ثانويه عامه

Chocolate_52580 🇪🇬

منذ 3 أسابيع

شعور وحيد

بوست الصياح الدوري،. كمله لو سمحت لو انت تالته ثانوي اهلا 🫡 تالته ثانوي عاملين ايه أنا كنت مراكم كتير بس بيقلوا مع الوقت و إنشاءالله على يوم الاربع الجي هيكون فاضلي حبه قليلين متراكمين يا رب الاسبوع يمشي على خير و يكمل الجدول على خير، اه خلاص عملت جدول البركه مش جايبه همها فعندي نصيحتين و سؤالين

Strawberry_87386 🇪🇬

منذ 3 أسابيع

شعور مكتئب

أنا في ثانويه عامه وعندي مشكله بجد تعباني نفسيا و خايفه اوي أنا دماغي كويسه اوي و بفهم الدروس كويس بس لما باجي احل بحل غلط و مش غلطه او اتنين لا بيبقي كتير فا بتصدم اوي مع أني ببقي متأكده من حلي و إني فأهمه السؤال بس بحل غلط و فالشوامل بجيب درجات وحشه معرفش اعمل ايه عشان أعالج الموضوع دا من دلوقت ،

Mango_75327 🇪🇬 انتي عملي ولا ادبي الاول علشان نساعدك ، ده عادي جدا ياسطي ، انا مجبتش درجة حلوه في اي شامل و في الاخر جبت 90% فالموضوع ارزاق مجرد بس حاولي تتعلمي من اخطائك

عرض الكل 6 نصيحة

Candle_82482 🇪🇬

منذ 4 أسابيع

شعور خجول

عندي فقدان شغف للمذاكره رهييييب بجد ثانويه عامه خدت مني طاقتي كلها و شغف للمذاكره و في الاخر متوفقتش قولت بقي نعوض في الجامعه اومااال 😅 اقسم بالله انا مش بعمل حاجه غير اني انقل المحاضرات و خلاص و لا بذاكرها و لا اي حاجه 😂 المشكله ان الميدتيرم الاسبوع الجاي و انهارده الدكتوره أجلت المحاضره لوقت ت

Mango_69037 🇪🇬

منذ شهر واحد

شعور مرهق

بقيت في سنه تانيه بس حقيقي لسه مش عارف اتعافي من ثانويه عامه مش قادر انسي اني خذلت اهلي مش قادر انسي المجموع اللي جبته مكنتش متخيل ان بعد دا كله هدخل معهد لحد دلوقتي بتكسف اقول للناس اني في معهد

Biscuit_71546 🇪🇬 اثبت ذاتك يا صديقي في معهد او كليه كلها محصله بعضها المهم المهارات اللي هتكتسبها من الفتره دي واد ايه هتطور من نفسك وتجهز نفسك لسوق عمل مش بيعتمد علي شهادات اد ما هو محتاج خبرات.. بص لقدام وسيبك من اللي عدي لسه قدامك الفرصه تعوض يا صديقي بس ركز في اللي جاي بشغف

عرض الكل 2 نصيحة

Chilli_82771 🇪🇬

منذ شهر واحد

شعور مرهق

عندى 18 سنه ثانويه عامه السنادى نفسيتي صفر مليش نفس اعمل اي حاجه مش قادره انزل الدروس مش قادره اذاكر بهرب من الامتحانات بحب اهرب من الواقع كله واعيش مع خيالي والاغاني واعمل سيناريوهات في دماغي ملهاش علاقه بالواقع عايزه اهرب من التفكير الزائد ده حياتي كلها بايظه بسبب كده لما بحاول اغصب على نفسي واقع

Bulb_51863 🇪🇬

منذ شهرين

شعور ضاق ذرعًا

عبّر عن شعورك بشكل مجهول

تم اخد شاور ليله اول يوم كليه وتحضير الاوتفيت
ذاكرتي بتعمل فلاش باك لأول يوم مدرسه وانا لسه ف ابتدائي وكانه كان امبارح
وايام دروس ثانويه عامه ال كنت فاكره ان الوقت عمرة ما هيعدي ويوم النتيجه ال كان أبطأ واسوأ يوم ف حياتي
بس انا دلوقتي انتهيت مَن كل دا وعملت move on منه ودلوقتي الحمد لله انا مش ف المكان ال كان نفسي فيه بس فالمكان ال ربنا حاططلي فيه الخير ودا ال اكتشفته مؤخرا ان دا حرفيا المكان ال هعرف أنجح فيه وكنت مستحيل أنجح ف اي مكان تاني
رساله لاي حد ثانوية عامة الان
اعمل ال عليك عشان يوم النتيجة متحسش ب ذرة ندم واحده حتى لو يومها مجبتش المجموع او الكليه ال نفسك فيها.
وخلي عندك ديما ايمان بربنا انه هيحطك فالمكان ال انت خيرك ونجاحك فيه
والله السنه بتاعت ثانويه عامه كانت بتعدي ب كرم ربنا وان ديما متأكده ان ربنا معايا وسامعني
خلي علاقتك بربنا كويسه ومهما حصل ومضغوط من مذاكره او ايا كان ايه متقصرش ف علاقتك بربنا لانك محتاجه جدا طول اليوم مش ف ثانويه عامه بس
وفالنهايه ثانويه عامه زي ما بيقولو مش اخر المطاف بل بالعكس هي بدايه رحله جديده والرحلة دي ال هتثبت نفسك ونجاحك فيها
ربنا يوفقكو كلكو وتدخلو الكليه الربنا مختارلكو الخير فيها وال نفسكو فيها ويهون عليكي وتعدو السنه بسرعه وعلى خير ولو حد من حبايبنا رجاله ثانويه عامه دفعه2026 (بصوت  حمثلاح) محتاج حاجه يبعتلي اساعده
ادعولي اعرف اعيش حياتي مع المواصلات عشان الحاله صعبه ومتاكده ان الناس هتزقني ويوقعوني فالارض ويكون شكلي غلبان وراجل عجوز يجي يقومني ويقولي روحي يبنتي الست ملهاش غير بيت جوزها (انا ألفت موقف) 
نفسي انام بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_76450 🇪🇬

منذ شهرين

شعور متعب

انا ثانويه عامه المفروض ان دي اهم سنه بالنسبه ليا عشان عايزه اسافر المهم اني مبفتش بذاكر وبعيط عشان اذاكر ومبقتش عارفه وبقيت بكنش معظم الدروس مع اني مش عايزه كده وبقيت بقطع علاقتي بمعظم صحابي وبزعل من اقل حاجه المهم انا عايزة طريقه ارجع بيها لمذكرتي وحياتي اعمل ايه

Nutella_74415 🇪🇬

منذ 3 أشهر

شعور مستنزف

عبّر عن شعورك بشكل مجهول

انا تقريبا لسه طفله وبشوف نفس طفله بس الظروف حكمت عليا ان اعيش سنين اكبر من سني ماما وبابا منفصلين من 10 سنين ماما ست مكافحه وسبوره وب 100 راجل احنا اربعه انا وولدين اصغر مني واختي الصغيره انا الكبيره بتاعتهم باختصار عشت اسوء فتره حياتي بيجي عليا وقت اقول الفتره دي بتبقى احلى فتره في حياه الانسان انا دي اسوء فتره في حياتي هل لما اكبر واخرج واروح واعرف الدنيا هعرف اعيش مش هقدر ماما بقى لها ثلاث سنين بتشتغل دلوقتي عشان المسؤوليه زادت وانا اللي استحملت البيت وكل حاجه كنت على طول بجيب من العشره الاوائل على المدرسه كنت بخش مسابقه قران واجيب المركز الثاني او الاول دلوقتي حتى صلاتي مش قادره اعملها بصحى من نومي اعمل البيت اودي اخواتي الدروس واروح اجيبهم من الدروس واجي اعمل لهم ياكلوا اكتب معاهم الواجب ويا دوبك اقوم اغير هدومي واروح لدروسي مع العلم ان انا دلوقتي في ثانويه عامه عمري في حياتي ما حسيت ان انا متقمره او ان انا دي مش العيشه اللي انا بتمناها بالعكس بحمد ربنا وبقول الحمد لله على النعمه دي كنا في الاول ماجرين بعد كده لما الظروف ساءت رحنا قعدنا في بيت اهل ماما اللي هم اهلي بمعنى اصح وكل حاجه حلوه في حياتي بس لو فضلنا قاعدين مع تيته في بيتها تيته قديمه وبنتخانق وكده مع العلم ان في شقه فوق مبنيه ولكن ما فيش فيها كهرباء ولا اي حاجه ولا شبابيك ولا اي حاجه طلعنا قعدنا في الشقه دي عادي وعملنا خشب على الشبابيك وظبطنا البيت وكنا مبسوطين وراضيين بابا اتجوز اول جوازه وفشلت بعد ماما وثاني جوازه بس فرق ثاني جوازه دي المجمع مراته الثانيه دي باولادها وانا واخواتي بعيد عنه كانت صدمه نفسيه ليا ولاخواتي اخواتي ابتدوا يطلبوا ان هم نفسهم يشوفوا يشوفوا بابا ويقعدوا معاه ويصحوا يلاقوه في البيت طلبوا طلبات لنا ولا ماما نقدر نعملها ماما معيشانا في مستوى كويس اللي بنحتاجه بتجيبه وبنتفسح وبنخرج وبنلبس احسن لبس العائق الوحيد الشقه اللي احنا عايشين فيها بس والله راضيين الحمد لله وعمرنا ما اتقمرنا بس يعني المشكله في دي بقى وان اخواتي ابتدوا يبصوا لما عرفوا ان اولاد مرات بابا عايشين مع بابا وان بابا جاب بنت اختي لينا طب ليه هي هتبقى عايشه كده واحنا عايشين كده طب ليه بابا بيحبها وليه مش بيفكر يسال على حد فينا بقى لي سنتين مقصره في دراستي تاثير جامد اول سنه في ثانويه عامه جبت ملحق فيزياء مع اني شاطره بس كنت مقصره في دراستي مع العلم اني كنت جايبه اصلا مجموع يدخلني ثانوي عام انتظام لكن لما ماما خرجت واشتغلت كنت لازم اقدم منازل علشان اخد بالي من اخواتي ثاني سنه جبت ملحقين والوقت دي اهم سنه في حياتي نفسي احقق حلمي بس في نفس الوقت مش قادره اتكلم واقول لماما الحمل كبر عليا ومش قادره اذاكر وانتظم في دروسي انا قايمه بدور الام والاب بعمل كل حاجه وماما بتعمل كل حاجه لكن دايما بيبقى في حاجه ناقصه وخصوصا ان هو قدام عيننا على طول بياذينا وبيخلينا نكرهه بزياده لان بنبقى محتاجين ومش بنلاقيه خالو اخو ماما الاصغر منها عنده ثلاث اولاد ربنا يخليهم له ويبارك له فيهم قال لنا انا ابوكم بيجيب لنا كل حاجه بيعمل لنا كل حاجه بيعملنا احسن معامله حرفيا اكنه ابونا هو بالنسبه لي ابويا اما الشخص الثاني ده انا مش عارفاه بس لما بشوف بابا قدامي ومعاه اولاد مراته واختي بقول انتم حلمتوني منه انا واخواتي لما بيبقى خال ومراته و اولاده معزومين عند تيته واحنا بنبقى قاعدين بحس ان انا واخواتي وحشين لان اخذين خاله من اولاده زي ما مرات بابا اخذت بابا مننا فكرت في الانتحار كتير بس كل مره كنت بنجد منها زي اللي ربنا بيقول لي عايزك تقعدي في الدنيا كمان بس انا لو فضلت قاعده اكثر من كده بقت اذى اؤذي حد في اللي حواليا فكرت كتير اني افتح انبوبه العز واحنا نايمين علشان اخواتي ما يتعذبوش من بعدي وكلنا نرتاح حتى ماما للحمل بقى كبير عليها رجعت لصلاتي ورجعت احفظ قران ورجعت انتظم في حياتي بس حاسه ان انا عملت ذنب ان ربنا هيفضل يحاسبني طول حياتي عليه بس ايه هو انا مش عارفه وغير كده كل بني ادم ليه طاقه احيانا اهل ماما هنا بيسمعونا كلام بيجرحنا ماما احيانا بتقول انا وانا وانا وانا بحسها بتعايرني بشوف في كل عيون الناس في المكان اللي انا عايشه فيه كلمه باباكي سابك بقول اكيد خير وربنا جايب العوض الكبير قدام بس انا بقى لي 10 سنين ما فيش يوم عدى في حياتي كويس بفضل اقول الحمد لله وراضيه واسفه اني طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_43724 🇪🇬

منذ 3 أشهر

شعور قلق

انا كنت ف ثانويه عامه والحمد لله رب العالمين جبت مجموع حلو بس انا مكنش عندي هدف لكليه معينه يعني انا كان هدفي في ثانويه عامه اني اجيب مجموع عالي وبس ويحلها حلال بعد كده...ابويا كان عايز يشوفني دكتور بأي وضع يكون وانا عايز افرحه وافرح امي....المهم وصلنا اهو ودخلت كليه طب بشري بس انا حاسس انها مش شغفي

Pear_72995 🇪🇬 ما شاء الله اللهم بارك❤❤❤❤ بص لو في امكانيه تاخد كورسات خد لو مفيش في قنوات يوتيوب كتييير بتدي كورسات مجاني و في كورس نازل من الجامعه الأمريكية برضو...+ ف اولي كليه بتاخد مصطلحات طبيه... هتعرف تتأقلم عادي ادخل اليوتيوب برضو و شوف في ناس كانت بتتكلم عن المعاناه دي.... اعمل ايه ف الانجليزي في كلية طب.... و هتلاقي ناس كتير بتفيدك برضو

عرض الكل 3 نصيحة

Biscuit_70362 🇪🇬

منذ 3 أشهر

شعور عاطفي

انا كنت ثانويه عامه لكن مجبتش مجموع كويس مع اني عملت كل ما في وسعي وانا عمري ما كنت بجيب درجات وحشه خالص. وكمان كنت بطلع من الاوائل في السنين اللي فاتت دي كلهاا اشمعناا بقا السنه دي كده مع اني زاكرت فيها اكتر سنه وحليت كتب كتير كان نفسي بجد اجيب درجه حلوه علشان حتي امي وابويا. امي وابويا مكلمونيش

Coffee_52562 🇪🇬

منذ 3 أشهر

شعور لا مبالٍ

هححح و هححح والكثير من ال هححححح لازم اتحمل كل دا؟ شايل مسؤوليه اكبر مني بكتيييير اكبر من عقلي اكبر من سني اكبر من صحتي اكبر من نفسيتي بس عارف ايه اللي مصبرني(لا يكلف الله نفسا إلا وسعها) وطالما ربنا كلفني ب دا يبقا ربنا عالم اني هعدي منه الموضوع صعب اوي اوي كنت عارف اني هوصل للمرحله دي ومستني الوقت

Blueberry_52260 🇪🇬

منذ 4 أشهر

شعور محبط

انا كنت ثانويه عامه و جيت حولت امريكان السنادى وانا جريد 12 حولت عشان المجاميع السنادي مرعبه و اختى مجابتش مجموع كويس و اهلى مش عايزين يكرروا اللي حصل و بجد خايفه اوي و مرعوبه و خايفه مدخلش الكليه اللي نفسي فيها و خايفه عشان انا كنت عربي و فجأه حولت و هاخد الحاجات كلها بالانجلش و خايفه من الامتحانات

Apple_68671 🇪🇬 سبيها علي الله هتعدي

عرض الكل 2 نصيحة

Mango_34757 🇪🇬

منذ 4 أشهر

شعور مكتئب

موضوع:

لما اللي حواليك يقللوا من تعبك

للاسف الي بتعمل كده ماما هو م تعب بس ان انا اقوم اعمل كل حاجه في البيت واجي اقعد شويه او اقول ان انا تعبت علشان ده الطبيعي تقولي هو انتي عملتي حاجه ده الي انتي عملتيه ده عيله صغيره تعملو لما جبت مجموع يدخلني ثانويه عامه بس منازل فضلت برضو تقولي هو ده مجموع وحرفيا اتقفلت من المدرسه وروحت مدره تانيه د

Mango_67775 🇪🇬

منذ 4 أشهر

شعور مرتبك

جماعه انا دلوقتي جبت 227 يعني 70.94% في علمي رياضه مش عارف ادخل ايه و للأسف اهلي مش هيقدروا يدخلوني خاص انا الانجلش عندي كويس و عايز اكمل تعلم برمجه عشان انا اتعلمت شويه قبل ثانويه عامه مش عارف ايه الكليات اللي ادخلها بس اللي هو عايز كليه تكون سهله نوعا ما متاخدش كل وقتي و تخليني مش عارف اتعلم حاجه

Coffee_27927 🇪🇬

منذ 4 أشهر

شعور وحيد

موضوع:

امتى حسيت إنك كنت محتاج حد يسمعك وملاقيتش؟

فترات كتير في حياتي منها دلوقتي حتى افتكر مثلا وانا في اعدادي كده كنت لوحدي اوي ولا صحاب ولا أهل ولا ناس كنت شخص كويس اوي بس كنت محتاج حد بس يسمعني بس لقيت شخص وقتها وبق صحبي جدا وفضلنا صحاب مده كبيرة الحمد لله فتره تانيه وانا في ثانوية عامة كان جنبي ناس كتير بس محدش بيسمعني أو محدش فاهمني يمكن

Marshmallow_65283 🇪🇬 حصل فعلا الواحد بيحتاج حد يسمعه وحد يفهمه صح وميسئش الظن فيه ربنا يرزقك ويرزقنا جميعا🤍

عرض الكل 1 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع