تقمص

هي الرجالة ليه بتتقمص؟ بجد ليه راجل يتقمص وياخد موقف من كل كلمة تتقال وانا معنديش مشكلة أن من حقه يزعل ويعبر عن دا لا بس مبقيتش عارفه اتعامل معاه عشان بتفهم غلط وبيقفش في كلام بيتقال وبيزعل ويقفل وانا مش ببقى فاهمه انا قولت ايه يضايق ولا عارفه اتكلم معاه وكل ما اقول خلاص هرد على القد بقع في نفي الغلط

طيب عاوزه اتكلم عن فكره I was just joking with you So Don't take it personally يعني بجد انا مش عارفه احدد اذا كنت شخص اتنشن وبيزعل من الهزار مع اني شخص بيحب الضحك جداااا بس للضحك والهزار حدود او مش عااارف بس الموضوع بجد مستفز عارفين الشخص اللي بتفضل تهزر معاه ويضحك ويودي معاك ومره واحده تلاقيه قفل علشان حضرتك بدأت تشخصن الهزار بإنك تمسرحه او تتريق على عيلته او حياتهم او انك تشتمه في نص الهزار او انك تشتم في العموم وللاسف صاحبك ده عمره ما شتم الا شتايم الحضانه او انك تمسك حد تاني وتمسرحه وتاخده محتوى بجد تبدأ تتريق على حاجات مش هينفع يغيرها مش بإيده فااا انا الشخص ده الاتنشن والفكره اني بجد بتقمص تاني يوم ولا كأن حصل حاجه بس اللي هو انا عيطت من هزارك يا فنان مش كدا بجد مش عاوزه اتشتم في نص الهزار ولا عاوزاك تتريق على عيلتي ولا تمسرح حد من دفعتنا وتاخده محتوى علشان تضحكنا دمك تقيييييل والله وبس دي كانت مشكله ملهاش لازمه وشكراااااا

امتي نقدر نخلع القناع اللي احنه لابسينه ونظهر عحقيقتنا لاني بقيت شايف اغلبيه البني ادمين عبارة عن متقمصين لشخصيات لاسباب غريبه اللي بيعمل خير الامن رحم ربي بيصورة عالعموم حد فاهمني

بزعل من حاجات مليش الحق ازعل منها وبزعل من حاجات تافهه اوي لدرجه ان الشخص اللي مزعلني مبيكونش عارف هو عمل اي من كتر مالحاجه صغيره وتافهه ممكن ازعل من طريقه كلام متغيره ف مسدج ممكن ازعل من شخص مش قادر يتكلم معايا عشان زعلان من حاجه انا بجد زهقت حتى الناس اللي حواليا زهقوا كل شويه يصالحوني بس انا مش قادره اغير ده ومش قادره ابطل اتقمص من اقل حاجه