المجتمع

Watermelon_89430 🇸🇦

منذ 3 أيام

شعور لا مبالٍ

مش عارف اقول اي بس حسيت اني عايز اكتب انا بقيت حاسس ان حياتي ماشيه على حسب رائي الاخرين بقيت حاسس ان كل واحد بيقول رائيه ولازم اسمع كلامه ابويا قالي خليك راجل ورائيك هوا الي يمشي بس هوا الي بيمشي ارأه عليا كل مرا أنا بحب ابويا جدا بس مش عارف هوا بيعمل دا لمصلحتي ولا عشان يبين انو فاهم

Moon_88881 🇪🇬

منذ 6 أيام

شعور محبط

الأفكار الشاذة التي كان أنفر منها في الماضي هي ذاتها التي أعتقد بأنها الخيار الصحي وإن كانت تضمن الحقوق والتوازن، مع ذلك المجتمع غير مستعد لتقبلها بعد. sssssssssssssssssssssssssssssssssssssssssssssssssssssssssssssssssssssssssssss

Moon_89228 🇪🇬

منذ أسبوع واحد

شعور مرتبك

اكتشفت اني متصنعه جدا ف الحقيقه وان الشخصيه اللي بتعامل بيها مع الناس مش شخصيتي الحقيقيه خاالص يعني بحاول ابينلهم اني شخصيه بيرفكتو مفهاش ولا غلطه، الفكره ان الناس مصدقه الشخصيه اللي انا مصدرهالهم وبفكر ازاي مخدوش بالهم اني متصنعه هل انا شاطره اوي كدا ف التمثيل؟؟ بس ربي يعلم اني عمري م اذيت حد ومش

Apple_78825 🇪🇬 لا الانسان بيخطئ مش مجبرة خالص تتصنعي ف اي حاجه

عرض الكل 1 نصيحة

Chilli_85656 🇪🇬

منذ أسبوع واحد

شعور عاطفي

"لا تشاكلوا هذا الدهر، بل تغيروا عن شكلكم بتجديد أذهانكم" العالم بيحاول بكل الطرق انه يميع شخصيتك وينزعك رجولتك (او انوثتك) الحقيقية فتبقي مجرد نسخة من باقي النسخ اللي ملهاش لا طعم ولا لون! من اسوا الحجات مثلا اللي اكتشفتها وانا بقرا في كتاب لمؤلف اسمه c. s. lewis ان الشيطان عن طريق التلفزيون (وا

Blueberry_89239 🇪🇬

منذ أسبوع واحد

شعور وحيد

انا اسمي مييز شويه و دائما بيتقالي أنه شبهيي كتير اوي بحس أن فعلاا اسمي شبهي و كتير لا و ف كل وقت حسيت في اني مش زاي اسمي كان بسبب اهلي اللي هما بنفسهم اللي اختاروا اسمي عمري ما كنت تخينه دائما جسمي مظبوط و شكلي حلو لبسي لائق ع بعض و مترتب بس هما دائما عايزني اللبس أوسع حاجه عشان شكل جسمي وحش مش عش

Apple_51778 🇸🇦 انتي قمر كدا كدا وسيبك منهم ومن اي حد يعلق اصلا انتي لنفسك وبس

عرض الكل 5 نصيحة

Banana_78913 🇩🇿

منذ أسبوع واحد

شعور خجول

سلام جيت هنا باش نهدر على بزاف صوالح اولا انا مزلت صغيرة بصح عندي بزاف تجارب في هده الدنيا تعلمت بزاف صوالح و مزلت نتعلم و حياتي مكانتش ساهلة مقبل بصح الحمد لله على كل حال المهم منيش باغيا نشكي بزاف ولا حطونا من طاقة السلبية جيت نهدر على بلي عندي بزااف خطط و أهداف و امنيات باغي نحققهم و نخدم عليهم ر

Strawberry_89094 🇪🇬

منذ أسبوع واحد

شعور محبط

حاجة محزنة قوي إن كل الناس دي محتاجة دعم حتى لو من ناس متعرفهاش وبرضه نفس الناس دي تلاقي في حياتها زحمة ناس كتير بس للأسف ملهمش أي لازمة ليه بجد ناس بتتجرد من أدوارها في حياة بعض ويبقوا شوية ديكورات لا بقينا نعرف نتكلم مع صحابنا اللي هما مفروض أقرب ناس لينا وبقينا نعمل حساب هنبص لبعض إزاي وبقينا أكت

Diamond_89061 🇪🇬

منذ أسبوع واحد

شعور وحيد

"انتي محتاجة دكتور" سمعتها كتير..طيب اشطا حد معاه رقم دكتور نفسي كويس لانهم شايفين اني مريضة..يمكن لما اتعالج يحبوني او حتى يبطلون نظرتهم دي ليا مش أكتر محاولات إدمان، كاتنج ، محاولات انتحار ، وحجات تاني مينفعش تتقال حصلت معايا ونا واجهت كل دا لوحدي بس طبيعي مش هطلع من كل دا سليمة..فيديو اللوم علي

Grape_89018 🇪🇬

منذ أسبوع واحد

شعور وحيد

عبّر عن شعورك بشكل مجهول

انا جوايا اسرار كتير اوي مخبيها عن ناس كتير حواليا للاسف انا مش واضحه ابدا عشان كدا اي حد يتعامل معايه يفكرني شايفه نفسي وانا اصلا بفضل اكون بعيدا عن الناس انا من عيله متوسطه بس عمرهم ما خلوني احس بكدا دايما يجيلي احلى لبس وأحلى الماركات ودا خلاني اتغر واشوف نفسي اوي  ومش بصاحب غير البنات اللي بنات ناس اللي عيلتهم كبيره ولما يجي شاب عايز يتقرب مني برفض الارتباط تماما لاني فاهمه انهم مفكرني غنيه وتعليم عالي وكدا والحقيقه غير ..المهم للاسف اتعرفت ع شاب وهو مبهور بيا مكنتش ناويه اخبي حاجه بس مثلا لما كان يسالني عن حاجه وانا ارد هو يفكر حاجه تانيه واو زي مثلا شغل ابوكي اي اقول فيفكر حاجه تانيه اعلى فاتحرج واسكت وهو عيلته ماشاء الله كبيره جدا وليها مكانتها ودا بيخليني اسكت لاني محبش ابان اقل من حد … فلقيته بيقولي انا بحبك وعايز اتقدملك ومحرج ترفضي ومفكر اصلا ان في فرق مستواه وان انا اللي اعلى منه كمان!!انا بجد شايفه نفسي حقيره اوي اني كدابه وهو ناوي جد وخطوبهوعمال يقولي حدديلي معاد مع اهلك  وانا اتعلقت بي جدا رايكم ابعد تماما فاجاه وخلاص بدل ما يعرف والرفض يجي من عنده لاني اصلا ف حاجات غير دي كتير مخبيها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_52708 🇪🇬

منذ أسبوع واحد

شعور غاضب

بجد أكتر ناس بكرهم هم اللي كل ما يشوفوك يسألوك نفس الأسئلة كأنهم شريط متسجل: امتى هنفرح بيك؟ امتى تشتغل في بنك؟ امتى تشتغل في شركة دولي؟ امتى تتجوز؟ امتى تخلف؟ امتى تبقى راجل؟ ولا حد فيهم وقف ثانية يفكر إن السؤال نفسه تقيل، وإن تكراره بيوجع أكتر من أي إجابة. كأن حياتك ناقصة حاجة، وكأنك متأخر عن الس

Marshmallow_87731 🇪🇬

منذ أسبوع واحد

شعور مرتبك

طب اولا كدا انا حابب اتكلم ف الموضوع دا لأن لاحظت أن في ناس كتير هنا عندها مشكله مع اللي بيحبوه إذا كان ولد او بنت بقي حد شاف فيلم هيبتا المناظرة الأخيرة ؟؟؟ انا لسه شايفه من قريب عارف أن دا فيلم بس للاسف بيحصل ف مجتمعنا حاجات زيه و كدا اها في كذا قصه بس انا عايز افهم اي اللي يخلي بنت اندر ايدج تت

Mango_80474 🇪🇬

منذ أسبوع واحد

شعور وحيد

انا مضايق عايز افهم ليه المجتمع اللي اتولدت فيه صعب للدرجه دي ليه الست واخده فيه كل الهايب دا انا مش شخص بينتقد الست خالص بل بلعكس انا من اكتر الناس اللي بتدافع عن حقوق المرأة وعارف كويس ذكوريه المجتمع اللي انا فيه انا بس مش قادر افهم ليه انا كراجل خياراتي قليله جدا مقارنه بالست في المجتمع الل

Biscuit_71393 🇪🇬

منذ أسبوع واحد

شعور شاعر بالملل

عبّر عن شعورك بشكل مجهول

بيلفت نظري أن خلاص بقي فيه معايير متعارف عليها للنجاح لازم حضرتك تطبقها علشان تكون ناجح حاجات ثابته كده نطبقها منغير اي روح علشان الناس تشاور عليك وتقول الناجح اهو في ناس بتقدر تطبقها فعلا سواء فعلا حباها أو بدون روح و فيه ناس مش بتعرف فا بتشوف نفسها فاشله والمجتمع بيشوفها فاشله بيوصلهم عدم القيمه فا بيحاولوا تاني برضه علشان يحسوا بهذه القيمة الكدابه و ده بيخلق ضغط كبير ليه بجد بننسي أننا مختلفين مش نسخ من بعض كل واحد ليه قدرات وموهبه خاصه بيه ليه بنضيع عمرنا في محاولات بائسة نحقق نجاح مش بتاعنا اصلا ليه بنقصي على نفسنا ومش بنفهما وبنحاول نعرف هي بتحب ايه وتطوره وننجح فيه عادي حتى لو نظره المجتمع لهذا النجاح مش قويه بس النتيجة انك مبسوط اظن ده هدف يستاهل اكتر انك تكون مبسوط ده اهم هدف من دنيا مؤقته وهتنهي انا عيشت التجربة ديه موهبتي محدوده في نظر الكتير موهبتي بعرف اتناقش بفهم اللي قدامي بعرف افكر بشكل منطقي واحلل المواقف نميت ده و امنت بيه وحبيته وعرفت انا عايزه ايه بعترف مكنتش حابه ده كان نفسي احقق نجاحات اهم مجتمعيا وحاولت بس قدراتي رفضت ملخصا بتمني متجلدش ذاتك وتبحث عن شغفك الحقيقي و تسعي تطوره لأننا مش نسخ احنا مميزين وكلنا حقنا نكون مبسوطين مش لازم مثلا تكون شاطر في اكتساب اللغات أو البرمجه في عصر بيدعم ده بشده عادي في العصر المتطور جدا ده عادي شغفك يكون في الطبخ مثلا وتطور ده عادي متغطش على نفسك وتكون قاسي عليها حبها و طورها زي ما هي كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_77536 🇪🇬

منذ أسبوع واحد

شعور وحيد

Avocado_57179 🇪🇬 مش لازم تبقى قليل الادب بس الفكرة انك لازم تكون عارف البنت اللى هتكمل معاك باقية حياتك وهى كمان تكون عارفاك فانت اسأل عنها ولو مناسبة ليك خد معاد من اهلها واعملوا قعدة تعارف بتكون بينك انت وهى بس ولكن بعلم الأهل وتتكلموا وتعرفوا دماغ بعض وتصلوا استخارة وتشوفوا اذا كنتوا حابين تكملوا وتتقدم رسمى ولا لأ

عرض الكل 5 نصيحة

عبّر عن شعورك بشكل مجهول

انا عايز بجد رد و حد يفهمنى دلوقتى انا واحد عمرى ما دخلت علاقة ولا ليا معارف بنات ولا صحاب بنات طول عمرى عشان حرام أولاً و تانى حاجة بحسها إستهلاك مشاعر قبل الجواز.
 لو انا عايز اخطب دلوقتى و اتجوز حاسس أنى بجد مش هعرف أعمل حاجة زى دى بالنسبالى التعارف أنى اتقدملها و نقعد نتكلم و نتعرف بمعرفة أهلها بس اتقدم دى قبل أى حاجة هو ده غلط دلوقتى؟
كل الناس عمالة ترتبط و تكلم بنات و كل الناس بتكلم على أساس الأرتباط الأول و بعديها بقى لما نرتبط و نتكلم و نخرج و كل ده من ورا الأهل و مش رسمى بعديها نبقى نشوف نتقدم بقى معظم البنات حتى بقو  يتريقو على اللى بيتقدملها و عايزين أرتباط الأول.
انا واحد مليش فى الحاجات هحس نفسى قليل فى نظر نفسى لو عملت حاجة زى دى من غير ما أهلها يعرفو.
هل بجد ليا فرصة اتجوز ولا قليل جداً عشان بجد تعبت من اللى بسمعه و بشوفه لدرجة انى اتقالى انت غريب و مش زى بقية الناس ليه و مأزم الدنيا ليه فا الكلام ده علق معايا أوى و حسيت نفسى هفضل وحيد طول عمرى بجد من اللى بيتقالى و اللى بشوفه و بسمعه أن كل الناس بيرتبطو و يقضوها هو الصح بقى غلط دلوقتى ولا ايه انا مش فاهم؟
انا بجد بقيت أشك فى نفسى هو انا مأزم الدنيا ولا أنا صح ولا ايه و هتجوز أزاى لو فضلت كده أنا الموضوع ده تاعبنى نفسيا بجد.
بالنسبالى لو أعجبت بواحدة و شوفت فيها حاجات تناسبني هروح اقولها ازيك عاملة ايه و كده أنا أعجبت بيكى و لو ينفع رقم والدك أخد معاد أجى أتعرف عليكو هو انا غلط كده؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Moon_87083 🇪🇬

منذ أسبوع واحد

شعور منزعج

عبّر عن شعورك بشكل مجهول

في هذهِ الحياةِ ومع التَّغيُّراتِ السريعةِ، وتعاقبِ الأجيالِ جيلاً بعد جيل، لاحظتُ ظواهرَ تستحقُّ الوقوفَ عندها، وسأحاولُ مناقشتَها في هذا المقال. فبعد قراءتي لجانبٍ من التاريخِ الحديثِ، وخصوصاً في وطنِنا العربيِّ وبلادِنا الإسلاميةِ، رأيتُ تغيُّراً عظيماً جَللاً يتفشَّى ويتخللُ مفاصلَ المجتمعِ دونَ وعيٍ منّا، أو رُبما بوعيٍ وأمامَ أعيُنِنا ولكننا نرقُبُه ببرودٍ عجيبٍ وثباتٍ انفعاليٍّ مريب.
إذ إنَّ الأخلاقَ والقِيَمَ والمبادئَ والمروءةَ والدينَ، وتوقيرَ الكبيرِ والرحمةَ بالصغيرِ، وإغاثةَ السائلِ ومساعدةَ الفقيرِ، وحبَّ الخيرِ للغيرِ؛ كلُّها معانٍ تَنحسرُ وتتفتتُ وتتلاشى بسرعةٍ رهيبةٍ أمامَ ضمائرِنا التي ندّعي أنها لا تزالُ حَيَّة.
ولنضرب مثالاً نراهُ كلَّ يومٍ في شوارعِنا؛ نرى الأمَّ المسلمةَ الموقرةَ المحتشمةَ تَمشي ومعها ابنتُها -فلذةُ كبدِها- بملابسَ لا تليقُ بكرامةِ الإنسانِ أصلاً، ونقولُ: "دعوها تعيشُ شبابَها!". ونرى الأبَ المحافظَ على الصلواتِ الخمسِ، ولدُه يمشي في الشوارعِ بزيٍّ لا يليقُ بمسلمٍ، مُتفلتاً من مسؤولياتِه سواءً في دراستِه أو عملِه، وأحياناً يُقامرُ عبرَ التطبيقاتِ التي تفشَّت في مجتمعِنا مؤخراً.
ونرى في المواصلاتِ العامةِ الشيخَ الكبيرَ يتوكأُ على عصاهُ وقد أهلكَهُ الشيبُ وفتك به المرضُ، بينما الشابُّ يجلسُ مُستريحاً ولا يُبدي للكبيرِ أيَّ رحمةٍ أو توقير. ونرى التجارَ يحلفون الأيمانَ المُغلَّظةَ كذباً وزوراً كي يجنوا مالاً أكثر.
وإن طفقنا نضربُ الأمثالَ فيما يحدثُ فلن ننتهي، ولعلَّ أكثرَ الأسئلةِ التي تُحيرُ بالي وتَشغلُه: هل سنبقى في هذا التغيرِ المشؤوم؟ وإلى متى؟ هل سنظلُّ نهوي حتى نصلَ إلى القاع؟ أم أننا وصلنا ولا زلنا نَنحدرُ إلى ما لا نهاية؟ مجردُ التفكيرِ في هذا الأمرِ بجديةٍ شيءٌ مُرعِب.
لنطرح هذه الأسئلةَ على أنفسِنا لعلنا نجدُ إجابةً ونحاولُ تطبيقَها، لأن هذا الحالَ إن استمرَّ فسنصيرُ في مؤخرةِ الأممِ، ونغدو أمةً خابت وخسرت إن لم نَعُد إلى مبادئِنا ونتمسكْ بقِيَمِنا ونُحكِّمْ دينَنا، ويُطبقهُ كلُّ فردٍ على نفسِه أولاً.. وأخيراً أقولُ لنفسي ولكم: إلى متى..؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع