استعجال

مساء الخير في مثل جه ع بالي عايزة اقوله فى مثل انجليزي بيقول "A watched pot never boils" معناه (الإناء المُراقب لا يغلي أبدا) ودا معناه ان اي حاجة انت مستنيها تحصل غالبا هتاخد وقت في ذهنك أطول من وقتها الحقيقي ويمكن متحصلش أصلا طول ما انت مستنيها وقاعد جنبها كده زي انك مستعجل على الجواز، مستعجل ع انك تحب وتتحب مستعجل تتخرج تخلص دراسة مستعجل يبقي عندك فلوس وتبقى غني وغيرو..... طول ما انت مستعجل ع الحاجة هتاخد وقت اطول عشان كدا الافضل تسيب كل حاجة تحصل في وقتها الي ربنا مقدره وتنشغل عنها و تسيبها تاخد وقتها الطبيعي لذلك يقال ان (الصبر هو فن العثور على شئ آخر تقوم به) مش مجرد انك تسيب الي وراك والي قدامك ومستنى الحاجة الي انت عايزها تحصل وتعطل نفسك عن حاجات تانية الحياة فيها حاجات كتير تشغل نفسك بيها وتفيدك لحد ما الحاجة الي انت عايزها تحصل فهمت حاجة