تصوير

جماعه عايزه اخد رايكم في حاجه ليا واحده صحبتي انا و هيا كنا صحاب اوي يعني بس انا مش برتاحلها كدا المشكله ي جماعه بقا بقالها فتره بلاقيها بتصورني صور غريبه و القيها واخد صوري اسكرين من استوري و بفتح الموبايل بتاعها بصدفه لقيت صور ليا كتير و كل شويه تصورني لوحدي و كدا يعني مش مثلا انا و هيا سوا لا و بجد ببقا وقفه بلف القيها وقفه بتصورني انا مبقتش مطمنه و خايفه تكون بتبعت الصور دي لواحد مثلا او بتكلم حد علي اساس اني انا و كمان بقالها فتره بتزن عايزه تيجلي بيت وانا مش بحب ادخل حد بيتي خصوصا و شكه فيه يعني فا انا مش فاهمه حاجه بجد و مش عارفه اعمل اي و كمان فكره اني ابعد عنها كدا فجاه من غير مبرار مش هينفع و كمان هيا بتبقا موجوده علطول في مكان الي ببقا فيه

بحس اني غريبه او الي حوليا بيحسيسوني كده مش عندي تيك توك لان بحس هياخد من وقتي اكتر فكفايه الانستا بس بحس اني فاقده لترندات كتير و بعيده عن العالم مش بتصور خالص واخري مع صحابي يعني لما اخرج مش لازم اتصور اعتقد مفيش صوره ليا لواحدي بس حاسه ان دا بسبب اني في فتره مكنش عندي ثقه في نفسي او اني مليش خلق اتصور وبكره الخروجات الي كلها عباره عن صور للاوت فيت عشان ينزل استوري مش بحط استوريهات خالص سواء لصوري او اي استوري حتى قراءن بحس ان مش لازم يعني مش بعمل ريبوستات على حاجه خالص و عدد followers قليل جدا مش عارفه دا صح ولا دا ناتج عن مشكلة فيا بس بحاول اغيره لو غلط يعني مكنتش بهتم بشكلي اوي ولا مظهري بس مؤخرا بقيت بهتم بشكلي و لبسي وابص على نفسي قبل ما اخرج غيرت دا لما عرفت انه غلط ومينفعش ابقى مهمله في مظهري الخارجي بس بحاول موصلش لمرحله الهوس و اني احط ميكب و البس accessories كتير كل الحاجات دي بحس مليش خلق اعملها فببعد عنها

عندي واحده صاحبتي من زمان انا بحبها بس كنا مع بعض قبل كده خارجين وشدينا علي اني مش عارفه اصورها وهي صورتني حلو وهي عارفه اني بجد مبعرفش اصور ومس بركز يعني انا شخصيا لما بيكون فيه اي حاجه هي اللي بتظبطلي نفسي او شكلي وانا لسا كنت بتعالج من السوشيال انكزايتي اليوم ده فضلت تقولي اني مش عايزه اخليها حلوه او اصورها حلو وهي بتحاول تخليني حلوه وانا فعلا ولله ما بركز ولا ببقا قصدي وحاسه بالذنب بجد حاولت افهمها بس مقتنعتش مفروض اتصرف ازاي؟

موضوع التصوير دا بقا عبثى لاقصى درجة كل واحد رافع الكاميرا فى وش التانى والحياة كلها بقت فيديوهات والى بيعرف يعرض قصته بشكل احسن وممثل شاطر هو الى بيكسب رايحة بينا على فين يا دنيا