تعبت

مخنوقة وتعبت من حياتي والله كل مرة بشيل من دماغي فكرة الانتحار بس والله مش عارفة استغفر الله ربنا يسامحني بس الفكرة ف بالي بطريقة مش طبيعية بسبب كل حاجة ومعنديش اي طاقة ولا شغف اني احكي حاجة يريت تدعولي ادعولي كتير ابقي كويسة

رسالة وداع بعد 4 سنين حب من طرف واحد 💔 أنا بكتبلك المسج دي دلوقتي وأنا مش عارف هتوصلك ازاي بس لو انتي بتقريها دلوقتي ف اكيد قدرت اوصلك ، أنا كنت عايز أقولك بس اني بتمنالك التوفيق فحياتك وبتمنالك كل خير ونجاح واثمار وعايزك ديما تبقي فاكرة إنك أجمل بنت فالبنات واني فخور بيكي جداً وبكل حاجة مريتي بيها وارجوكي متسمحيش لحاجة تدايقك او تفقدك سلامك ومهما كانت الدنيا صعبة اتمنى انك تبصي فالمراية و تفتكري إنك ###### ، ولو دي المره الأخيرة اللي هبعتلك فيها ف أنا عايز أقولك اني بحبك ، وبحب كل لحظه حاولت فيها علشانك وممتن جداً للمكان اللي وصلتله علشانك وبسببك ، أنا فاكر وعدي ليكي ومنسيتهوش ولا لحظة طول السنين اللي فاتت.. وعلى الرغم إننا مبقيناش نفس الأشخاص واتغيرنا أنا كنت محافظ على الوعد اللي وعدتهولك حتى لو انتي نسيتي لاني وعدت نفسي تبقي معايا.. بس أنا حقيقي تعبت ودا مش لانك متستاهليش الحرب دي.. انتي اجمل بنت فالدنيا!! واللي جوايا دا مكانش ب ايدي وهيفضل جوايا ، بس أنا حقيقي مش عايز منك دلوقتي اكتر من مجرد وداع عادل نتكلم في و اودعك للمره الأخيرة ومنسيبش النهاية دي مفتوحه واوريكي لوحاتك الكتير اللي رسمتها وانتي مش موجودة ، فمن فضلك ادينا إحنا الاتنين الفرصة دي بحبك!

مش عارف اخرة اللي انا فيه ده ايه .. حياتي واقفة و بعدت عن ربنا و معترف اني بعدت عنه جامد لدرجة اني مبقتش اتقبل حد ينصحني او يكلمني في الدين.. انا معترف اني بعدت لاني شفت تجارب و مازلت بعيش تجارب نفسية محدش يستحملها و عمري ما لجأت لربنا و وقف جمبي و ديما سايبني بتعذب .. اذا كان ربنا مبيقفش جمبي مين هيقف جمبي! انا تعبت .. انا الحمد لله انسان كويس جدا و طيب و عمري ما بأذي حد و كل همي والدتي و اخويا انهم يكونو مبسوطين .. انا مش عايز اي حاجة في الحياة لنفسي بس عالاقل الحمل يخف عليا شوية انا مستاهلش كل ده ! اعمل ايه انصحوني

جماعة اتكلموا معايا شوية متضايقة بجد و مخنوقة و حاسة اني عايزة ابوظ نفسي و و اعمل حاجات غلط و متضايقة اوي انا بجد متهورة اوي و ممكن اعمل حاجات غلط و كنت هعمل و يعتبر عملت انا مش عارفة اعمل ايه بجد تعبت من نفسي عايزة بس ابطل تفكير

ازاى اتخلص من سيتويشن شيب يجماعه بجد تعبت مش عايزه العلاقه دى ومش عارفه ابعد هو ليه معلقنى بيه وانا اصلا مبحبوش يفضل يشد ويهتم اهتمام مش طبيعي عشان بس مبعدش واعتقد بردو بيبقى فيه ابتزاز عاطفى انه بيحسسنى قد ايه هو محتاجنى ويقولى انا اعمل اى حاجه عشان مخسركيش انا مش هعرف اخسرك طب اعمل ايه

مضايقه اوي احساس انك بتتعب في حاجة بقالك كتير وفي الاخر كل التعب ده ياجي علي مفيش يعني مش عارفة ومخنوقه وكل حاجة بتقولي اني مش هنال اللي عاوزه فعلا تعبت