استحقاق

انا خايفه من كل النتائج خايفه العمر يعدي بيا لوحدي وخايفة اختار حد وحتى لو فيه نسبه صغيره أنه ميكونش الشخص اللي يفهمني مش قادره افكر صح ولا عارفه بجد مع اني اكتر حد بيفهم الناس وبساعد دايما وادي رايي بكل صدق لكن عندي انا مش عارفه افكر صح حتى حرفيا ممكن علشان شوفت كتير بقيت بخاف اوي ممكن علشان مش حاسه اني استحق ده مش عارفه برضه

شعور اني حاسه كأني ميته لان كان نفسي حاجه فيا تكون بخير صحيا او نفسيا بس لسه عندي امل صغير رغم اني خايفه لان كل مرحله بتكون اسوء مش العكس و تعبت نفسي ثقتي في نفسي ترجعلي و ابطل احس ان مستحقش حاجه واني وجودي ملوش تأثير

لما بسمع اغنية ولا اتحبينا بحس ان قلبي بيوجعني اوي ، لان بحس ان بجد عمر ما حد شاف حقيقتي كاملة و خبها حتي اقرب الناس ليا ، و بقول اوقات لنفسي ما يمكن نطلع فعلا منستاهلش الحب ، او ما يمكن كل اللي اتحبوا اصلا مبيبينوش كل حقايقهم قدام الناس اللي بتحبهم ، و يمكن فكرة ان حد يحب كل جوانبنا و كل ما فينا دي كلمة مستحيلة، انتم شايفين ايه؟

اكتر حاجه جميلة نعملها لنفسنا اننا نساعدها تفرح عشان حقيقي الموضوع يستحق جدا واحنا أولى الناس بالمجهود اللي ممكن يتعمل.. يعني بلاش الفرحه تكون بس بالخروج والتنطيط وامور كتيره تتعمل، ممكن ننبسط بحاجات بسيطة عادي

لقيت نفسي فجأة بسال السؤال ده وعايزة اجابة يا ترى امتى هقدر فعلا اوصل الحقيقة للكل واقدر اعبر براحتي ومحدش يفهمني غلط زي كل مرة من وانا صغيرة لو كان في امنية هتمناها كانت هتكون ديه لاني ديما كنت بستغرب يا ترى ليه محدش بيفهم اي حاجه انا عايزاها لحد ما اكتشفت حاجه مهمة جدا انا مش بتكلم اساسا اه والله مكنتش بتكلم ولا بعبر عن اي حاجه ديما ابص حواليا الاقي الكل بياخد اي حاجه هو عايزاها وانا في قمة الغضب ومستغربة ليه محدش فهم كبرت وقررت اخرج من انعزالي واكون شخص جديد عملت كل حاجه ممكن تتعمل عشان اعرف احس باستحقاقي فجأة بقيت فاكرة نفسي اكتر شخص اجتماعي من كتر كلام اصحابي ليا لحد ما فجأة رجعت لنقطة الصفر تاني لما اكتشفت انه guess what اصلا حتى كلامي الي بتكلموا مع الناس بيتفهم بطريقة تانية تماما من الي اقصده بيها وده زي كاني بتكلم معاهم بلغة مختلفة محدش فينا هيفهم التاني صح فاتمنى حد يساعدني افهم الناس مشاعري الحقيقية وابعد عن اللف والدوران واتكلم بسطحية زيهم عسان ديما كلامي عميق

صباح الخير والسعادة عليكم 🌺 عيد سعيد عليكم جميعا. ممكن تلاقي نفسك صاحي حزين وزعلان اوي لانك. كنت/ي مستني حد معين يرن عليك او دي فرصه يرجعلك ومحصلش، متزعلش نفسك انت تستاهل الافضل منه او منها بكتير جدا.

عارفه ان الزعل مش بيفيد بالعكس بياكل في الإنسان اكتر بيخليه يفقد حاجات كتير وقت كبير و صحه وعارفه أن مش من حقنا نتحكم في مشاعر حد حتى لو هما اللي اختاروا يبقوا وحشين مهما كنت انت كويس مش معناها هما يحسوا انك تستحق و لا مقياس ليك بس الإنسان مهما كان فاهم كل الحقايق الدنيا برضه صعبه عليه مش بيقدر يستوعب ولا يتخطي مهما كان قوي مهما كان ذكي بيجيله لحظه انا مستحقش كل ده معقول محدش شاف كل اللي عملته واللي كان عندي استعداد اعمله مكنش ليه قيمه طيب سابوني ليه اعمله وهكذا بقي انا عارفه ان كل ده مش صح وأنه مش مقياس ليا في أي حاجه واللي وجعني اكتر اني مدركه ده

مسحت كل صوره والشات بس واهتميت ب نفسي واهم حاجه بجد انك تقتنع من جواك انك تستاهل حد احسن اول ما تقتنع فعلا ده هيخليك تتخطي اسهل واسرع لانك فعلا تستاهل تتحب من حد احسن وقرب من ربنا واشغل نفسك متسبش نفسك فاضي عشان ده هيخليك تفتكره

فضفضة أنا موجوعة .. حاسة اني محتاجة أحس بالحب بجد الحب عامة حاسة اني استاهل الحب ده بسأل نفسي ليه ماحدش بيحبني أو ليه على الأقل مش حاسة بالحب ده انه حواليا مهما نقول ان مش مشكلة ومش فارق الناس واني مستكفية بنفسي وان وان .. احساس انك مش فارق مع حد صعب اوي اوي انك لما بتفكر في حد بجد يشيل همك من غير ما اقوله معلش انا اسف دوشتك حد تبقى عارف غلاوتك ومعزتك في قلبه حد يحبك بكل معنى الكلمة حد تثق ان لما تقع هيشيلك ولما تفرح هيفرح معاك وليك ولما تنجح هييقى فخور بيك الحب بالنسبة لي حاجة كبيرة أوي أوي وتقريبا دي المشكلة 💔

بتكرر نفس السيناريو مراكماات مراكمات وصولا لاخر وقت خالص والفرق عن قبل كدا ان مسؤولياتك (اللي حطتها على نفسك زادت ) ادركت فعلا وصدقت اني مكنتش استاهل اكتر لان انا اللي عملت كدا وانا اللي بعمل كدا ف شكرا يارب على حكمتك امكانياتي كانت تجيب طب السنه اللي فاتت بس حكمة ربنا انا مستاهلش الا تجاره ف اللهم عونك ووفقني في الخطوات اللي بمشيها

هل الواحده ممكن بتلاقي كل حاجه بدور عليها في شخص بنسبه كبيره عن العيوب ولا تقبل ب بنسبه 50% تقريبا 40% بين الميزات واللي العيوب وخلاص اقبل بكده واتأقلم بقي مع الباقي وفي طبعا حب بس جويا شعور ان الشيطان بيخرب وبيدخلي من الحته دي وبين ان استاهل احسن من كده انا بالمناسبه مخطوبه وحب ٣ سنين

من مكاني هذا احب اقولكم ان هيجي وقت عليك هتحس انك خلاص قدمت كل ما بوسعك عشان تحافظ علي اللي بتحبهم جاي اقولك لو قدمت وبرضو مفيش فايدة اهرب انت تستحق حد يقدرك ويحس بقيمتك اكتر من كدا مفيش حد يستاهل انك تديله فرصه يقلل منك وميقدركش م طز بجد ياجماعه طظ ف اي حد ميقدرش قيمتنا من نفس النقطة بقولكم للاسف مش عارفه اتخطي 💔

بسال نفسي كتير هل انا انسان جيد وطيب مع اني مش بزعل حد يبقى كدا انا كويس وبفكر طب لو انا كويس لي بيحثلي كدا اكيد لا يبقى انا شخص وحش عشان يحصلي المشاكل اقتد اقول انا مستحقش يحصلي هو انا اذيت حد وبعدها افكر يمكن فعلا اذيت حد ومعرفش فربنا بيعاقبني

دايما باخد إستحقاقيتي من الإنجازات اللي بحققها غير كد بحس اني حد ميستاهلش عايشه طول الوقت في ضغط اني لازم اكون شاطره علشان استاهل اتحب بس انا تعبت من الدوامة د ومش عارفه المفروض تخلص ازاي

مبقتش عارفه اتصالح مع فكره انه بيجي ف بالي كتير بمعني اصح مش عارفه اموف اون مش عاوزه ومش عارفه ابدا يمكن بنساه نص ساعه وافتكرو باقي اليوم وحتى مش عارفه اتصالح مع فكره اني استاهل الافضل والاحسن

مقهوره بشكل فظيع والله من القهره و الزعل قلبي هيقف والله حقيقي كنت بدعي محسش الأحساس دا تاني وحسيته دماغي هتنفجر من الزعل ع كل حاجة حصلت و ع اني مستاهلش كدا واني مكنتش محتاجه غير اني اتحب بجد زي ما بحب بجد ليه طيب هل انا فعلا مستاهلش