تشويش

حاسه ان الموضوع زاد وبقى في وضع غريب انا من زمان وانا عندي موضوع اني اكلم نفسي ( انا مش مجنونه والله انا عادي )الموضوع عادي جدا بالنسبه لناس كتير وبالنسبالي شئ عادي جدا بل بشوفه انه نوع من التنفيس عن المشاعر والضغوط اللي بنواجهها وفي الغالب الموضوع ده بيحصل بيني وبين نفسي او بصوت عالي بس لما ميكونش حد موجود او لما اكون لوحدي بس الفتره الأخيره لاحظت اني بقيت بكلم نفسي بصوت وبيبقى في ناس حواليا معرفش ايه اللي بيحصل بس مش ببقي مدركه او واخده بالي ان الناس موجوده او دماغي بيعمل تشويش وانسى ان في ناس حواليا واتكلم ( واوقات بهزر مع نفسي واضحك كمان ) واتحط في موقف محرج لما حد ياخد باله انا مش عارفه هل الموضوع كده طبيعي ولا ايه واعمل ايه عشان ميتكررش تاني

شكراً لكل الي صبروني بس عايز أخد رأيكم ف حاجة بس. يوم الاربع الي فات كنت ف الشغل ومن في عميل سئيل شوية كانت طالباته مبالغ فيها ودايما كان بيخليني اشيل الشغل كله واعيد من الأول فضلنا كدا كتير، بس فجأة حسيت بتشويش جامد اوي وصوت عالي مخليني مش سامع حاجة رغم إن كان العميل معلي صوته وحسيت إن جسمي خدلان وعملت حاجات أنا مش قادر اتحكم فيها أنا شايف الي بيحصل بس حاسس إني ف حلم وضربت العميل وحصلت مشكلة كبيرة المدير صفالي حسابي واتطردت وحالياً قاعد منغير شغل ومش عارف ايه الي حصلي ساعتها