السلام عليكم انا محتاج نصيحه منكم وتبردو قلبي. مبدئيا انا عارف ان بعض الكلام هيكون غلط وانا معترف وعشان كدا جيت هنا عشان تساعدوني اتحكم في نفسي شوية.
انا دلوقتي 20 سنه الحمدلله ربنا يديمها مكلمتش ولا بنت في الواقع خالص بس كلمت كتير في السوشيال ميديا وكل ده كان بغرض يكون شخص حقيقي في حياتي اكون معاه علي طبيعتي... بصو ياجماعه انا عندي فراغ مش طبيعي والله العظيم ابويا مغترب وعندي اخت بس اقسم بالله عدمها احسن من وجودها ووالدتي كبيرة رغم اني صغير ودايما في سوء تفاهم وبنتخانق فباما يحاول امسك نفسي وانا كمان مغترب عشان الجامعه فنجد انا تعبان ومحبط نفسيا وجبت اخري نفسي اشوف نفسي فالجنس الاخر ابوس ايديكم متفهمونيش غلط عايز اشوف نفسي هل انا انفع زوج صالح سند اعرف عيوبي اي حاجه من اللي محسنتهاش فالبيت وبدور عليها برا.
حاليا في بنت حصل موقف صغير خالص اللهم عايز اكلمها معايا فالجامعه انا عارف من جوايا انها مش هتكون زوجه اصلا ليا فالآخر بس عايز اكلمها كصحاب بس مش اكتر بس انا مش هعمل كدا وافضل زي مانا فالله عليكم ازاي املي فراغي لاني بجد تعبت ومش قادر يارب تكونو فهمتوني صح.
