انتقام

من كام يوم نزلت اني عاوزه انتحر وكدا البوست موجود فمش هعيد الكلام هنا تاني المهم ، انا كنت بكتب البوست وانا حاسه بوجع في قلبي هيموتني من الزعل وكنت بكتب وانا حاسه ان قلبي بيتغرز فيه سكاكين لاقيت ناس في التعليقات اللي يقول روحي محدش عايزك واللي يقول بطلي هبل واني مش مهمه وكدا ومحدش هيهتم وهينسوني حقيقي من كل قلبي بقلكم الله ينتقم منكم انا مش مصدقه أن انتم بشر زينا وعايشين في وسطنا انتو ازاي كدا ازاي في حد بجح ومش بيراعي مشاعر الناس بالشكل ده ايه السواد وانعدام الرحمه ده حسبي الله ونعم الوكيل

المثل بيقول اعتزل ما يؤذيك بس اعمل اي لما ما يؤذيني قدامي أغلبية الوقت للأسف كنت ساذجه وعبيطه فإيدي انتقم وافضح بس كمان مش عايزه اكون طرف فحاجه مقززه ذي كدا والحمد لله اني حياتي مش بتقف علي اي حاجه أياً كانت معزتها فقلبي اقدر اقول اني مليش عزيز اقدر اخسر اي حاجه فاي وقت يمكن استفقدها شوية لكن ماتأثرش عليا وعلي حياتي

انا بقيت شخص بائس بهرب من مشاكلي بالهزار والضحك اي حد يشوفني يفتكر اني كويس ومتصالح مع وضعي بس الحقيقة غير كده جوايا غل ونار انتقام نقسها تأذي الناس اللي اذتني فحياتي بقي بجيلي افكار اني بنتقم من الناس دي وببقي مبسووط من جوايا بكده وببقي نفسي يبقي حقيقي

جماعه انا معايا رقم امه بفكر ابعتلها او ارن عليها المشكله انه مش عارف ان رقم امه معايا اصلا😭😭 بس مش عارفه هل ابعتلها او ارن عليها والا اعمل ولو عملت اقولها اي المهم اني اقهره بجد هو اصلا مظنش هيعرف انه انا

في ولد دخل كلمني كنت فاكراه محترم و طلع بتاع بنات و بيكلم بنات من هنا كتير و بيسيبهم مرة واحدة و بيبقى. عايز منهم حاجات وحشة و بيعمل أنه ابن ناس و أنه متربي و كدة لكن ف الحقيقة هو سافل و اكتشفت بدون مبالغة أنه بيكلم بنات كتير اوي سواء هنا او برة .. انا بس عايزة اعرف كلم مين هنا تاني ياريت يعرفني بس عشان أنا مش هعديها بالساهل انا معايا حاجته و صورته.

كل مؤذي سيؤذى إنها الأيام كل ساقي سيسقى بما سقى و لا يظلم ربك أحداً .. الدنيا ستدور؛ و المشاهد ستعاد والأدوار ستتبدل .. من قهر سيُقهر ومن ضر سيضر ومن ظلم سيظلم، ومن عاب ابتلى فإن الله يمهل ولا يهمل .. يوماً ما ستفهم أن الدنيا تدور ثم تعود وتقف عندك لتفعل بك ما فعلته بغيرك .. كما تدين تدان .. " وتلك الأيام نداولها بين الناس "العداله الربانيه"

لو كرهت فئه كامله بسبب العنصريه الشوفتها منهم طبعا مش الفئه كلها اتعنصرت اكيد بس تقرييا البشوفه من عنصريه كل يوم كفيل يخليني اكرهم كلهم هل ده يديني الحق لو شوفت حد منهخ محتاج اي حاجه مساعدوش واشيل جوايا كره وانتظار اي لحظه للانتقام ولا ده ميدنيش الحق ياريت الاجابه تبقي علي السؤال بس مش عايز حد يقعد يفكر ف الفئه اللي بكرها لانها فئه مش هتيجي ف دماغ حد

هو ممكن اكون فعلا محتاج اتعالج !!! مش عارف اتخطي علاقة انتهت من ٩ سنين ليه ؟ علاقة انتهت من ٩ سنين وانا لسه عايش فيها علي امل اني اكملها علاقة من ساعة ما انتهت وانا دخلت في مليون علاقة تانيه مليون علاقة دخلت فيها عشان انتقم مليون علاقة ادخل فيها وانا الطرف المؤذي كل علاقة تنتهي وانا الشخص المؤذي فيها وبعد كل التجارب دي انا لسه متخطتش بعد كل الشخصيات اللي جيت عليها انا لسه متخطتش انا لسه بفكر في علاقة خلصت من عمر يقارب لعمر انسان عاقل مع نهايه كل علاقة كانت بتبقي في جملة مشتركة انت لازم تتعالج هل لو كنت اتعالجت من ٩ سنين كنت هبقي مختلف ؟