنت هشيلك اصلا قولتلو ايوا انا كنت بقلب عالتيك توك شوفت الرد بتاعك ده طالع ترند بس ترند كرينج شويه جدد ف ردودك وبعدين لقيتو منزل كلوز فرند وانا اصلا مش عندو فالانستا بس محطوطه فالكلوز ومنزل صوره واحده وكاتب عليها بنتي قولتلو حلوه بس انا احلا وازاي انا محطوطه فالكلوز واحنا مش فرند عند بعض قالي انا مخدتش بالي وزي م بدأت معاكي حلو هنهي معاكي حلو قولتلو انت امتى اصلا بدأت معايا حلو قالي انا اصلا مش همسك الفون كتير عشان الشغل وكده ومتزعليش وحصل خير قولتلو انت راجل بصورم قالي انا راجل بصورم! وبعدين بعتلو الاسكرينات بتاعتو معاها قالي اه انا قولت كده قولتلو اه م انا عارفه عشان صورمك طافح عليا قالي انا غلطان ان كلمت واحده شبهك ودخلتها حياتي قولتلو الله يرحم لما كنت بتفضل تتحايل علي صحابي يخلوني ارد عليك لما كنت متعلق عندي ف ريكوست الانستا قام سكت وقالي ربنا يوفقك فحياتك بس. انا مغلطتش انا كنت فحالي وهو إلى بدأ ولو علي الغلط غلطت بس اني كنت قيلالها كلامو بس كان بحسن نيه والله عشان محدش يقول عليها حاجه زي كده تاني

انا مثلا كنت بحب بنت فالجامعه ، البنت ده حبيتها كدا ، بيسموه حب حقيقي انك تحب شخص ومش عارف حبته ليه ومفيش سبب واضح لحبك ليه زي شكله حلو او شخصيته حلوه او لبسه ، لا مكنتش بفكر اني الاقي الحاجات ده فيها ، كان نفسي احميها اسعدها ونكون سوا ، بس حصل موقف وحش جدا ، كنت بصور الكلام بتاع الدكتور من عالسبوره ، ف هي جات فالصوره بالغلط ، حرفيا مكنش موجود فالصوره غير الجاكت بتاعها حتى الطرحه بتاعتهت مكانتش باينه عشان كانت سانده عالبينج وقتها ، حد قالها اني بصورها ، راحت للامن ، وده الصدمه ، كنت فاكر ان من نظراتي ليها المتكرره ومحاوله اني اكلمها واجر معاها كلام فالسكشن هتعرفها اني معجب بيها ، بس لما راحت للامن قالت ف حقي كلام وحش ، ثبت التهمه بدل ما تدافع وتقول اني مش هعمل كدا ، قالت اني مالاول اصلا وانا بتعرضلها وعايز اكلمها وهي بتصدني ... بس اتغيرت ووعيت لنفسي وعملت تغيير مدروس ف حياتي مش مجرد هنزل جيم عشان اطلع ماللي حصل دا وفتره وابطل ، لا كان تغيير ، بس الصدمه انها حتى مشافتش التغيير دا ، بس بالنسبالي مكنش صدمه ،لاني كنت بعمل التغيير دا لنفسي

احيانا بكره كوني شديدة الانتباه بمعنى بكون فاكسة الكل وحقيقة الكداب والصادق وكاشفة كل واحدة واني بعرف الدنيا بتمشي ازاي واللي بيضايقني معنديش الجرأة اتكلم ولو اتكلمت ابقى انا بكدب لانهم الحلفان بالمصحف عادي بالنسبالهم زي الحلفان بربنا كدب وان عارف انه بيكدب ويجنني ان عارفة ولو اتكلمت اقول اي فين الدليل غير اني واخدة بالي من نبرة الصوت والعيون والحركة والكلام والخوف اللي جواهم ده مش دليل بعاني باني بيتهموني اني انسان وحش ومش طيبة زي ما هما فاكرين وهما المخدوعين انا بتعامل بمشاعري ودي مشكلتي اللي بعرفه كداب ببعد عنه وبتجاهلة واكون جافة معها وابقى كدا انا وحشة