جماعة انا عارفه كويس اوي ايه اللي المفروض اعمله بس مبعملوش. عارفه اني لو عملته هتطور وحياتي هتكون احسن. انا عارفه اني كده مش بأذي حد غير نفسي. عارفه كل الكلام بتاع التنميه البشريه. بجد سمعت كل حاجة ممكن الإنسان يسمعها عشان يتطور في حياته وعندي خبره في كل حاجة ازاي اتطور وازاي استمر وازاي وازاي بس مبعملش حاجة ولما باجي أسأل نفسي ليه مبعملش مبلاقيش اجابه هل هو الكسل مثلا او التسويف او ايه. ليه ممكن حد يكون بيأذي نفسه بمزاجه. ليه مش عايزه اكون ناجحة. وليه بقيت بهرب من التفكير في النوم والتليفون انا عارفه انهم بيدمروا حياتي ونفسيتي ليه بقا مازلت مش عارفه اخد خطوه حقيقه وانظم حياتي. مش هقولكم جو انا تعبانه والدنيا دايسه عليا لا انا الحمد لله وضعي حلو ومش تعبانه ببساطة لاني مش بعمل حاجة اصلا. لولا اني بعرف الم ليالي الامتحان كان زماني سقطت ممكن اقعد مذاكرش اسبوع عادي. انا نفسي اكون حاجة كبيره زي ما كنت بتمنى وانا صغيره. انا عندي الامكانيات اللي تخليني كده وتخليني من الأوائل. لكن قاعده مكاني مش بتحرك. عارفه ان مفيش حل سحري هيخليني اقوم مره واحده وعارفه انكم هتقولولي لازم ابدأ واركز بس حقيقي انا م عايزه. مش عايزه اتعب ولا عايزه أواجه. حد فاهمني اصلا ؟