استحقاقية

Cherry_76643 🇪🇬

منذ أسبوعين

شعور خجول

عبّر عن شعورك بشكل مجهول

في احساس جالي انهارده جميل علي رغم برده ميكس الوجع والمشاعر الكتير اليومين دول والعياط اللي بقي يجي حتي وانا ف المواصلات 😂 وانا مش كده ابدا 
بس وانا مروحه من شغلي وبعد ما خلصت اذكاري والحمد لله حافظت علي صلاتي وقولت لربنا اني مش فاهمه حاجه رحتله بلغبطتي ومفهمتش برده بس سلمته نفسي وقولتله اني غلطت تاني وتعبت نفسي وغيري دعيت للشخص اللي اذاني للمره المليون عن غير وعي للمره الاخيره انه كان سبب دمار حياتي وكل حاجه كان بيتهمني بيها هي مجرد اسقاط لفشله عليا لانه لو كان راجل حقيقي كان زمانا متجوزين من زمان اوي مش لسه لحد ما داخلين ف ال٣٠ بنعمل شغل مراهقين 
المهم لقتني بدعي لناس معرفهاش ف الشارع بدعيلهم ادعيه جميله بطريقة خلتني احس ان قلبي بجد مميز رغم اني موجوعه بس لسه قادره ادي وادعي للشخص اللي المفروض اعتبره اصلا عدوي دلوقتي لو بصيت للي عمله بجد زي ما هو شاف واحقد عليه اكتر ما هو حقد عليا بمراحل 
بس وبعدها حستني انسانه جميله بجد بس برده للاسف كنت بعمل حاجات انهارده وسمعت اغاني ف المحلات اللي كنت فيها تفشخ اي حد ممكن يسمعها وكلها جايه علي الجرح ف خلتني ارجع اكلمه تاني 
بس هنا كانت الضربه الاخيره تقريبا وبرده كانت القفله اللي كنت محتاجاها بقالي كتير مع انها حتي قفله مش بشكل طبيعي بس اهي قفله وخلاص لعقلي عشان يرتاح وبجد علي رغم من طلبي ليه اننا نلاقي حلول وسط لمشاكلنا ومن اني كنت محترمه معاه لاخر لحظه وهو كان اسلوبه مقرف وبيتعامل معايا اللي هو اخلصي عايزه ايه وهنستفيد ايه من كلامنا ده !!
بعد ما كلمته ان في امل ١٪؜ اننا نرجع وقولتله كل مخاوفي منه بصراحه لقيته بيساومني اني اقطع علاقتي بناس ما بيني وبينهم حدود واحترام ومفيش كلام بس هما من دائرة معارف عامه ولا حد يقدر يدخل يكلمني بشكل مش محترم ويعدي حدوده لانهم عارفني كويس وهما ناس يتعدوا الي الصوابع بحكم الشغل والمكان اللي بحضر فيه زي ندوات 
ساومني ان مقابل الناس ديه واني اقطع علاقتي بيهم اللي هي اصلا مش موجوده هيشيل بنت بيقولي اخته واللي كنا بنسيب بعض بسببها كل شويه عشان بيتكلموا وقالي مره زمان انه كان معجب بيها بس هو عقليته انه مش هيتجوز واحده بشعرها ولا بالحياه بتاعتها لانها بتكلم اي حد براحتها وديه مش طريقته كان عايز يخليها وهي اخر مره كانت بتقوله وحشتني ! 
لما جيه يقارن قولتله انت متخيل ان حد ممكن يدخل يقولي الكلمه ديه ولا في اصلا حد من الناس ديه صاحبي وبشاركه تفاصيلي ب اي شكل هما مجرد علاقات عامه ف حياتي وملهاش لازمه المساومه ف حاجه هتخليني اخسر علاقات ممكن تفيدني اني اكبر ف شغلي او اني اتطور بره الشغل مش اكتر ولا اقل 
مقتنعش وبرده اصر اني اكون الانسانه المقفول عليها اللي هي بس عايشه مش شايفه غيره عشان لما يختفي حياتي كلها تنهار طبعا وميبقاش ولا فيه اي نقطة قوة ف حياتي غيره 
بعد ما سابني اخلص كل الكلام وكان من ضمنه كلام مهم عن الشقه اللي هي اصلا مش معاه ولسه هيسعي عشان يجيبها ولو كان عمل ده من زمان ومرحش خطب وكمل وراح هنا وهنا كان زمنا عملنا حاجه 
واجهته بكل حاجه بكل احترام 
بس هو مسك ف الناس اللي يتشالوا وانه طالما هو هيشيل البنت ديه انا اشيل اي حد من عندي ايا كان مين بقي
وبعدها قالي انه هو مش هينفع يكمل معايا وبدأ يسمعني كلام مؤذي لاني للاسف قولتله كلام مؤذي زمان بس كان وقتها خاني وبيبرر بنفسه قولتله انت مش الراجل اللي عايزه اتجوزه بعد سنه ونص جاي يقولهالي ف التوقيت ده سبحان الله لسه شايل كل كلمة بكل غل جواه مع اني من اللحظة اللي كلمته فيها وانا نسيت اي شر عمله ف حقي 
بس من كتر ما استحقاقيته عليت وحس بنفسه وانه يستحق يعيش والانسانه اللي خلاها تستناه كل ده عشان هو فاشل ومش عارف يعمل اي حاجه ف حياته لحد انهارده كراجل ملهاش حق انها كانت تعيش برده 
لما قعد يعيش دور الضحيه الاهبل ده تاني مكنتش ضعيفه زي اول يوم سبته وكنت موهومه اني استاهل لاني انا اللي فتحت الباب ده بايدي 
قولتله انت اتاذيت وانا اتاذيت انت ضاع من عمرك وانا كمان احنا الاتنين عشنا حاجات صعبه 
وبرده اجبرته يكلمني باحترام وكويس ودعتله ف اخر كلامنا لما رجع تاني يستحضر روح الضحيه اللي بقي مبسوط فيها 
انا بفضل ادعيله لحد دلوقتي عشان انا مش بحب الاذي ولو عملت ده ف حد هيكون عن غير فهم ووعي مني مش قصد او لو اتوجعت لكن اكون اقوي واستقوي عليك عمري ما عملت ده بس هو قدر لان جواه شر 
وربنا انهارده وضحلي انه بقي حد تاني تماما وانه كل ذكري حلوه رسمتها جوا دماغي هي رومانسيه تافهه لان لو كنا علي ارض الواقع كان هيفشخ اللحظه ديه ب اي عيب من عيوبه اللي كنت بستحملهم طول الوقت اللي هما كانوا بيزيدوا والامان حواليه بقي وجوده مستحيل 
بقيت عماله اقول لنفسي انتي حبيتي كده ف العلاقه الزباله ديه واستحملتي كل القرف دا حتي وهو جاي عليكي 
وكنتي وفيه ليه سنة ونص مع انه راح وخربها وبرده معرفش يتخطاني 
ف ما بالك لو جيه حد صح قدرك وعرف قيمتك وفهم دماغك ! اللي هيعيشك بجد اللحظات اللي حلمتي بيها دايماً ومفيهاش اي تنغيص من اي نوع لا هي راحه pure
اه هيكون فيه عيوب بس هتكون مقبولة مش شخص من اوله لاخره العيشه معاه مستحيله وبتخلي الواحد كاره نفسه وشخصيته 
سبحان الله مع الوقت انانيته بتظهر اكتر وتحكمه ف الست اللي عايزها تكون الواجهه بتاعته دينياً  بيزيد اكتر وكذا حد قالي ان تمسكه بالدين ده مزيف لان كل افعاله عكس الدين وانه بيستغل الدين لمصالحه الشخصيه انا مصدقتش لانه اتعلم مني القرب من ربنا بس شكله فهمها غلط هو داخل كل حاجه وعايز يعرف هيكسب ايه من وراها
ف مره واحنا بنتكلم سالته جبت الجاكت ده امتي عشان شكله حلو كنت مكسوفه بيني وبين نفسي اقول ده بس هقوله وطز ف اي حاجه هو علطول بيلبس لبس غيره او قرايبه بيجبولوا لبس وهو وظيفته محترمه طب ازاي وفين عزة نفسك وبتودي اصلا فلوسك فين لما انت حتي مبنتش مستقبل ولا جبت شقه !! طب علي الاقل هات لبس لا هو نفس شغل انه يتعمله من بره بس ميعملش ومفيش كسوف ان حد يعمل معاه حاجه زي ديه حتي وهو كبير 
انا عكسه تماما وبنت ومش بقبل جنيه من اي حد ولما بتنزق معايا مش بعرف استلف ابدا هو كان دايما سلف 
مش متخيله منظري وانا مع راجل زيه 
ف نص كلامنا لما جت السيره اتكلم بطريقة فيها صعبنه كانه بيديني هنت عشان اجبله واحد 
واحنا لسه ولا حتي لحقنا معرفش بيحس بالاستحقاقيه ديه ازاي بجد وعدم الاحراج !!!!
انا بنت وعمري ما عملتها  
خلاصة كلامي انهارده اني بعد كل اللي عيشهولي من عك وقرف مش عايزه احزن عليه عشان هو ميستحقنيش ابدا ولا يستحق اي حاجه ضحيت بيها عشانه 
والاصابه اللي عشتها ف يوم بسببه ولسه سايبه اثر ف رجلي
علاقة مؤذية معفنه 
الحمد لله ان ربنا وراهالي زي ما هي بدون تجميل ووراني حقيقته ف اخر لحظات بينا عشان حتي مكرهوش هو مش هيخطو علي بالي ابدا ان شاء الله لان انه يعدي بس من عقلي او قلبي او خيالي هي حاجه ميستاهلهاش
يتمني اشوف نفسي بعين نفسي ومسمحس لاي حد تاني يهز ثقتي ولا مهما كانت درجة قربه اني اشوف نفسي بعيونه تاني لاني ف عين نفسي بعد كده احسن واحده وهبطل التواضع الغبي اللي كنت عايشه فيه طول عمري ومجابليش الا الناس المستغله لطيبتي 
انا احسن واحده واقوي بنت ولو الناس عرفوا قصتي بجد هيفهموا ان الكلمتين دول مش نفخه كدابه واني مجرد بعترف بالحقيقه لنفسي لاول مره اني بجد جامده ومفيش زيي ❤️
محتاجه اتعافي مش شكل الحب الغير صحي والتعلق والباقي كله زي الفل 
هنام مرتاحه انهارده لان ربنا خلاني احس بالقفله اللي محتاجها عقلي وكل ما هيجي يوحشني وافتكره هحسس نفسي باي حاجه مقرفه تنفرني منه وشكرااا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coconut_90086 🇪🇬

منذ شهر واحد

شعور مكتئب

ازاي اقدر اتخلص من شعور عدم الاستحقاقية يعني اي نجاح بعمله في حياتي او اي تقدم فيها بحس انه جه بالحظ ومع اول فرصة هخسر كل ده واني لازم افضل شغال دائما حتي ولو تعبان لدرجة اني بوصل لمرحلة ببقا too exhausted وميت حرفيا

Potato_76035 🇪🇬

منذ 3 أشهر

شعور لا مبالٍ

١ لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟ ٢ كل ما أفكر أكتر أتعصب أكتر، كل ما أقول مش مهم، تيجي الفكرة

عبّر عن شعورك بشكل مجهول

١
لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟

٢
كل ما أفكر أكتر أتعصب أكتر، كل ما أقول مش مهم، تيجي الفكرة قبل ما انام وانا على السرير وتبوظ كل الاستنتاجات اللي هديت بيها نفسي، الفكرة إني عارف إني لو أطلقت لغضبي العنان وعملت رد فعل، هندم بعدها وأقول ماكانتش مستاهلة
والغضب بيغذي الغضب، عمري ما بيشبع
والنار هتفضل تاكلني من جوا لغاية مايبقاش فاضل مني حاجة

٣
من فترة واحدة صاحبتي قالتلي اني OCD
ماحستش بحاجة وقتها لأن دا بيتقالي كتير، انت BPD، انت بايبولار، مش فارقة، الناس اتعودت انها لازم تمشي بتشخيص ودي من سمات العصر اللي عايشينه
اللي استغربته انها ابتدت تقول اللي لاحظته في شخصيتي وليه هي توصلت للتشخيص دا باعتباره بيعبر عني
ومن وقتها وأنا عمال أفكر يعني إيه حد يبقى عايش حياته وفجأة حد يقوله انت OCD؟ والمفروض أعمل إيه بالمعلومة دي اصلا

٤
أي بنت بتنزل انها عندها جفاف عاطفي أو عايزة تصاحب، بحس كل الولاد اللي في الكومنت كأنهم إنسان بدائي جيه موسم التزاوج وبيعرضوا نفسهم عليها وبيعملوا حركات إغراء، زي الحيوانات في الأفلام الوثائقية لما يجيبهملك وهم بيحاولوا يلفتوا انتباه أنثى الجربوع بإصدار روائح أو ينفشوا ريشهم

٥
أنا اكتشفت مؤخرا إني بحب النوم أوي، وكل اللي بفكر فيه إني عايز أعوض كل الأيام اللي ماكنتش بنام فيها كويس أو جسمي مابيحتاجش فيه نوم دي، إزاي أعوض كل رصيد النوم اللي فاتني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_84650 🇪🇬

منذ 3 أشهر

شعور خجلان

ازاي بتحسوا إنكم راضيين عن نفسكم؟ بجد بسأل السؤال عشان انا مش عارفة أوصل للمرحلة دي! أنا ممكن أشعر مؤقتًا بالرضى عن نفسي، بس بمجرد ما حد بيتفوق عليا في الحاجة دي بأنب نفسي كتير. والشعور المستمر بالشئ دا بيحسسني أصلاً بعدم الاستحقاقية، وإن كدا كدا دايمًا في الأشطر مني، الأحسن مني، الأجمل مني وهكذ

Strawberry_72365 🇪🇬

منذ 4 أشهر

شعور مستنزف

انا بنت جميلة شكلا جدا وحاطة صورتي بروفايل وبتجيلي طلبات من شباب في كل مكان واعداد كبيرة ممكن توصل50 ل60 كل يوم الفكرة الموضوع بيزيد استحقاقيتي بشكل انا مش حباه يعني بشوف تعاملهم انهم هيموتوا ويكلموني ولو لعبت معاهم في لعبة ما بيجروا عليا وبيفضلوا جنبي كيكة التيم بمعنى اصح فلما بشوف الحياة الواقعية

Pineapple_69433 🇰🇼 بيحبك يعنى يتقدم لك ما لهاش حل تانى غير كده

عرض الكل 12 نصيحة

Marshmallow_61979 🇪🇬

منذ 4 أشهر

شعور منزعج

بجد في أصناف معينه كدا مينفعش معاها غير التجاهل لما بندى ناس اكبر من حجمها بتبدا تشوف نفسها واستحقايقتها بتزيد فلا يجماعه كل واحد نديه حجمه الطبيعي أو أقل من الطبيعي بلاش العشم ودى حاجه اكتشفتها متأخر اوووووى بس late better than never 💁

Mango_30796 🇪🇬

منذ سنة واحدة

شعور مكسور القلب

موضوع:

هل حسيت في يوم انك انسان سئ؟

حاسة إني أسوأ بني آدم في الدنيا ، الشيطان في كُل الروايات ، مع أهلي .. معاه .. حاسة بعدم استحقاقية لكُل شئ وكل الناس أحسن مني .. شعور صعب صعب بشكل لايُوصف ..لو كنت شخص كويس كانوا حبوني ..لو كُنت شخص كويس مكنش كُل دا حصل .. بس أنا محدش عاشرني وحبني ..أنا مُبهرة من بعيد بس .. كل البنات أحسن مني .. كُل

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع