ثانوي عام

Kiwi_69350 🇪🇬

منذ 3 أسابيع

شعور متعب

--- يا جماعة أنا بنت في ٣ ثانوي وعندي ١٩ سنة، لأني أنا الدفعة اللي فاتت بس مأجلة مواد أدرسها السنة دي. المهم في ولد أخو زميلتي من الدفعة اللي فاتت لأنه أنا دفعة ٢٠٢٥، أنا أعرفه من عاملي إضافة على الفيس. وأنا قبلت، المهم هو اتكلم معايا عاديًا ع الفيس، وأنا رديت عادي. المهم أنا مش برتاح إني يكون في ب

عبّر عن شعورك بشكل مجهول

---

يا جماعة أنا بنت في ٣ ثانوي وعندي ١٩ سنة، لأني أنا الدفعة اللي فاتت بس مأجلة مواد أدرسها السنة دي. المهم في ولد أخو زميلتي من الدفعة اللي فاتت لأنه أنا دفعة ٢٠٢٥، أنا أعرفه من عاملي إضافة على الفيس. وأنا قبلت، المهم هو اتكلم معايا عاديًا ع الفيس، وأنا رديت عادي.
المهم أنا مش برتاح إني يكون في بيني وبين ولد كلام حتى لو عادي.
فـ أدي إخوات البنات، فقولتله كده، فـ قال لي تمام جدًا ومحترم جدًا.
بس بعدين قال لي إني ذي  إخته وأننا بينا فرق سن تقريبًا ١١ سنة، وقال لي لو احتجتِ في حاجة كلّمي. المهم أنا كنت شاكه فيها إنه بيتعامل معايا ع أساس إني مش إخواته، لأنه قبل كده قال لي شكلك صغيرة خالص.

وكمان مرة لاقيته أونلاين، فـ قال لي قومي ذاكري وبطلي لعب. وأنا في الوقت ده كان حصل معايا موقف، إن بنت بعتت إضافة على الفيس. وأنا قبلت، البنت دي جات كلمتني، وقالتلي إنه عايز رقمي، وإنها من أمريكا، وإنه في القاهرة، وإنهم هيعترفوا ببعض.
المهم أنا شكّيت فيها، خاصة إنه قال معاهوش رقم، فـ قولت يمكن تكون ولّا حاجة.

فـ رحت قالت لأخو زميلتي كنت محتاجه أتأكد هل هو فعلًا شافني إخواته ولا حاجة تانية. لاحظت إنه لما احتياطي قلتله بلاش الكلام بينا كتير جدًا، مش من الطبيعي إنه يكمّل في الكلام بعدها، وفعلاً بطّل يكلمني، فـ قلت تمام.

وحسابي على الفيس أنا خفيته، لأنه قال كده وقت ماقولتله إني هحذف الفيس لأنه مش معاه رقمي.
هو قال كده وقت ماقولتله، إني هحذف الفيس.

أنا استنتجت من دي إن الولد نواياه مش مضبوطة أو أنا مش أخته بجد زي ما بيقول.
هل أنا ظلمته وهو فعلًا كده ولا لأ؟
توضيح
 هو مواليد ١٩٩٧ يعني اكبر مني ١١سنه تقريبا إخته هي اللي كانت زميلتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_78979 🇪🇬

منذ 3 أسابيع

شعور مرهق

عبّر عن شعورك بشكل مجهول

(دي انا نزلتها تأني بس خاص )انا طالب في تالتة ثانوي اناشخص بتعافي من ادمان الاباحيةوالعادة السرية بعد٧سنين ادمان وأنا حاليا كملت ١٤ يوم بدونها بس محتاج حديساعدني في التعافي يكون شريك تعافي عشان تعبت بجد وفيه افكار غربية بتجيلي وتشت وبقي معنديش ثقة في حد بسبب صدمات بحياتي وخذلان الناس الي حواليا غير اني قاعد لوحدي والدي مسافر وامي متوفية من ٨سنين صراحة اتو حشت حضنها واهتماها بيا وحنيتها انا حاسس نفسي وحيد تايه محدش مهتم بيا نفسي حد يطبطب عليا وقولي معلش و ماشي في أوضة ضلمةبالف حولين نفسي بس أنا تعبت مش عارف اعمل ايه انا المشكلة فيا اني بعتمد علي نفسي بكل شي مشاكلي لنفسي همومي لنفسي كل حاجه في نفسي معنديش حته اشارك خايف اني أشارك حد غلط حد يحبطني مفيش حد بيدعمني بس انا مع ذالك مستمر عشان عندي هدف وبرضو بقول في نفسي هل انا عندي مشاكل ولا أنا بوهم نفسي ومعنديش مشاكل اصلا مش عارف مالي عاوز حد يدلني يرشدني وانا طبيعتي شخص يسامح ومبتسم دائما لاكن محدش يعرف ورا الابتسامة دي اه غير الم وتعب وانا مش مستني حد يقومني انا هقوم بنفسي ولا حد يعطف عليا انا عاوز  بس حد يهتم بيا يحن عليا انا شخص بكتم مشاعر وكلام كتير بس الحمدلله دائما وانا شخص ملتزم بصلي كل الفروض في الجامع والاذكار بس مش عارف مالي عاوز أشارك حد همومي عايز حد يرشدني وبس اسف الرسالة طويلة بس انا جواي كلام كتير جدا مش عارف أقوله لمين اتمني لو حد يقدر يساعدني يتواصل معاي اكون ممتن ليه وشكرا ليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_56208 🇪🇬

منذ شهر واحد

شعور متوتر

جماعه نا حرفيا حياتى متدمره ف ثانوي عام مجبتش مجموع كويس مع انى كنت ممتازه و طول السنين الاولى ع مدرستى المهم دخلت زراعه بايوتيكنولوجى و مبسوطه اوى بدراسته حرفيا كللها ع الانسان و البكتريا بس الناس مش قادره تفهم ده و بتبصلي بصه بايخه و ليه زراعه دى كأنها حاجه مقرفه

Marshmallow_82477 🇩🇿 المهم انت عجباك و راضي الباقي ما يهمك

عرض الكل 3 نصيحة

Toast_78262 🇪🇬

منذ شهر واحد

شعور متعب

Croissant_74053 🇪🇬 وعليكم السلام ورحمة الله وبركاته، قريت كلامك وحسّيت قد إيه أنت مريت بحاجات صعبة فعلًا، بس رغم كل ده لسه بتحاول، وده في حد ذاته قوة. صدقني أنت مش شخص وحش، أنت إنسان مجروح محتاج يطبّب نفسه شوية، وربنا دايمًا فاتح بابه مهما حصل. قال تعالى: قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ ابدأ من جديد حتى لو بخطوة صغيرة، وربنا هيعينك ويبدّل حالك خيرًا بإذنه.

عرض الكل 8 نصيحة

عبّر عن شعورك بشكل مجهول

السلام عليكم اسف لو هطول عليكم 
انا فكليه وخلاص فأخر سنه وهتخرج بس عندي مشكله كبيره فحياتي وحاسس حياتي ضاعت بسبب الاكتئاب واني استاهل كل اللي بيحصلي فحياتي لأني شخص وحش انت مريت بظروف وحشه انا كنت ثانويه ازهريه وبالنسبالي ٣ ثانوي هيا اسواء سنه عدت عليا فحياتي اول السنه خالص والدي اتوفي لانه كان تعبان ولما اتولدت ملحقتش اقعد معاه وهوا كويس كان كل يوم يتعب عن الاول لحد ما وصل لمرحله انه مش قادر يحرك عضله فجسمه حتي الكلام مش بيتكلم فمكنتش بقعد معاه كتير وانا اصغر اخواتي فرق بيني وبينهم ١١ سنه و٧ سنين و ١٣ سنه تربيه اهلي ليا كانت معظمها ضرب ولاخواتي برضو بس كانو شايفين اني مدلع ومهما شوفت من حياتي مش هيكون زي اللي هما شافوه بحكم انه اكبر مني بكتير واني دايما مشاكلي تافهه فحين انا ممكن اكون مريت بحاجات اصعب من الحاجات اللي مرو بيها بكتير اخواتي كانو برضو بينضربو زيي ويمكن اكتر لحد ما جت ٣ ثانوي ولما والدي اتوفي مكنش فيه غير اخويا ومامتي في البيت وباقي اخواتي مسافرين واخويا قالي انا هعمل فيك اللي اتعمل فيا وانا صغير فكان دايما يذاكرلي زي ما كان بيتذاكرو ومكنش اي مذاكره كان بيهتم بالمواد الشرعيه والمواد اللي فيها حفظ بس والقرءان وكدا ويخلي مامتي تهتم بالمواد اللي فيها كيميا أحياء فيزيا كدا والرياضه مكنش حد بيقهم فيها ولا العربي فكانو سايبيني فيه المهم كان كل يوم يحددلي جزء اذاكره وكان كميه كبيره وانا اقولو مش هقدر انا مستوايا كدا انا مش هقدر اذاكر الكميه دي يضربني ويقولي مفيش حاجه اسمها كدا كنت بزوغ مم الدورس واقعد في الشوارع اعيط وامسك الكتاب واحفظ والناس اللي رايحه واللي جايه تتفرج عليا وانا بحفظ وبعيط وكانت نفسي بتصعب عليا وكنت بصرب نفسي بالقلم وعلي دماغي لو غلطت فحاجه وانا بسمع لنفسي علشان كنت خايف منه لاني عارف لما بروح كل يوم يارتيها بتيجي علي التسميع بس دا التسميع بيكون بالحرف الواحد زي ما الكتاب بيقول ولو غلطت فحرف ينزل عليا بالعصايه ويضربني انا انضربت كتير والكلام اللي بقولو دا يعتبر مش حاجه بجد والله بالنسبه للي شوفتو انا بجد بحكي مختصر المختصر كنت بنضرب كل يوم بطرق بشعه وبتعامل معامله قذره من كلو وعدت الايام وفضلت سنه كامله بنضرب واوقات بروح الدروس جسمي معلم ووشي معلم وربنا يعلم خلصت الثانويه وانا شايل جوايا كميه تروما محدش  يستحملها من ضرب وزعيق وصدمات وكمان كنت وحيد بطريقه مفيش حد اشكيله اي حاجه كان ليا صاحب بس كنت بقولو اللي بيحصل بس كنت بقابله مرتين في الاسبوع بتاع نص ساعه ولا حاجه بعد الدرس اصل مهما شكيت محدش هيعملي حاجه ولا حد هيحس المهم لحد ما عرفت عن الاباحيه والعاده السريه ولقيت نفسي فيهم لقيت ان فيه حد بيطبطب عليا وبيديني مخدر في الاول كنت بعملها شهوه زي اي حد انا مش هكدب وعظت ايام كتير كدا بس بعد سنه ولا سنتين مبقتش شهوه بقت هروب من الواقع لان لما دخلت الكليه بقيت لوحدي تماما كلهم سافرو ما عدا والدتي بس وانا واخد سكن بعيد مع زمايلي في الجامعه كميه وحده مش طبيعيه وانطوائيه وكنت بلجاء للاباحيه والعاده السريه كل يوم عن الاول بقالي اربع سنين في الادمان وسنتين من غير ادمان يعني ٦ سنين لحد النهارده حاولت اوقف مليون مره فشلت كنت برجع اسواء من الاول ومكنتش بوقف كنت بتعافي وروحت لدكاتره ومكملتش انا فاهم يعني ايه تعافي وفاهم كل حاجه بس المرحله اللي وصلتلها من الادمان بقت وحشه اكتئاب حاد وجسمي باظ وبعاني من امراض بسبب اني جوايا ترومات وانا بكتم وطلع علي جسمي وروخت لدكاتره مناعه ومخ واعصاب وعلاج طبيعي وتغذيه و و و كلهم بيقولو نفسيه لان بعاني من مشاكل فجسمي وجع ضهر ونحافه ووجع عضم وغيره كلهم بيقولو نفسيه وحياتي باظت وعلاقاتي باظت وعلاقتي بأهلي باظت كلهم فوادي وانا فوادي حتي غلاقتي بصحابي باظت اهلي معملوش وحش بس لا كان ليهم حلو وحلو كتير ومقدرش ازعل من امي خالص مهما عملت لأنها وقفت جنبي كتير بس اخواتي مش قادر انسي ليهم الوحش انا مش عارف اعمل ايه انا فكرت في الانتحار في الثانويه وفكرت بعدها في الكليه ودلوقتي الانتحار بالنسبالي حل للمشاكل كلها بس حرام بجد تعبت وكل يوم بعيط لوحدي ونفسيتي مدمره وصحتي باظت مش عارف اعمل ايه انا اسف لو طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_66226 🇪🇬

منذ شهر واحد

شعور مكسور القلب

موضوع:

قرارات من الأهل كانت سبب في تغير حياتك

وانا صغير كنت عايز اخش سياحه وفنادق عشان بحب الطبخ بدل ثانوي عام ابويا قالي لو مجبتش مجموع ثانوي زي اخواتك امك طالق وجبت مجموع ثانوي ودخلت عام وطلقو بردو 😂💔 ودخلت خدمه اجتماعيه ودلوقتي شغال شيف في مطبخ وتلت ايام داخل سنه جيش توته توته خلصت الحدوته

Apple_72790 🇪🇬 مالكش ذنب في اللي حصل بينهم ركّز دلوقتي على نفسك وعلى جيشك 👌 خليك راجل ثابت ومتماسك لأن دي مرحله صعبه و هتشكّلك خدها كفرصه تبني شخصيتك وتطلع أقوى. وربنا يسهلك طريقك وتخلص جيشك سالم غانم 💛💫

عرض الكل 2 نصيحة

Strawberry_72714 🇪🇬

منذ شهرين

شعور مزعوج

عبّر عن شعورك بشكل مجهول

انهارده حصل معايا موقف في المدرسه ضايقني جدا ومش عارفه المفروض اخد موقف من صحبتي بسبب الموضوع دا ولا لا انا عمتا في ثانوي انا وصحبتي كنا ماشيين الصبح للمدرسه ف لما دخلت المدرسه لقيت واحده صحبتي المهم سلمت عليها وكدا حتى محضنتهاش ولا اي حاجه سلمت عليها بايدي وقولتها عامله ايه وكدا وبس وصحبتي اتضايقت عشان سلمت عليها و راحت مشيت من جنبي مع ان قعدت اشدها جنبي بس هيا مشيت المهم قولتلها ايه المشكله لما اسلم عليها السلام لله المهم الموضوع عدى واخدته بهزار وكدا وهي كمان بينتلي كدا بس معرفش اذا كان فعلا اخدته بهزار ولا لا المهم اليوم مشي تمام وكويس لحد اخر حصه كنا مطلعين التليفونات تحت الديسك وبنتصور المهم جات واحده هي لسه عارفاها من كام يوم حرفيا جات بتقولها بتتصورو ومطلعين التليفون بهزار يعني المهم لقيتهم بيحضنو بعض وبتاع قولت عادي مش مشكله بيسلمو على بعض بس بعدها لقيتها بتقولها تعالي انا معايا التليفون نروح التويلت نتصور هناك مافيش حد راحت صحبتي سابتني واحنا كنا بنتصور ورمتلي التليفون وسابتني ومشيت حتى مقالتليش تعالي معايا او حتى البنت التانيه سلمت عليا ولا رمت السلام اتضايقت طبعا عشان مبحبش اكون زي اللي اطرش في الزفه زي ما بيقولو قولت هحاول مبينش اني اتضايقت ومش لازم اعمل مشاكل المهم جيه بعديها التيتشر بتاع الانجليش عملت امتحان مفاجيء ومحدش كان مذاكر وكدا المهم دا كمل عليا واتضايقت وقعدت اعيط كتير لان الامتحان بيضاف من درجات اعمل السنه 15 درجه وتقريبا محلتش الا سؤالين او تلاته صح بعدها عملت نفسي متضايقه ممثلتش بس دا كان بجد هي راحت بتقولي في ايه قولتلها مافيش حاجه وسيبيني في حالي بعدها تاني مره مش فاكره قالتلي ايه روحت قولتلها وزعقت مالكيش دعوه بيا راحت قالتلي احسن انشالله تولعي واتفلقي وانا كنت بعيط اصلا والمشكله هيا عارفه والله مبحبش اكبر مواضيع بس بحس انها قاصده تضايقني زي ما هي مفكره اني بضايقها لكن والله انا مش قاصده كدا خالص او زي مثلا بتديني واحده بواحده فاهمين المهم بس مشيت ومكلمتهاش في اخر اليوم وكنا متفقين نخرج مكلمتهاش ولا هكلمها هي طبعا متعرفش اني متضايقه بسبب موضوع البنت اللي جات دي مفكره اني متضايقه بسبب الامتحان انا اه متضايقه اكيد بس مش اكتر من الموقف اللي حصل قبليه وسابتني ومشيت كدا من رأيكم اخد موقف كبير منها ولا اعدي عادي ولا اسكت ؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Hazelnut_77351 🇪🇬

منذ شهرين

شعور عاطفي

عبّر عن شعورك بشكل مجهول

انا اسف لو هطول عليكو شويه بس محتاج اشارك قصتي عشان يمكن حد يفهمني انا مفروض اعمل ايه انا عندي 20 سنه ممكن يكون كل اللي هقولو دا معناه اني ضيعت مشاعري كلها تقريبا ف سن صغير بس انا عارف ان انا اللي اخترت كل دا وانا ف تانيه ثانوي تقريبا انا مكنتش بصدق زمان اني ممكن اتحب من واحده او ان دا اوبشن موجود اصلا تقدرو تقولو مكنش عندي ثقه ف نفسي ساعتها كنت بفضل اشوف اللي ف سني وعايشين قصص حب وكان بيبقا نفسي اعيش زيهم واجرب كل حاجه بيعملوها بس كنت ببقا عارف من جوايا ان مستحيل اتحب يمكن دا بسبب اني اتولدت وحيد وكنت قليل الكلام ومكنتش اجتماعي مكنتش اعرف بنات حتى لحد تانيه ثانوي كنت اعرف بنت معايا ف المدرسه هنسمي البنت دي (م) كانت اول مره ف حياتي تقريبا اكلم بنت ف حياتي كانت هي دي وكانت هي اللي داخله مكلماني ف الاول البنت دي كانت معايا من اول ابتدائي ف المدرسه بس عمري ما كلمتها المهم اننا اتكلمنا فتره وقربنا من بعض بس كانت هي دايما تقولي ان احنا صحاب وبس وبيست فريند والكلام دا انا بحكم اني مكنتش بكلم بنات قبل كدا فا مكنتش فاهم اوي ان دي بتبقا تلميحات شيلتها من حساباتي ومكنش عندي اي مشاعر ليها وكنت بتعامل معاها على اننا صحاب وبس دايما لحد ما ف يوم عرفت ان في بنت كانت معجبه بيا ف الفصل معايا بردو  هنسميها (ح) وعملتلي فولو ع الانستجرام الصراحه ف الاول كنت متردد اكلمها ولا لا بس بعد فتره لما بدأت اخد بالي منها بدأت تعجبني وحسيت انها بنت حلوه ومحترمه وملهاش اي صوت ف المدرسه بحكم اننا كنا مدرسه خاصه صغيره فا حرفيا كلو كان عارف كلو المهم انا قررت اكلمها ف نفس وفعلا اتكلمنا وفضلنا نقرب من بعض ف نفس الوقت دا كانت (م) اللي مفروض انا وهي صحاب بس من ساعت ما عرفت (ح) دي وهي بتعمل حاجات غريبه وكانت دايما تقولي متقربش منها وانا مكنتش ببقا عارف هي ليه بتقولي كدا بس كنت باخد الموضوع ب هزار لحد ما ف يوم لقيتها بتقولي انها بتحبني وانا مكنش عندي اي مشاعر ناحيتها انا كنت ببني مشاعري كلها مع (ح) وكنت شبه حبيتها فا مكنتش متوقع نهائي ان (م) تطلع بتحبني كنت شاكك بس متقوعتش تقولي ف نفس الوقت انا مكنتش عايز اخسرها كا صاحبه ليا مكنتش عارف اعمل ايه فضلت افهمها ان انا مليش مشاعر تجاهها وهي قررت انها متبعدش قررت نفضل صحاب واكنها مقالتش اي حاجه لحد ما دخلت انا و(ح) ريليشن وهي طبعا مكانتش تعرف اني بكلم (م) فا (م) كانت بتقولي اننا نبعد وكدا عشان (ح) وانا رفضت قولتلها ان انا هعرف اتعامل وعادي لحد ما ف يوم حسيت ان اللي انا بعملو دا غلط وان انا بجد بحب (ح) فا دخلت قولت ل (م) نبعد حسيتها اتضايقت عشان هي قالتلي قبل كدا وانا رفضت المهم انها صعبت عليا فا قولتلها اني كنت بهزر ومبعدناش ف نفس الوقت ضميري كان بيأنبني ناحيه (ح) وكنت خايف انها تعرف حاجه فا تبعد عني فا عملت اسوء حاجه ممكن تتعمل قررت مردش على (م) تاني ومفهمهاش اني بعدت فضلت تبعتلي وتكلمني وانا مبردش وكملت مع (ح) 6 شهور بالظبط ف ال6 شهور دول انا كل بشوف كل انواع الred flags اللي ممكن اي حد يشوفها حرفيا اول شهرين كانو من احلى الشهور ف حياتي كانت تنزل ومتقوليش وتسافر ومتقوليش واكني مش ف حياتها ومكانتش دي المشكله بس المشكله انها كانت بتبقا عارفه اني قايلها اني عايز انزل معاها عشان مكناش نزلنا مع بعض غير 3 مرات ومبنشوفش بعض بره المدرسه حرفيا فا كانت دايما تقولي اول ما انزل مع صحابي هكلمك تيجي عشان هي مكانتش بتعرف تقعد معايا لوحدها عشان اخوها او باباها لما بيجي يوصلها او ياخدها بيشوفو مين معاها بس انا كنت بحس انها مش عايزه تشوفني مكانتش بتقولي اي كلام حلو زي اي اتنين بيحبو بعض حتى كلمه بحبك مكانتش بتقولها من اول ما دخلنا ريليشن عمرها ما قالتها لما جيت سألتها ع الموضوع ف مره قالتلي انها بتتكسف ولما تحس انها عايزه تقول هتقول انا مش عارف ازاي دا لحد دلوقتي ملفتش نظري ل اي حاجه وان كل دا كان لعبه من الاول لما طلبت منها تشيل الولاد اللي عندها ع الانستجرام قعدت تقولي مبحبش الجو القديم دا مع اني شلت البنات اللي عندي من غير ما هي تطلب لما دا حصل قولت ان انا مش هكلمها وهستناها تكلمني تصالحني كان الكلام دا ف العيد الصغير 2023 عدا يوم والتاني ولسه مكلمتنيش ف اليوم التاني كنت نازل مع صحابي وشوفتها صدفه ف نفس المكان اللي كنت فيه اتعصبت انها نازله مع صحابها عادي ومبسوطه وسايباني اولع بقالي يومين وسبت صحابي وقعدت لوحدي ومقدرتش استحمل روحت داخل مكلمها مصالحها انا لحد دلوقتي معرفش عملت كدا ليه المهم بعد فتره بدأت تتعامل بطريقه اغرب بدأت تبقا اونلاين ومتردش عليا تسبني بالخمس والست ساعات متعلق والاقيها فاتحه انستجرام او واتساب عادي وكل ما اسألها تقولي نايمه او مش فاضيه كانت دايما واحنا بنتكلم بليل تقفل تليفونها وتنام من غير ما تقولي سلام حتى او انا هنام بس الموضوع دا كان من اول ما عرفنا بعض فا كنت متعود عليه شويه مع انو مش عادي بالمره الباقي اللي كان غريب بنسبالي لدرجه انها في يومين كاملين مردتش عليا فيهم وانا كنت فاكر انها حصلها حاجه وكنت قلقان جدا عليها لما فتحت بعدها لقيتها بتقولي انا كنت بذاكر والتليفون كان مسحوب مع اني كنت بشوفها ب عيني اونلاين المهم انا كنت حاسس ان كل دا ممكن يتغير لما ناخد الاجازه بس حصل عكس كدا تماما حرفيا لما خدنا اجازه تانيه ثانويه هي مكانتش بترد عليا غير كل 12 ساعه ومش ببالغ كانت بتعاملني معامله المضادات الحيويه بجد ولما كنت اسألها كانت تتحجج بالحجج بتاعتها انها تعبانه او مع اهلها او نايمه طول اليوم او بتعمل اي حاجه وانا زي الاهبل كنت بصدق كل دا كنت كاتم جوايا حاجات كتير اوي وكنت حاسس ب نقص وكنت حاسس اني محروم من حاجات كتير لحد ما ف يوم وتحديدا كان قبل عيد ميلادي ب اسبوع دخلت صارحتها ب كل حاجه وقولتلها اللي جوايا وكنت بقولها ف الاخر اني عاي نصلح كل دا عشان بحبها مع ان حرفيا اي حد مكان مكانش كمل ف العلاقه دي لقيتها بترد عليا اسوء رد ممكن يترد لقيتها بتقولي ان ملهاش لازمه كل دا وان انا اشوف حد تاني احسن عشان هي هتخش ثانويه عامه واهلها هيركزو معاها انا طبعا مكنتش عايز اخسرها فا قولتلها اكيد في حل انا عايز احل كل دا انا بحبك لقيتها مردتش عليها حسيت انها اتضايقت تاني يوم مكانتش لسه ردت عليا روحت باعتلها قايلها انا مكنش قصدي حاجه من كل اللي اتقال امبارح وفكك منو وخلاص تعالي نكمل زي ما احنا انا مش عايز غيرك الكلام دا كنت باعتو يوم 5/6/2023 ولحد النهارده هي مردتش عليا بعد يومين ادركت انها خلاص مش هترد ومبعتلهاش تاني عشان لقيتها بتنزل ستوريهات ومبسوطه ف حياتها فا حسيت اني مليش وجود ف حياتي حاولت انساها كتير وشغلت نفسي اكتر بس كنت عايش ف حاله مش عايز اقول عليها اكتئاب بس انا مكنتش كويس خالص  ف بعدها وكنت بفتكر (م) وكنت بفتكر كلامها وانها كان نفسها بس ف كلمه حلوه مني وانا ضيعتها وسبتها بنفس الطريقه اللي اتسبت بيها بعدين من (ح) بعد شويه شهور قررت اكلم (م) احاول نرجع نتكلم حتى ف الاول هي كانت رافضه بس بعد محاولات كتير مني وافقت نتكلم فضلنا حلوين اوي مع بعض لمده شهر لحد ما جت ف يوم قالتلي انها مش حاسه كل اللي بيحصل دا وانها مش عايزه تكمل مدتنيش فرصه حتى ارد اسألها عن السبب وسابتني لوحدي مع دماغي كنت ف الوقت دا ف بدايه ثانويه عامه حاولت اركز ف الدراسه واشغل نفسي بس كنت دايما بفتكر (ح) وكان بيبقا نفسي اكلمها واحكلها عن اللي بمر بيه واتطمن عليها هي كمان ونشارك بعض مكنتش ببقا عارف اعمل دا ف يوم من الايام في واحد صاحبي ليه علاقه ب واحده صاحبت (ح) بس مش صاحبتها اوي بس ليها علاقه بيها بيتكلمو وبيقعدو مع بعض ف المدرسه قولتلو متحاول تخليها تكلمها نرجع او تسألها حتى هي عملت كدا صاحبي قالي حاجه كانت كفيله تخليني مش عارف اثق ف اي حد تاني ف حياتي قالي ان (ح) وهي معايا ف نص الريليشن او اولها كانت ف ريليشن تانيه مع الاكس بتاعها وانها كانت بتوري الشات بتاعنا انا وهي لصحابها ف المدرسه وتقريبا كانت بتفرج نص الدفعه عليه وتفضل تتريق عليه وتقولهم بصو بيقولي ايه ويضحكو انا مكنتش عارف اصدق هو طبعا كان جايب الكلام من البنت اللي كان بيكلمها بس انا مستوعبتش مكنتش عارف اصدق مع ان المنطق وكل اللي حصل بيقول ان الكلام دا حقيقي بس انا مكنتش قادر اصدقو كان نفسي اتأكد منها حتى انو صح حاولت اتخطي كتير كان بيجي عليا وقت بفتكر اني نسيتها ومتبقاش ف بالي فعلا بس دايما لازم يحصل حاجه تفكرني بيها واحس اني ف نقطه الصفر وحتى وانا حاليا مفروض ف ريليشن بقالي  10 شهور لسه بتيجي ف بالي ساعات وبفتح صورها ومبعرفش ايه السبب لحد دلوقتي مهما كنت مع غيرها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_45204 🇪🇬

منذ شهرين

شعور وحيد

انا في تانية ثانوي مشكلتي اني بكره المدرسه و مش لاقي حد شبهي و حاسس اني واحيد المشكله ان دي يعتبر اخر سنة في المدرسة و انا معملتش صحاب حقيقيين و خايف اوي من انا ميبقاش عندي صحاب خالص و بذات ان في الجمعة ان انا اعمل صحاب أصعب من المدرسة نفسي يبقي عندي صحاب بيكلموني و ننزل مع بعض و كدة يعني بس بجد

Sugar_67863 🇪🇬 هقولك علي حاجة وتسمع كلامي ، انا كنت زيك وحاليا تالته جامعة عايزة اقولك حتي لو لاقيت صحاب هتكون وحيد وسطهم . صحاب ابتدائي فين بح اعدادي بح ثانوي هتكو بح وبح وبح مليون مرة كله هيتسوح في مكان متستعجلش بلاش الشيطان يحسسك انك من غير صحاب ولا حاجة .. بالعكس انت كده في أمان خلي علاقتك بالكل سطحية اهتم بمذاكرتك ثم مذاكرتك الف مرة وركز انت عايز توصل لايه عشان متغلطش الغلطة اللي انا واقعه فيها

عرض الكل 2 نصيحة

Strawberry_61359 🇪🇬

منذ 3 أشهر

شعور مستنزف

هو انا طالب لسه هختار بين ثانوي وباكلوريا صليت استخاره واخترت ثانوي قبل كدا بس امي بتضغط عليا وعايزني اغير باكلوريا اخر معاد بكره لو غيرت هكون في مدرسة تانيه مش نفس مدرستي ابعد لكتير وهركب لها موصلات مع ان مدرسة الثانوي جنبي حرفيا شايفها من البلكونه وكمان مش هكون مع صحابي وبجد يعني مضغوط عليا اوي اع

Mango_74602 🇪🇬 أما موضوع تغيير المدرسة والبعد عن صحابك، دي مرحلة وهتعدي، وهتقدر تتأقلم وتعمل صداقات جديدة مع الوقت، بس الأهم إنك تكون مطمّن لخطوتك. خلي ثقتك في ربنا كبيرة، وخد قرارك بناءً على اللي يريح قلبك مش بس على ضغط الناس.

عرض الكل 3 نصيحة

Cherry_62918 🇪🇬

منذ 3 أشهر

شعور محبط

Chilli_64722 🇪🇬 سيبك من الخازوق اللي عايز يوقعك ف الكومنت اللي فوق دا هو فيه احتمالين ، الاول انه محترم وكويس و بعد عشان يكون نفسه و يتقدملك ف الحلال، التاني انه اصلا قرب منك صحوبية و بتاع وخلاص

عرض الكل 8 نصيحة

عبّر عن شعورك بشكل مجهول

ف الاول حابه اقؤل انا انسانه اجتماعيه جدا عمري ما توقعت ان هيجي يوم وابقي محتاجه افضفض ف برنامج فضفضه كدا. 
انا كنت اعرف واحد مش هقول كنت مرتبطه بيه لاننا مكناش مرتبطين معرفش اسمي علاقتنا اي بس هي ولا ارتباط ولا اصحاب اكتر من اصحاب ومش مرتبطين انا وهو مقتنعين ان الحب بيبوظ العلاقات هو كان اول شخص يدخل حياتي وانا مكنتش اول شخص كنت تاني واحده بس الاولانيه دي كانت في فتره الاعدادي كانو اطفال ف انا مش حسباها عليه المهم هو محترم جدا ومتدين وحنين جداا فوق ما تتوقعو دمو سكررر بيعرف يخرجني من اي مود وحش بسرعه انا وهو كنا ٢٤ ساعه مع بعض المهم احنا حاليا ف تالته ثانوي هو ديما كان بيقولي كلمه خايف اتعود عليكي كنت بستغرب بس بعديها المهم جيت ف مره وسالتو ليه خايف تتعود عليا هو انت مش بتحبني او مش عايزني في حياتك طيب ولا انت عارف ان هيجي يوم وتبعد ف بتسهل ع نفسك الموف اون وضحكت راح قالي بالعكس انت اخر شخص ممكن ابعد عنو انت جزء من حياتي الجزء الحلو منها انت متعرفيش انت اي بالنسبالي انا عشت معاكي زكريات عمري ما عشتها مع حد انت وانت وانت المهم اطمنت وسكت بس جه بعدها بفتره وفتح الموضوع ده تاني وقالي لو ممكن نبعد فتره الي هي سنه الثانوي تعدي علشان ربنا يوفقنا لانو اكيد مش هيوفقنا واحنا بنعمل حاجه تزعلو انا تفهمت ووافقت بس بعد ما بعدنا انا تعبت قوي حاليا بقالنا اسبوع وانا مش قادره اتخطي ولا قادره اكمل ثانوي من غيرو وخصوصا انو قبل ما يمشي اعترفلي بحبو هو كذا مره يلمح بس المرا دي اعترف وعلقني بيه اكتر هو قالي انا مستحيل انساكي حتي لو بعدت خليكي فاكره وان بعدي عنك صعب عليا اكتر منك والله بس اعمل اي وقالي هستناكي بعد سنه تكوني احسن دكتوره وانا اكون مهندس ونكمل سواا وهو عارف دماغي قالي اوعي تفتكري انك ف يوم كنتي تقيله عليا وانك اخف حاجه ع قلبي والبلوك الي هعملو ده لاني مش بقدر امنع نفسي اكلمك انا ادمنتك وشويه كلام من النوع ده كان بيطمني وكدا وقالي لو احتاجتي حاجه ابعتي من فون مامتك لان ماما عرفاه بس متعرفش الي ما بينا المهم انا اتفاجاءت ان البلوك مش واتس بس وانو ع كل المواقع من الصدمه عملتلو بلوك حتي من تلفون مامتي انا مش عارفه انا صح ولا لاء اشيل البلوك واكلمو واطلب منو واتعامل عادي واستناه واهو سنه وتعدي ولا اكمل وخلاص الي بينا يخلص ع كدا ومنرجعش نتكلم تاني انا بحبو بس مش عارفه ليه زعلانه منو بالرغم اني متاكده من حبو وعارفه انو بيتعذب زي ممكن تقولولي اعمل اي والنبي 😭 علشان انا تعبت والله 😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_71004 🇪🇬

منذ 3 أشهر

شعور مكسور القلب

جماعه انا في اوله ثانوي عام ونفسي بجد اطلع دكتور وخايف اتظلم اوي اوي في اني مثلا مطلعش حاجه زي كده يعني الناس كلها بتقول علي الثانوي العام انو ظالم ومعظم الناس عارفه كده فانا خايف اكون ضحيه لده وبجد هيخسره دكتور شاطر جدا لو عملو كده 😂

Coconut_70924 🇪🇬 اعمل اللي عليك وإجتهد وربنا مش هيضيع تعبك

عرض الكل 12 نصيحة

Nutella_65016 🇪🇬

منذ 4 أشهر

شعور متعب

الوقتي انا عايشه مع بابا رافض يخليني انزل دروس واول ماقولتله قالي مين هيدفعلك الفلوس قولتله انت قال مش دافع حاجه قولتله خلاص انا هنزل اشتغل وادفعهم ل نفسي وخلاص قال طيب ابقي عدي من الباب وانا دلوقتي ثانوي عام مش عارفه اعمل اي والله تعبت هوا عارف ان انا مستوايا كويس وعاوز يقعدني علشان مااوصلش ل حاجه

Hazelnut_64540 🇪🇬 معلش في ناس مريضه نفسيا بتطلعوا ادهى على الناس

عرض الكل 13 نصيحة

Coconut_63666 🇪🇬

منذ 4 أشهر

شعور متوتر

من ساعت ما دخلت ٣ ثانوي وانا حاسس ان مذاكرتي ضعيفه جدا مقارنه ب الي عاوز اجيبه قولت في الأول ده مني انا و من كثره القعده على التليفون بس لما لقيت اني بهرب من المذاكره ب أي طريقه بس مكنتش مركز في الموضوع ده الاول لحد ما في مره صادفت فيديو بيتكلم عن الadhd وسمعت كلام منه عن حاجات بتحصلي في الأول انا

Strawberry_63646 🇪🇬 لا روح اكشف وابعد عن صاحبك وقرب من ربنا اعرفه كلما بتهر دور اعرفه اعرف معاني كل كلمه بتقولها في صلاتك وانت علي فكره كويس انت بس أقنعت نفسك انك مريض فمرض روح اكشف وربنا يارب ينجحك ويحفظك

عرض الكل 1 نصيحة

Orange_61590 🇪🇬

منذ 5 أشهر

شعور ضائع

السلام عليكم كل يوم هحكيلكم حكايه شكل وانا في تانيه اعدادي كنت باخد عند مستر انا واتنين صحابي واحده منهم (بسمه )ضعيفه في مادته ف لقيته في مره قعد جمبها اوي يجماعه بشكل غبي يعني دول لو كانوا بصوا في وش بعض كانوا خلاص يعني صحبتي دي غلبانه شويه ف لما خلصنا الدرس طلعت قولتلها يعني انها تخلي في مسافه

عبّر عن شعورك بشكل مجهول

السلام عليكم 
كل يوم هحكيلكم حكايه شكل 
وانا في تانيه اعدادي كنت باخد عند مستر انا واتنين صحابي واحده منهم (بسمه )ضعيفه في مادته ف لقيته في مره قعد جمبها اوي يجماعه بشكل غبي يعني دول لو كانوا بصوا في وش بعض كانوا خلاص يعني

صحبتي دي غلبانه شويه ف لما خلصنا الدرس طلعت قولتلها يعني انها تخلي في مسافه ، الحصه التانيه جيه قعد جمبي ف بعدت عنه شويه  ف قالي ايه ده في ايه متقربي ف قولتله لا انا شايفه كده ف بصلي شويه وبدأ يشرح ،

ف برضو المستر لما كان مدينا مذكره يعني نحلها قومت لقيته حاطت رجل على رجل وقاعد ف قولتله مستر حضرتك السؤال ده غلط قام قايلي لا ده عندكم في الكتاب ف قالي بصي هاتي الكتاب وانا هوريكي قولتله تمام اديته الكتاب قام فتحه بسرعه وراني المعلومه وحط كتابي على رجله لدقيقه مستوعبتش ليه حطيته على رجلك ؟ انا كنت قدامه يعني المفروض تدهولي ف ايدي 
انا مفهمتش يعني ايه الفكره من حركه زي دي وخدت الكتاب وتمام ،

كان دايما المدرس ده يقف حاطط رجل على الأرض والتانيه مرفوعه على الديسك ويلزق جدا وكان دايما بيلبس بنطلونات جينز ضيقه انا قولت مش هعيد الكلام ده تاني وهمشي من عنده

المهم صحبتي دي قابلت مامتها ( مامت بسمه )كنت اول مره اشوفها  كان معايا صحبتي (مرام ) ف معاملتها كانت غريبه قعدت تسأل كأني في محكمه ، قالتلي هو انتو كل شويه تخرجوا من عند مدرس هو في ايه ؟ وايه بقى حكاية ان المدرس قعد جمب بسمه ده ف قولتلها انه يوميها مرام كانت غايبه وحصل كذا كذا حتى لما كنا بنادي على بسمه علشان تبعد وتبعد فعلا كان بيقرب جدا 
قالت لمرام هو الكلام ده بجد ؟ ف مرام قالت إنها فعلا مكانتش موجوده ، قامت قالت يحبيبتي أنتِ وهى كل الرجاله كده كل الرجاله بيحاولوا مع البنت لكن البنت المفروض هى اللي تحط حدود هى اللي تتحكم في الراجل امتى يحترمها وامتى يتمادى معاها وتقول انا عن نفسي وانا في ثانوي كان مدرس كذا كذا بيحاول معايا 
وانه لما اشوف المدرس بيعمل الكلام اقرأله قرأن ف انا مش فاهمه هو احنا بنقولك عليه عشيرة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_59553 🇪🇬

منذ 5 أشهر

شعور مستنزف

جماعه انا شلت انجليزي السنه دي وانا تالته اعدادي ف اعمل ايه 1- امتحن انجليزي و ادخل اي مدرسه غالبا مش هيبقلها مستقبل 2-مرحش الامتحان و اعيد السنه بس احاول اجيب دراجات اعليَ تدخلني اي حاجه ليها مستقبل غير ثانوي 3-اشوف المحافظات التانيه تنسيقاتهم كام و ادخل اي مدرسه هناك

Pistachio_56152 🇪🇬 انت كده متاكد انك هتعرف تمشي في ثانوي عام؟

عرض الكل 11 نصيحة

Ice Cream_29289 🇪🇬

جوازي من مدرس ثانوي قديم وعلاقتنا بعيدة.. حياتي كئيبة

ازيكم ياشباب عاوزاه احكيلكم مشكلتي وياريت لو حد عنده حل انا عندي 22 سنه ومتخرجة ويشتغل الحمد لله وانا في تانيه ثانوي كنت بروح درس فيزياء عند مدرس نوعا ما صغير في السن بس هو كان طبعه شديد جدا كمدرس وكنت بخاف منه جدا وكنت مضطرة اروحله عشان هو يعرف اخويا ومامتي وكده ف كنت هتحرج اني مروحلهوش وفي نفس الوقت لو قولتلها في البيت على المبرر اللي مكنتش عاوزه اروح ليه مكنوش هيرضو اني اسيبه عشان هو ما شاء الله شاطر جدا كمدرس المهم تانيه وتالته ثانوي عدو بالعافية والحمد لله مبقتش يشوفه خالص عشان هو من منطقة واحنا من منطقه وبالنسبه لانه مدرس ومتجوز مش هيسال على طالبه عنده يعني المهم الفترة اللي كنت باخد معاه فيها كنت بحس فيه تناقض كبير في تعامله معايا ساعات يبقى بيتلكك عشان يضربني وساعات يبقى عارف اني مش مذاكرة وميرضاش يسالني ويسأل كل اللي حواليا الا انا وفي مرة والله العظيم سألني شفوي على سؤال في المنهج وجاولت فضل يسأل اسئله لحد م سال على معلومه والله مش في الكتاب ولا المذكرة هو كان قايلها معلومه عامة وانا مكتبتهاش وراه ف ده السؤال اللي غلط فيه وسط خمس أو ست اسئلة تقريبا وضربني وساعات من توتري يبقى عارف اني مش مذاكرة أو مش عامله الواجب وميرضاش يسالني المهم حمدت ربنا أن السنتين خلصو بالعافية ومن حوالي سنه كنت في عزا والد واحده صاحبتي في المنطقه اللي هو فيها ف اتقابلت مع البنات اللي كنت اعرفهم ساعة الثانويه وكده المهم بعد العزا اتمشينا شويه وجت سيرته ف قالولي ده ... طلق مراته ف بقولهم ليه قالولي أنه خلف ولد السنه اللي قبلها يعني في الفترة دي عنده سنه تقريبا وعنده ضمور في المخ وعلى طول بيكشف عليه وكده وطبعا عشان ظروف شغله مش بيعرف يروح يكشف عليه اغلب الوقت ف ديما مراته بتروح مع أمه أخته اي حد المهم أن مراته جت في مرة في أيام هو عليه فيها مراجعه وقالتله لازم تيجي معايا وهو مرضاش وحصل حوار وهما أطلقوا بسبب الموضوع ده هي اكيد كانت شايله من قبلها بس هي بتيجي على سبب تافهه كده المهم اني قولتلهم لو بيعاملها زي م بيعامل الطلاب وزي م كان بيعاملنا حقها تتطلق (هو عنده منها بنت عندها5 سنين وطفل اللي كان عنده ضمور واتفى من فترة ) المهم انا برده مليش علاقه بيه بعد الموضوع ده بفترة لقيته كلم اخويا أنه يتقدملي وكده مع اني مشفتهوش من ايام ثانوي يعني اربع سنين تقريبا المهم كنت خائفة عشان أسلوبه وطباعه الشديده جدا كنت خائفة يبقى كده في البيت بس اهلي اقنعوني أنه اكيد في البيت مش زي الدرس ومراته حاجة تانيه والحاجات دي كلها وانا اقتنعت وصليت استخارة وحسيت اني مرتاحه وطبعا الجواز تم بسرعه جدا قعدنا 5 شهور بس خطوبه ومعملناش فرح عشان ابنه كان متوفي قريب وكمان هو عمل فرح قبل كده وغير كل ده انا مش برتاح في الزحمه واني ابقى انا محط الأنظار والكلام ده كله ف وافقت أن ميبقاش في فرح بس طبعا في اشهار والكل كان عارف وكده اتجوزت ولسه حاسه ان في مسافة كبيرة جدا بينا البس واتشيك مش عشان العلاقة انا بحب اني ابقى بطبخ وملابسه لبس كويس يعجب جوزي ومفتوح وضيق وحاجات من دي وخاصة اني مش معايا عيل ولا حاجة وبخلص شغلي واجي وهو عشان السنتر بتاعه بيجي متأخر عني بكتير ف ببقى براحتي وانا بطبخ واروق الشقة وكده قصدي ببقى مش مستعجله يعني في أول الجواز حاجة دي دي جديده عليا اني اطبخ واروق وكده وفي نفس الوقت لابسه ومتشيكه وكل حاجة مظبوطه الاقيه بيجي ياكل ويعد يعمل شيتات وامتحانات والكلام ده انا ببقى نفسي في كلمه والله بس مش اكتر ومش هتاخد منه وقت ولا حاجة حتى بحسه مش بيبص مش مبهور زي م كنت مستنيه كأنه متعود على كده ف قولت اكيد عشان كان متجوز قبل كده وممكن يكون متعود على المنظر وكده يجي بعد م يخلص شغل في البيت أقوله عملت ايه انهارده يقولي هعمل ايه يعني شرحت مع أن ايام م كنت طالبه عنده كان في كل مجموعه مشكله وحوار بيحصل بس مبقولش اي حاجة في واحد صاحبه مدرس كنت باخد عنده برده كيميا اتفاجئت أنهم قاطعوا بعض من فترة عرفت من واحده صاحبتي واضافت جدا أنه محكاليش ولا جاب سيرة الموضوع حاسه علاقتنا بعيده جدا حتى هو مش بيسال بيسيبلي فلوس الصبح وانا بروح شغلي واجيب حاجة البيت واجي اعمل الاكل واروق وناكل ويعد كل واحد في حته مضايقة بجد من العلاقة دي وعشان هو تعبان ف بينما بدري طبعا وبيصحى الفجر يعد بقى مش بينام ف أقوله مبتصحنيش نعد مع بعض شويه ليه يقولي عادي بنته بتيجي عندنا يوم ويوم تعد شويه بعد شغله والله العظيم بعاملها كويس جدا ك معامله واكل وشرب وهدايا والكلام ده كله بس هي واخده طباع ابوها كلها تعد تقوله دي وحشه وماما احلى يقولها ماشي وعادي والكلام ده كله مع اني في الملامح والجسم احلى من طليقته بس هو اصلا مش بيحب حد ولا ببعجبه حد سواء انا أو طليقته وشاكه اصلا أنه كان عايش نفس العيشه دي مع طليقته وده سبب الطلاق بس هي استحملت خمس سنين انا مبقتش قادرة حاسه اني جايه اخدمه وأشوف طلباته وخلاص انا في بيت ابويا كنت باجي من شغلي انام واصحى اكل واعد بجد مش دي الحياه اللي كنت عاوزاها خالص كنت عاوزه حد يبقى حنين عليا وبيحبني ويسمعني كنت عاوزه اختار بيتي لنفسي مش اروح اشوف بيته اللي كان عايش فيه مع مراته كنت عاوزه لما بنته تقوله دي وحشه يقول في حقي كلمه حلوة اكتر سبب خلاني اوافق عليه أنه لما جه اتقدم بعد اربع سنين مشافنيش ولا يعرف عني حاجة وكمان علاقته باخويا مش صحاب هما ممكن يتقابلو مرة كل سنه مثلا عشان طبعا احنا في منطقه وهو في منطقه المهم اني قولت اكيد كان معجب بيا مثلا ف لما طلق جالي وكنت متخيلة بقى اني هشوف تعويض عن أي حاجة بايخة حصلت ايام ثانوي كمان ساعات لما النقاش يتحد بينا على اي حاجة بشوفه المستر اللي كنت بروح عنده درس تلاقيه بيزعق بطريقة تخوف واحسه هيضربني بصراحة ف بخلص الموضوع وبعتزر كمان بس ببقى مضايقة اوي واحس اني مكسورة حياتي بجد كئيبه اوي ومفيش خروج ومفيش جواز اصلا وفي نفس الوقت خايفة أطلق بعد سنه واحده بس جواز وأقل كمان وحاولت معاه كتييير أنه يتكلم معايا بس بس هو الاجابه أقل من السؤال بكتير وسالت أخته بطريقة مش مباشرة قالتلي هو كده ومش بيحكي حاجة لو انتو مكاني هتعملو ايه وياريت راجل يقولي سبب معاملته دي ايه بس محدش يقول إنه بيحب طليقته عشان هو اصلا مبعرفش يحب هو كل حياته جد كده كنت هسال طليقته صحيح قبل م اتجوز عن سبب الطلاق والسبب اللي خلاها تطلق على سبب فارغ بس كان ابنها لسه متوفي ف مرضتش اسالها ...عرض المزيد

2 الدعم

15 نصيحة

Candle_73846 🇪🇬

مش نازله مع صحابي هروح اعمل بشاميل واقعد

اوكي مش هنزل مع صحابي 😃هيضربوني بس مش نازله هروح اعمل بشاميل واقعد زي الشاطره وبس تعالو نكدب كدبه وحده بتتمنو تبقي حقيقه انا اخدت حزمه شياو البنت الي نازله ف فري فاير ااااااااااااااااااااااااااااااااااااااااااااااااااااااااااااااااااااا ...عرض المزيد

2 الدعم

13 نصيحة

Strawberry_77918 🇪🇬

عايزة أتعلم عن الإسلام بالتفصيل من كل ناحية

لو حد عايز يتعلم عن الاسلام بالتفصيل من كل ناحيه و يعرف كل حاجه في الدين زى دراسه مش مجرد معرفه و خلاص ايه الكتب أو الفيديوز مثلا بلايليست على اليوتيوب ترشحولى انى اشوفها محدش يدخل يسألنى انا كام سنه و عايزة اعرف ليه و بدرس ايه لان دا ميخصكش في حاجه اللى عنده اقتراحات او نظام معين امشي عليه هكون شاكرة ليه جدا بدون الدخول في تفاصيل شخصيه ...عرض المزيد

2 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع