تجارب شخصية

في الحياة الشخصية لاي حد بيمر بشوية تقلبات عقبال ما ينضج الحاجة اللي المفروض نتعلمها وانا اتعلمها قبلكم هي تقبل الرفض مفيش حد بيحب يترفض اكيد بس انا عايز اسمعكم بقي كل واحد يحكيلي هو اتعرض للرفض ازاي وايه اللي اتغير فيه بعد الرفض

- بتتعاملوا ازاى مع ألم الفقد ؟؟؟ كان نفسك فى حاجةةة اوى وقلبك متعلق بيها.. رغم إنك عارف إن قدر ربنا هو أفضل خير ليك.. ازاى تتجاوز وتهوّن على قلبك احتياجاته ؟ "مش عايز نصايح انا عايز تجارب شخصية حياتية"

الواحد بقاله فترة بيفكر في حاجة بسيطة بس فرقت معايا جداً.. مفيش حاجة اسمها "منظور واحد صح" للحياة ومفيش حد دايماً صح والناس كلها غلط ​إحنا طول الوقت فاكرين إن الطريقة اللي بنشوف بيها الأمور هي دي الحقيقة والمنطق الوحيد بس الواقع إن كل واحد فينا لابس نضارة مختلفة اتكونت من تربيته وتجاربه والحاجات اللي وجعته أو فرحته زمان فبقينا بنشوف واقع مختلف تماماً عن بعض ​يعني ممكن اتنين يدخلوا نفس المكان واحد يشوف الكركبة ويتوتر عشان بيحب النظام والتاني مياخدش باله أصلاً ويركز في مشاعر الناس اللي قاعدة.. مفيش حد فيهم غلطان بس كل واحد أولوياته مختلفة ​إحنا مابنشوفش الحاجات زي ما هي إحنا بنشوفها "زي ما إحنا" وعشان كدة لما بتفهم ده بتبطل تضيع طاقتك في إنك "تصلح" الناس وتطلعهم غلطانين وبتبدأ فعلاً تحاول تفهمهم ​تفتكر إيه أكتر موقف عديت بيه مؤخراً حسيت فيه إن "نضارتك" للأمور كانت مختلفة تماماً عن اللي قدامك؟

بقيت حاسه إني مهما توسعت في الشرح والتوضيح، هيفضل الإنسان يفهم مضمون الكلام تبعًا لتجاربه الشخصية، وعقده النفسية، وبناءًا علي ثقافته وظروفه الاجتماعية، ومشاعره الخاصة، ورغباته ونزواته ومصالحه الشخصيّة ف بحاول أوفر علي نفسي الجهود المبذول الغير مطلوب مؤخرا بصراحة 🫠🦆

حد مر بنفس الموضوع ده ، انا بيجي عليا وقت و بلاقي نفسي بحس بالحاجات اللي بتحصل بدأت معايا لما حسيت أن ابويا هيتوفى قبلها بأسبوع مع انه كان بكامل صحته سبحان الله ، و بعرف حاجات محدش حكاها يعني قفشت واحده بتشتغل عند ابن عمتي و مخبية الحاجات اللي سرقتها في اوضه مليانه كراتين مره واحده معرفش حاجه جات في دماغي أقلب جمب معين من الكراتين دي و انا قاصد اقلبها عشان ألاقي حاجه هي سرقاها ، و مره ابن خالتي صاحبه نصب عليه في فلوس تليفون هو كان واثق فيه جدا و انا قولتله الواد ده نصاب و مش هيجيب حاجه معرفش ليه بردوا و حاجات من دي كتير ، بس حاليا ده اختفى عني الاحساس ده مش فاضل منه غير اني لما يقابل اي حد بقدر احكم عليه من عيونه و أحلل شخصيته بسرعه و بس