تخفيف هموم

Apple_22069 🇪🇬

منذ 3 أشهر

شعور خجول

Olive_76077 🇪🇬 👏 برافو

عرض الكل 4 نصيحة

عبّر عن شعورك بشكل مجهول

كلاكيت تاني مرة عشان امبارح كتبت الكلام ده متأخر قبل ما اتكلم عارفة انه طويل بس والله مهم للي عايز يفرغ همومه بطريقه فعاله دي تجربتي الشخصية
رغم اني وعدت نفسي مجيش هنا تاني بس حاسة اني عايزة اقول اللي هقوله يمكن حد هنا يستفيد ويدعيلي بظهر الغيب اولا واللي لازم يتعرف انا عيلتي مفيهاش ثقافة الدكتور النفسي بالنسبالهم دا يعتبر جنون دي كانت معلومة مهمة المهم بقي انا قرأت عن حاجة اسمها التفريغ اللاواعي او الكتابه العفوية زي ما بيقولوا وبعد قراءة وفيديوهات كانت بتيجي قدامي صدفة عن الموضوع  ده لفترة قررت انهاردة ابدأ فيه انا كنت مرعوبة حرفيا لاني مش عارفة ايه اللي هيحصل ايه الانفعالات اللي هحس بيها وكمان لاني مضغوطة من فترة كبيرة اوي اوي اوي بجد وبقالي فترة كبيرة بعيط بشكل متقطع عشان محدش يشوفني وكتير حقيقي وبقيت بنام كتير بسبب كدة المهم لما قعدت مسكت قلم واجندة كدة من بتاعه زمان دي اللي كانوا اهالينا بيكتبوا فيها ما علينا وقعدت عملت تمارين تنفس قالي علبهم شات جي بي تي لما قولتله اني عايزة حل للبانك أتاك اللي بيجيلي وبالفعل بعد التمارين زبطت منبه لمدة ١٠ دقايق بس وبدأت اكتب انا مكنتش عارفة هبدأ ازاي في الاول لكن لقيت القلم بدأ عقلي يوجهه وبدأت اكتب كتبت صفحة ونص والعشر دقايق خلصوا انا اللي خلاني عرفت انها كانت كتابه لاواعية بجد اني انفعلت واتعصبت وانا بكتب ودا انعكس علي خطي لانه كبر اوي وكأن غضبي بأن في الورق بحجم الخط الكبير ده وكمان لاني حطيت دواير علي بعض الجمل والكلمات بدون تخطيط مسبق اني اكتبهم او احط دواير عليهم اصلا انا مكنتش مخططة هكتب عن ايه اساسا وبس بعد ما خلصت حسيت بأرتخاء في جسمي وكأن طاقتي نفدت تماما ونمت بعدها نص ساعة بدون حركة وكأني كنت في مجهود بدني عنيف بس لما صحيت حرفيا اللهم بارك اليوم كله بهزر وبضحك وبغني عكس قبل الكتابة نا كنت بعيط بحرقة ومش عارفة ايه السبب اسفة اني طولت عليكوا بس كان لازم اقول ده لعل حد يستفيد من اول تجربة وان شاء الله مش هتكون الأخيرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_58010 🇪🇬

منذ 5 أشهر

شعور ممتن

موضوع:

امتى حسيت إنك كنت محتاج حد يسمعك وملاقيتش؟

أنا موجود لو حد عنده مشكلة بجد وحابب يتكلم فيها يمكن لما نحاول نحل مشكلة الغير نحس بفرق او نحس ان مشكلنا ولا حاجه بالمقارنة بمشاكل الغير. . . وده تقريباً اللى بعمله لما يكون عندى مشكلة 😊 ساعد غيرك

Ice Cream_68630 🇪🇬 انا نفسي حد يطمني ويقولي كل حاجة هتبقي تمام وحياتي هتتغير

عرض الكل 17 نصيحة

Sugar_89824 🇪🇬

مخنوقة ومضايقة ومش عارفة أتكلم لحد

جماعه انا عندي مشكله اني بيجي عليا وقت بكون مخنوقه ومضايقه اوي بس معرفش من ايه. ومش بحب احكي لحد حاجه خالص وحاسه ان فكره الapp دي غلط وحرام معرفش ليه بردو بس لما باجي اقول مشكله واتكلم هنا بعدها بتخنق اكتر وبضايق اوي اني حكيت وفي نفس الوقت لما بكتم جوايا اي حاجه ببقي عايزه افضفض لاي حد وبعد ما افضفض بندم وانا أصلا متعوده طول عمري مش بحكي اي حاجه لحد وبكتم جوايا معرفش حد فاهمني ولا ايه ...عرض المزيد

1 الدعم

27 نصيحة

Apple_89884 🇪🇬

طلقت من رجل سئ الطباع ومش سايبني في حالي

أنا اتجوزت اول السنه دي واطلقت بعد جوازى بحوالي ٧ شهور بالظبط طليقي رجل مش محترم جدا هوه في المظهر شيك ومؤدب ولكن في الباطن سئ الطباع لدرجه مستحيله وأخلاقه في البيت اكتشفت أنها لاتمت للرجوله بشئ وحاليا بعد طلاقي منو مش سايبني كل مكان اروح فيه يظهرلي ويتخانق اروح النادي مثلا ألاقيه اروح مكان ألاقيه اكتشفت انو منزل لي برنامج في الموبيل بتاعي غيرت موبايلي وغيرت نمرتي أتجنن علي الآخر أنا في بيت والدى وأنا بحمد ربنا إننا جوه كومباند وفيه امن ومانعين أي حد يدخل لينا علشان كده مش عارف يدخل لينا زهقت منو ومبقتش عارفه أتصرف ازاي أنا أطلقت منه بصعوبه وزهقت وعملت محضر عدم تعرض وللأسف أنا لوحدى ماعنديش غير أخت واحده مهاجره في كندا والدي كبير جدا في السن ربنا يطول في عمرو يارب والدتي متوفيه بجد نصيحه مني اوعو تتغرو بالشكل ولا بالمظهر أنا الحمدلله مش محتاجه منه اي فلوس ولا محتاجه منو أي حاجه أنا طلقتو وسبت كل دهبي وكل حاجه وكل حاجه والدي جابها ليا بحوالي اكتر. من ٢ مليون جنيه ومفرفش عندى أي حاجه غير إني اهرب من الجحيم اللي كنت فيه نصيحه ادرسي اللي بيتقدم ليكي مره واتنين وتلاته وأربعه وخمسه ...عرض المزيد

5 الدعم

23 نصيحة

Guava_70060 🇪🇬

خطيبي قالى مش انثى كفاية.. وجرحنى فى موضوع العرق والريحة

عايزه افضفض معاكم شويه أنا كان دايما كل صحابي يشتكو من موضوع العرق والريحه وانا اقول الحمدلله أنا مش بيطلعلي ريحه وحشه اعتقد طبيعه جسم عادي ف كانت النقطه دي عندي ميزه اللي هو استحمي وابقي كده فله عمرها ما كانت بتشغل بالي وبره البيت أنا مستحرمه احط برفيومز رغم ان عندي كتير ولما بحط مثلا مناسبه او كده الاقي اختي بتزعقلي وتفكرني بحديث النبي صلي الله عليه وسلم وكنت مبسوطه بنفسي كده وشيفاني قمر لحد ما اتخطبت وفضل فتره شايفني قمر برده بلبس لبس نضيف او جديد كمان واحط ميكب رقيق وشكلي كيوت بعد شويه حصل موقف جرحني اوي (قالي بعد الخروجه أنا عايزك انثي زي البنات بتلبس اكسيسوري بتهتم بريحتها الكلمه جرحتني اوي قلتله ليه أنا ريحتي وحشه يعني قالي مقولتش كده بس تهتمي قلت البرفانات حرام علفكره قالي ومزيل العرق حرام النضافه من الإيمان علفكره وكأنه بدل ما أنا اقلب الترابيزه قلبها هو أنا ساعتها سكت ومقدرتش اتكلم واتجرحت جامد فضلت اشم ف هدومي مش لاقيه ريحه عرق مش لقياني عرقت أصلا وقعدت اعيط 😭)ومن يومها بقيت بغرق نفسي ميستات وهو بدأ يقولي جميل بس برده فضلت الخلافات وفضل يكسر فيا من غير ما احس ع سناني ع جسمي ع لبسي ع كلامي ع طريقتي بس كله بيصب ع اني مش انثي ولما اقوله مانت عارفني وشايفني من الاول يقولي مكنتش مركز ولما اسمع كلامه وأتحسن يحبني شويه ويرجع تاني وهكذا المهم انفصلنا وانا دلوقتي شايفه نفسي مش انثي وانه هو اللي علمني احط ميستات واني ازاي مكنتش كده واني كده مكنتش بنت اني مش بحط ميستات وهكذا بقيت لما احط هير ميست مثلا ف بيت اقول اه اتعلمتي دلوقتي تبقي انثي وكلام سلبي ليا اوي ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع