اختيارات

فيه أبواب بتتقفل قدامك، وإنت ساعتها بتفتكر إنها خسارة، لكن بعد وقت بتكتشف إنها كانت حماية مش حرمان. وفيه طرق بتتفاجئ إنها اتقفلت عليك، لكن الحقيقة إنها كانت بتتفتح لك طريق تاني أنضف وأهدى وأوسع من اللي كنت مصمم عليه. الرضا إنك تفهم إن في حكمة أكبر من فهمك الحالي، وإن تدبير ربنا أرحم من اختياراتك اللي كنت شايفها صح وقتها. ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾ الآية دي مش وعد بالراحة، لكنها وعد إن اللي وراك مش صدفة، حتى لو وجعك. لما ترضى، قلبك بيهدى… مش لأن الحياة بقت أسهل، لكن لأنك بطّلت تعاندها. Fresh Lemon

اعتقد لا مكنتش حدخل علمى مثلا زى ما والدى كان حابب رحمة الله عليه كنت حدخل ادبى واحاول ادخل اعلام مكنتش حتجوز اختيارات حد غيرى كنت حثق ف اختيارى وامشى وراه مهما حصل كنت حاجل الشغل شوية وامشى وراه شغفى ولتعلم اكتر حتى لو بمرتب اقل

بقيت بحس إن مُدة وجود أي شخص مهما طولت أو قصرت بتنتهي ويبعد، بقي دا مفهومي ومعروف إن إحنا فترات في حياة بعض بس يعني مُحزن إن كل دا يكون ذكري وإن يعني بقوا ذكريات للأسف مش عارفة يعني هل دا طبيعي ولا أنا المشكلة ولا أختياري دايما سيء في الناس..

عندي مشكلة صعبة اوي ( محصلش ) لما مخك بيقرر انه يضغطك ويحطك في دايرة صغيرة ملهاش غير مخرج واحد هو اللي محدده واللي مختارهولك واللي اخره هلاك برضو وتفضل انت في الدايرة دي بس باصص على ايدك ومعاك مفتاح الخروج بس مش قادر، تيجي في الآخر وانت لسة بتحط رجلك في المخرج من الضغط اللي مخك حددهولك ترجع خطوة لورا وتستخدم المفتاح اللي في ايدك وتخرج من الناحية التانية حاسس انه احساس امتع من الشاورما

ديما في سؤال شاغل بالي هل لو رجع بيا الزمن في حاجة هغيرها من اختيارت كتير غلط او حاجه معملتهاش في وقتها بس بردوو ارجع اقول لولا الغلطات الكتير أو الحاجات الي فتتني في حاجات كتير مكنتش اتعلمتها أو فهمتها لإن جزء كبير من شخصيت الإنسان بتتبني من تجارب الحياه اختيار صعب انت/ي هتختار اي والسبب

تعبناا اناا و صحبتي زهقناه من اختيارتنا والله و من كتر ما بنتخزوق نفسنا نتعرف علي اتننين محترمين اللي هو مش بيرفكت بس حتي يبقو كويسين ك شخصيه حتي مش عارفه بجد ناس كويسه راحت فين يعني ولا حتي ف جامعه او في اي حته مش عارفه الاقي حد شبهي او تفكيره زي تفكيري و حاسه انها عمرها مهتحصل

هيحصل ايه لو كنت رفضت بقالي فترة مش صغيرة بفكر في كل حاجه انا فيها دلوقتي وبدايتها فاكر بدايه كل حاجه وصلتني لحياتي دلوقتي فاكر كل موقف اكنه قدامي لو كنت رفضت كان مسار حياتي هيبقي مختلف ممكن علاقاتي كانت هتختلف اسلوبي شخصيتي حياتي حياتي كانت هتبقي عامله ازي لو كنت عملت عكس اللي اختارتة ف مبقاش بيطلع من دماغي سؤال ماذا لو ؟

لاحساس بالخوف الدائم وانك ممكن تخسر حاجه او تطلع حياتك كلها غلط إحساس بشع لما يكون قدامك اختيارات بتخاف تختار عشان متطلعش غلط ولو اختبارات بتقول طب ليه مختارتش لاختيار التاني دايمآ عندي فكرة ان حياتي كلها غلط واني في مكان مش مكاني قد أكون قدامي حل اني تتعايش على حياتي واسيبها تمشي زي ما هيا ماشيه بدون اي استنفار بس بقول ساعات ليه انا مش مبسوط حتى لو كنت. بضحك مبكونش حاسس الضحكه بجد مجرد تعبير بالوجه مش حاسس بيه قد يكون كلامي عبثي بس هوا عبثي زي مشاعري العبثيه وشكرآ لاي حد قرأ كلامي وكلن مهتم بيه للاخر

ازيكم عاملين ايه عندي مشكله كده ممكن تبان تافهه انا حاسس اني لوحدي جدا كميه وقت بيعدي وكميه صدمات في ناس واكيد اخيتاراتي كانت فيها مشكله بس بجد انا وحيد جدا الفتره دي مش عارف اعمل كل حاجه لوحدي يعني مفيش حد بيعيش لوحده