الشغل

صباح الفل انا عندي مشكلة نفسية محتاج من اخواتي صحاب الخبرة انهم يساعدوني لما بكون في الشغل حرفيا انا بأعد الدقائق والساعات على ما يجي معاد الانصراف...ببقى عامل زي نهار رمضان واحنا مستنيين اذان المغرب ..ولما يكون فاضل ساعتين مثلا بقول خلاص فاضل ساعة والساعة التانية هتعدي علطول ...رغم اني لما بروح مش بيكون ورايا معاد مثلاً او مشوار ، لا البيت عادي جدا. ف انا نفسي اوصل لمرحلة ان الشغل جزء من الحياة زي ما البيت جزء من الحياة واتعامل طبيعي من غير الشعور ده .. صباحكم خير

انا واخد بالي اني بتطور للأسوأ يوم بعد يوم .. وصلت لمرحلة اني مبقتش اتحمل او اطيق التعامل مع اي بشر او الكلام معاهم لاي سبب او في اي مناسبة حتي صوت الناس جمبي مبقتش استحل اسمعه .. رسايل الواتس اب اللي بتجيلي و المكالمات طبعا مبردش عليها .. و طبعا مليش صحاب .. لو حد سألني عامل ايه بصده و بقوله متسالش كتير يا اما بقوله زي الزفت .. لدرجة ان مديرتي في الشغل رديت عليها كده قالتلي هخصملك قلتلها عادي مش فارقة .. انا مش فاهم في ايه

للاسف مكنتش اعرف انها هتأثر فيها كده انا بطور من شخصيتي ومتصالحه مع نفسي جدا لكن اخدت بالي اني بحاول ارضي اللي قدامي ومضايقهوش مهما عمل وممكن يتعدي حدوده معايا في الحديث وانا بكون شايفه ان ده عادي لان اهلي كانو بيعاملوني كده واني مش عارفه حقوقي في اي حاجه فاحتي لما بنزل شغل مش بكون عارفه اللي محتجاه ده من حقي ولاحاجه زياده و كمان بعمل حاجات اكتر من شغلي ناقص اكون عامله النظافة عشان مديري يكون مبسوط مني ودي غاية لاتدرك 😂 مهما اتضايقت نفسيا من شغل مش بسيبه غير لما اكون خلاص جبت اخري من المعامله علي الرغم من مكانتي العلميه والتعليمه لكن تواضعي بيتفهم قله ثقه او انسان معندوش حدود مش بيقول علي حاجه لا عندي رهاب اجتماعي وبكره التعامل مع الناس مع اني مش بيفرق معايا شكلي قدامهم لكن انا بجبر نفسي اتعامل معاهم بكون مهزوزه لاني فارضه ظهوري علي نفسي وضع الراحه بالنسبه ليا اني متعاملش مع حد ولما بتعامل بحس اني طاقتي كلها خلصت

ازاي اتاقلم مع فكره الشغل وان الواقع مش لذيذ زي مكنت فاكره ومتخيله، مبقتش حاسه اني عايشه بعدي ايامي وبس حرفيا مش عارفه الدنيا صعبه فعلا ولا انا اللي مصعباها بس طاقتي بتنتهي وحاسه اني مبقتش قادره خلاص