تحصيلي

السلام عليكم انا طالبه ثانويه باخر سنه والترخرج بعد شهرين بالضبط وعندنا بالسعوديه عشان اقدر اقدم على جامعه لازم اختبر اختبارين مهمين جدا واختبر اختبار لغه انقليزيه عشان انقبل بجامعه حلوه والتخصص الى ابيه مشكلتي اني ما جبت معدل حلو بالاختبار الاول الى هو قدرات والثاني باقي شهر بس واختبره ولا اعرف كم بتكون درجتي فيه وبحاول ادرس له كويس وخايفه جدا ابي اعيد الاختبار الاول بس مافي عندي وقت ابدا لأي شي ومضغوطه جدا المشكله ان تقديم الجامعات بعد التخرج او الاختبارات النهائيه بيومين بس وانا ما اقدر اقدم لان ما عندي مؤهلات القبول وافكر اني أاجل السنه ذي واقعد سنه بالبيت اذاكر للاختبارين واجيب درجه كويسه والى مطمني اني انا اصلا متقدمه على دفعتي واصغر منهم بسنه يعني حتى لو قعدت السنه ذي بالبيت بقدر ادخل الجامعه وعمري ١٨ عادي ومحتاره جدا كل الى حولي ما وافقوني الراي ولا احد فاهمني او عارف يساعدني بحكم فرق العمر بيني وبينهم ما علمت احد من صديقاتي بالموضوع بس اهلي وكلهم ما وافقوني وشافوا انها فكره سيئه بس انا اشوف انها الحل الافضل لي لان حتى لو قدمت على جامعه ماعندي اي مؤهلات ونسبه القبول بتكون ضعيفه الى حد ما ابي الحل ساعدوني ارجوكم