العلاقات

عندي مشكلة انا انا مابعرفش اقول لحد لا حتى لو غلط فيا او جه عليا ، عمري ما زعلت حد و لا جيت عليه ، دايما بسامح ، فمحتاج نصيحة ال Almond ، فهل يشقى الانسان بلين قلبه حتى من اقرب الناس اليه اللي المفروض تسد أزره

احنا ليه شعب منسون او سيمب؟ حتى الحكومة والمحاكم ، بتحاول تحكها مع اي واحدة، ليه الحكاية دي ، شعب مكبوت ولا التربية كدا ولا ايه،، يعني شعب بيخاف ان الست تغضب عليه حتى بعض الشيوخ بيخاف ان اللي بتسأله تزعل فبيحاول يراضيها في الاجابة،،، خايف مثلا انها تغضب وتلحد ولا ايه؟؟؟ 💥💥 مع ان كدا بنربي الحريم ان كل حاجة لازم تتنفذ والدنيا تحت امرهم وبعد كدا يكتشفوا ان الدنيا مش تحت رجلهم ولا حاجة ولا انها ملكة مصرية زي ما بيقولوا

أكبر عقاب لواحد بيفهم في "لغة الجسد" و"نبرة الصوت" وبيركز في "التفاصيل"، هو إنه مابقاش عارف يستمتع بـ كدبة حلوة! إحنا بقينا بنشوف "السم" وهو محطوط في "العسل". بنبقى قاعدين سامعين "الكدبة" وعارفين إنها كدبة، وشايفين "التمثيل" وعارفين إنه تمثيل، ومضطرين نبتسم ونعدي عشان "المركب تمشي". "الذكاء الاجتماعي" ده لعنة مش ميزة، لأنه بيحرمك من "براءة" الانبهار بالناس. إنت بقيت "كاشف" الكل، والنتيجة إنك بقيت "لوحدك" أكتر من أي وقت فات. الوجع إنك بطلت تعرف "تثق". بقيت بتحلل الكلمة قبل ما تصدقها، وبتحلل الحركة قبل ما تطمن لها. بقيت عايش في "غرفة تحقيقات" مش في "مجتمع بشري". أحياناً بتبقى نفسك تكون "غبي" أو "مش واخد بالك" عشان بس تعرف تحب بصدق، أو تعرف تصاحب من غير ما تشوف "السواد" اللي مستخبي ورا الضحكة. الزتونة: اللي "بيفهم" كتير، "بيتعب" كتير.. أحياناً "العمى" عن عيوب اللي بنحبهم هو الوسيلة الوحيدة عشان نقدر نكمل معاهم.

الحياة بقت صعبه و الناس بقت اصعب حتى يوم ما بتختار حد و تميزه عن الناس بيخيب و يوم ما تحب واحدة لازم كل حاجه متبقاش واضح ولو كنت راجل دوغري و و واضح تحس ان المشكلة من عندك و انك لازم تكون مش واضح و صريح في مشاعرك و اللي بتحس بيه لازم تلعب و تلف و تدور و كأن ده بقا العادي و الموضوع مهلك و بيستنذف وقت و طاقة و مجهود و الحياة فيها من اللي يكفي من استنزاف الطاقة و المجهود و المشاكل ليه مبنقاش سلسين في التعامل مع بعض و نسهل الدنيا على بعض ليه لازم لعبه الكر و الفر دي

بحب استمع لو حد بيحب يحكي، شايف الناس بتتصرف وهي مرغوب فيها غير تمام وهي قدام شخص مش راغب فيها قليل اوي الي شوفتو بيتصرف كدا بحكمه ورزانه ويقدر الي يقدرو بس بس يعني لو كل شخص عارف قيمتو كويس مهما هيحصلو هيتغلب عليه عادي لانو مش هيفضل حاجه على نفسو هو رقم واحد

هو ليه لما نبدأ ناخد طريق التشافى والتعافى النفسى ومنسمحش بحد يستغلنا تبدأ الدنيا تصعب علينا أو كأنها بتعاقبنا إننا اخترنا نفسنا حتى لما بنشوف الناس اللى اذونا أو استغلونا بنلاقيهم مبسوطين في حياتهم ودنيتهم ماشيه سواء في علاقات شخصية أو علاقات عمل

دايما بنرسم صورة مثالية لنفسنا قدام الناس بس الحقيقة إننا كلنا فينا جانب مكسور مبيبانش غير في الضلمة. تفتكروا ليه بنخاف نبين ضعفنا للناس اللي بنحبهم؟.