بناء حياة

علي ما أظُن إن مفيش مانع بلقليل من الحزن في مقابل إنك تاخد قرار صح تبني عليه حياتك، أحيانًا بتبقي القرارات القاسية هي السبيل الوحيد إنك تعيش واقع أفضل وحقيقي، ويا عزيزي الوقت بيعالج كل شيء أو بيهدم كل شيء، حتى الذكريات الجميلة و أنبل العواطف بتتطفي بشكل ما وبيحل محلها نوع من الحكمة اللي بتخلي كل شيء يهدا ❤️‍🩹

مشكلتنا اننا اتعودنا ان النهاية لازم تراضينا لازم الخير ينتصر قدام عينينا واللي ظلمنا ييجي مكسور يمكن مشلول يمكن ندمان ويقعد يترجانا نسامحه واحنا نقف نفكر نسامح ولا نخليه يدوق شوية من اللي دوقناه ونعذبه كده بس الحياة مش مسلسل مفيش مشهد اخير هيتعاد عشان يجيب لنا حقنا بالشكل اللي متخيلينه مفيش حد هييجي يترجانا واوقات كتير مفيش حد هيحس اصلا انه ظلمنا الحقيقة الصعبة ان النهاية احنا اللي بنكتبها يا اما نقعد مستنيين عدل درامي يمكن ما يجيش ونفضل نحكي لنفسنا اننا اتظلمنا وان حقنا اكيد في يوم هييجي واحنا قاعدين مكانا يا اما نقوم حتى لو موجوعين نحاول نعوض نفسنا بايدينا نجيب لنفسنا حاجة تفرحنا حتى لو صغيره نبني حياة تخلي احساس الخسارة ميخلناش نخسر كل حاجه حرفيا عارفه أنه احساس حلو يجلنا مشلول كده بعد ما وجعنا بس على ما يتشل نعمل اي حاجه تخلينا نحس اننا عندنا حياة بجد