تجاوز

مش كل حاجة بتتقال تستاهل رد ومش كل موقف يستاهل معركة أنا اتعلمت أهدى وأفكر قبل ما أتكلم وأسيب الوقت يوضح الصورة لوحده اللي بينا كان مرحلة وعدت كان فيها حاجات حلوة وحاجات صعبة بس في النهاية انتهت مش محتاج أبرر نفسي ولا أفتح كلام تاني ولا أرجع لنقطة خلاص خرجت منها في ناس مع الوقت بتبان حقيقتها مش بالكلام لكن بالتصرفات وبالاختيارات وبالسكوت كمان وأنا اخترت أبعد عن أي حاجة ترجعني لنفسي القديمة اللي حصل انتهى واللي جاي أهم بكتير من إني أعيش في اللي فات

سؤال موجود في دماغي بقاله فترة... إزاي الواحد يتعامل مع إحساس إنه كان محتاج أمان واهتمام واحتواء في مرحلة معينة من حياته وملاقاهوش؟ مش قصدي اهتمام عادي، قصدي الإحساس إن في حد مطمنك، سامعك، وموجود جنبك وحاسس بأمان وقت ما تكون محتاج ده فعلًا. وإزاي منخليش النقص ده يفضل مأثر علينا بعد سنين؟ لأن ساعات بحس إن الإنسان ممكن يكبر، وتتغير حياته، لكن جزء جواه يفضل مستني الحاجة اللي فاتته زمان وكأن الوقت موقفش عند اللحظة دي. وهل فعلًا الحاجات دي بتتعوض بعدين؟ ولا في بعض الاحتياجات لما بتتفوت في وقتها بتسيب فراغ بيفضل موجود جوانا حتى لو حاولنا نملاه بحاجات تانية؟ بجد حابة أعرف الناس بتتعامل مع الموضوع ده إزاي، وهل حد حس إنه قدر يتجاوز الإحساس ده فعلًا؟

- بتتعاملوا ازاى مع ألم الفقد ؟؟؟ كان نفسك فى حاجةةة اوى وقلبك متعلق بيها.. رغم إنك عارف إن قدر ربنا هو أفضل خير ليك.. ازاى تتجاوز وتهوّن على قلبك احتياجاته ؟ "مش عايز نصايح انا عايز تجارب شخصية حياتية"

هو سؤال ازاي اتخطاها بعد ما كانت كل حاجة ليا ازاي بقالي اربع سنين مش عارف انسي ولا حتي تفاصيلها او ضحكنا مع بعض يعني لو حد عرف يتخطي المرحلة دي ياريت يساعدني هيا دلوقت اتجوزت وبدعلها انها تكون سعيده بس عايز انسي تعبت من التفكير فيها

في مره كنت مرتبط بواحده جدا و كان في كلام بيني و بين ماماتها يوميا انا و هي و ماماتها بس في مواقف مش قادر انساها زي انها شافت حد معدي دابت و قعدت تتمتم ب الكلام و مش قادر اتخطي الموقف نهائي سبنا بعض و اكتشفت انه بتلبس لبس مش كويس اطلاقا و اتقالي من كذا حد دي كذا و كذا و انت ما تعرفش بغض النظر هي كده او لا بس ازاي بتتخطوا المواقف دي عموما

النهارده كلمتني البنت اللي حبتها من عشر سنين وهيا دلوقت لم تعد تعني لي شيء وبعد السلام قطعت الكلام ورفضت اتسامر معاها ودا كان طلبها اننا نتكلم فرنت مره واتنين وعشره واكنسل وارد اهزقها وهكذا المهم انا بكتب البوست دا عشان اقولكوا قد ايه انا فخور بنفسي مع العلم انها دلوقت اصلا ست متجوزه

من المواقف اللي عمري ما تخطيتها ولا عارف اتخطاهي و عمري ما حكيتها لحد لانها مسببة ليا اذي كبير اوي من زمان انا حاليا ٢٥ سنة و الموقف دا حصلي و انا عندي ١٦ سنة كان عندي صحاب و اتفقت معاهم يوم العيد نخرج كلنا سوا في مكان ما نزلت من البيت رحت للمكان دا و لما رحت هناك ملقيتهمش كلمت واحد فيهم بسأله انتو فين قالي بالحرف بصراحة محدش حابب انك تقعد معانا رحت مروح تاني عالبيت مكسور معرفش العيب كان فشخصيتي ولا فين ساعتها بس من وقتها و انا مش عارف اتخطي ولا ناسي منظري و انا واقف مبسوط عشان هقابلهم و اكتشفت انهم كانو صحابي بس انا مش صاحبهم 🙃

ليه مش قادرة اتخطى حبى ليه رغم معاملته الجافه وبعده تماما الطبيعى دى اشاره منه انى ابعد ليه بلتمسله العذر ومش قادره ابعد عنه ٤ شهور عدوا وانا لسه قلبى بيوجعنى كل مايبعت يسال برد عادى بس جوايا وجع مايتوصفش الشخص اللى انا كنت كل حياتى خرجنى منها بيعاملنى كغريبه .

كل الناس بتواجه مشاكل ف حياتها اختلاف مع الاهل أو مشاكل ف الشغل أو الشارع أو مواقف تزعل الناس من بعض و حاجات كتير بس مش حلها أننا نهرب منها أو ناخد جمب أو نفضل نشتكي حلها أننا نقرر نخلص المشاكل اول ب اول نواجه و نعدي و ننسي الوحش و نفتكر الحلو و فعلا الدنيا هتمشي🤍🤍

غلطتي ؟! كل الناس بتغلط أذنبتي ؟! ربنا بيسامح قصرتي ؟! دايما فيه فرصه تانيه حطيتي طاقتك في مكان غلط ؟! فداكي ، المهم انك حاولتي لاخر نفس اختارتي غلط ؟! بتحصل ، المهم انك تعلمتي وعرفتي قيمه نفسك جزء منك مش راضي يسامحك وعارفه ان في حاجه مش هتتصلح ؟! اتوجعي واندمي علشان متكرريش الغلط خلاص اللي حصل حصل ولازم اتحمل مسؤوليه غلطي بس بردو مش هقسي علي نفسي ، هبطل افكر وأسأل نفسي واشغل بالي بكل تفصيله صفحه واتقفلت ومكانتش خير ربنا وربنا أنقذنا منها ، خلصنا ونقطه ومن اول السطر

بمر بشعور غير مريح إطلاقاً ومخنوق على غير العادة. الإحساس ده تقيل ومش شبهي ومخليني مش على بعضي.. لو حد مر بـ (الخنقة المفاجئة) دي قبل كده إيه اللي ساعدكم تتجاوزوها وتفكوا الضيقة دي؟ محتاج نصيحة أو مجرد كلمة طيبة تهون..

انا مشكلتي معنديش صحاب وعيلتي علاقتي بيهم مش احسن حاجه وبعدين اتعرفت ع بنت كانت معايه ف الشغل وحبينه بعض سنتين كاملين وهي اتجوزت من اسبوع وكانت اقرب حد ليا والوحيده الي فهماني عايز حل اي الي ممكن اعمله عشان اتخطي

ممكن حد يعرفنا الزاي نتجاوز ال مشاكل ال بنمر بيها وقت الكلام / هنا 🙃🙃🙃 الموضع مستفز اوي حد عنده طريقه عشان ال بل اوك ال كل شويه يوقف الكلام دا ؟؟ انا من انت انا من انت انا من انت انا من انت انا من انت انا من انت

أكتر حاجة هتساعدك في إنك تتخطى مرحلة معينة في حياتك هي إنك تفكر نفسك إن ربنا عايز كده وده الخير ليك، وأكيد له الحكمة في أنه يخليك تمر بالظروف دي، وإنه سبحانه وتعالى "لا يُكلّف نفسًا إلا وسعها"♥️ ﴿ لا يُكلِّف اللهُ نفسًا إِلاَّ وُسعها ﴾ لن يضع في طريقك عقبات لن تستطيع تجاوزها، لن يبتليك بشيء يُفقِدك صوابك، لن يجعل أقدارك أصعب من أن تتحمَّلها، امتحان الله دائمًا ما يكون على قدر صبرنا، ولن يُكلِّفنا برحمته ولطفه ما لا نطيق، أو ما لا نستطيع تجاوزه