جبر خاطر

Mango_30835 🇹🇷

منذ 10 أشهر

شعور مرهق

عبّر عن شعورك بشكل مجهول

ادعولي ربي يجبر خاطري أنا مش عايزه غير جبر انا تعبت بجد عارفين أنا وصلت لمرحلة ان أنا بقيت فاهمه وبدأت خلاص مرحلة النضج وبقى مش فارق معايا حاجات كتير يعني بقيت فاهمه نفسي بجزء كبير وعارفه ازاي الواحد يتعامل مع مشاعر وكلام كتير ممكن يقولو بتوع اخصائيين السلوك سواء من الي قرأته أو اتعاملت معهم منهم أو حتى من تجاربي والي عيشتو بس انا تعبت بقيت حاسه الدنيا مكان صعب عارفه أن ربي بنفسه قال لقد خلقنا الانسان في كبد وعارفه أنه قال إن الإنسان لفي خسر والايه التانيه الا الذين .. والدنيا حاسها مكان مقرف بالفتن الي فيها والناس الي بوشوش حتى الي بيهاجرو ببلاوي عالعلن وأنه القابض على دينه كقابض على جمره بس مش ديه المشكله حاسه حتى اقرب الناس ليه مش فاهمني وعندي اسئله كتير ليه ربنا بيوقعنا فناس بيبقو كل حاجه بالنسبه لينا وفجأه نلاقي نفسنا اتغدرنا منهم ليه كل ما اكبر الاقي الكل حرفيااا همه على مصلحته ومحدش بيسهل دنية الي قدامه الا نادر وربي قلبي بيتقطع وانا بكتب بس تعبت حاسه حتى اهلي مش هيفهمو أو يحسو لو عندي معاناه وهيفهمو بشكل سطحي ويعدو واكبر حاجه حاطه عليه هي اني مضطره ادوس مضطره اسكت قلبي ده تماما بقالي سنتين بحبه ومش عارفه ابص لغيرو بس هو كان بيتعامل كزماله ولما حس ويومها اقرب واحده ليه أو الي كانت وغدرت بعدين دفعتني دفع اني اتكلم معاه وانا جبت العيد يومها -من سنه- بس مش قادره اتخطى قلتله حبيتك..قصدي كزميل هو اتصدم وفهم وانا وربنا من التوتر بس ولما حبيت اعدل قلتلو ليه عملت لايك وشيلتو وعملت سين ومردتش قام ضحك وانا كنت واقفه زي الهبله بس انا محبتش غيرو هو فلسطيني أنا مصريه حبيت فيه اهتمامه بنفسه ونشاطه في الفعاليات وثقافته ودينه وحاجات كتير واتعلمت منه حاجات كتير عن القضيه بس البنت الي دفعتني اتكلم ديه راحت سالت عن جدول امتحانه فيوم لزميل عنده والزميل ده سال بتسال لمين وهي قالت علشان نعرف عن الولد ده ولما قال ليه قالت علشان بنت وهو اكييد وصلو الكلام ولاني فيوم رحت اشوفو من بعيد وهو مكنش مديني وش وصحبه كان مبحلقلي ففهمت أنه قالو وفضل فتره يبصلي يتأكد من شكوكه غالبا واخر حاجه عمل بلوك المهم ده كان من سنه أنا بقى معرفتش اتخطى وعرفت بعد كتير واحد وكنت معرفاه اني بحب زميلي ده ومقربليش غير بعد ما حاول ينسيني ولما جيت اركز لاقيت أن أغلب كلامه وتصرفاته مكنتش سالمه وانا سبته اولا لحبي ثانيا لاني عارفه الحلال من الحرام دلوقتي أنا عارفه اني لازم اتحرك وامشي واكون قويه عائلتي محافظه ومشهودلها بالحب من الكل وانا الاولى فدفعتي ومش ناقصني حاجه عارفه اني لازم اكمل بس تعبتتت واتغدر بيه من اقرب الناس وقلبي في تحطمات كتييير ودخل عالخط أنه كمان بقى اخويه يعاملني اسوء معامله ومضطره انسى حبي وانا حرفيا مش عارفه اتخطى مع اني شفت النهايه بعيني وكمان بقى دعيت بأن يارب لو خير قربه لو مش خيره انزعه من قلبي وعقلي طب ليه مش عارفه أنساه😭😭😭😭😭😭😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_21857 🇪🇬

منذ سنة واحدة

شعور عاطفي

كرم و لطف ربنا بأمي كبير اووي امبارح كان عندها عمليه و كان في احتمال ماتمشيش تاني او العمليه متنجحش او ممكن متخرجش أصلا بس من كرم و رحمة و لطف ربنا بيها العمليه نجحت و قدرت تمشي في نفس اليوم و جبر ربنا خطرها و حطرنا الحمدلله مهما اتكلمت عن كرمه و لطفه بينا مش هقدر اوصف الي حصلنا كلنا امبارح رب الخ

Tofu_19479 🇪🇬

منذ سنة واحدة

شعور مكتئب

ممكن أسأل سؤال وعايزه رد بصراحه ؟ مين ممكن يرضى ياخد واحده شايله صدرها بسبب كانسر ياريت بجد تحابوا بكل صراحه! لو أنت كشخص اتعرضت لموقف مماثل هتوافق! أنا كده هكمل حياتي مشوهه! بلاش إجابات من اللي فيها جبر خاطر أنا عايزه أعرف الحقيقه عايزه أعرف الواقع اللي هيحصل بعدين عايزه أعرف مين هيتقبل واحده زيي!

Strawberry_19519 🇪🇬

منذ سنة واحدة

شعور لا مبالٍ

ادعولى يخواتى ربنا يجبر خاطرى انا وثانويه عامه كلنا ونفرح اهالينا ونجيب مجموع

Lemon_15182 🇪🇬 ربنا معاكوا وينجيكوا من السنه دي

عرض الكل 2 نصيحة

Banana_18204 🇪🇬

منذ سنة واحدة

شعور لا مبالٍ

‏"اللهم اجعله يوم الجبر والعوض، وتحقيق الامنيات".

Apple_18162 🇪🇬

منذ سنة واحدة

شعور لا مبالٍ

أنا في انتظار اليوم اللي مش هقدر أنام فيه من شدة فرحتي و جابر خاطري انا وجميع أهلي و في انتظار عوض ربنا الجميل اللي هيقر عيونا ويجعلنا نسجد ليه شكر علي الفرحة و الجبر و العوض الجميل وراحة البال يارب اكرمنا باليوم دا عاجلاً ليس اجلاً إحنا وانتم جميعاً يااارب ياارب اللهم امين يااارب العالمين ♥️🤲

Kiwi_4495 🇪🇬

منذ سنة واحدة

شعور Bad 😞

هسيب البوست دا هنا لحد ما الحاجة اللي بعيط بسببها ربنا يكرمني فيها عشان أنا واثقة ان هيكرمني و يجبر بخاطري المرة دي كمان زي كل مرة عدت ♥️ عمرها ما كانت بحساباتنا و ربنا ليه حسابات تانيه احلي بعيدا عن منطق عقولنا ❤️‍🩹

Banana_12544 🇪🇬

منذ سنة واحدة

شعور Good 😁

يمومكوا معطر بذكر الله و جبر خاطر 🤍

Avocado_13913 🇪🇬

منذ سنة واحدة

شعور Bad 😞

في ناس بتدخل تبعتلي مالك واحكيلنا وهسمعك وكدا انا مبردش غصب عني انا حقيقي مش قادرة احكي ولا اتكلم مش قادرة ادخل في نقاش او سرد احداث انا بحاول اهرب منها كل اللي نفسي فيه تدعولي ادعولي ربنا يشفيني ويعوضني خير عن كل حاجه وحشه شوفتها ادعولي ربنا يجبلي حقي من اي حد اذاني ادعولي اقرب من ربنا اكتر ويج

Apple_13789 🇪🇬

منذ سنة واحدة

شعور Okay 😐

مفيش اسوء من ان الواحد يحس انه تقيل على حد و بيكلمه بس عشان يجبر بخاطره و ميزعلش ☹️

Strawberry_12009 🇪🇬

منذ سنة واحدة

شعور Bad 😞

انا دلوقتي منهاره وبموت من عياط يعني اكتبولي اي حاجه كجبر خاطر ❤‍🩹

Durian_56202 🇪🇬

ف كام شات متعلق عندك؟ حملة صفرها

ف كام شات متعلق عندك ؟؟ وبالمره ايدكو معايا بالله كل اللي معدي يبعت نقطه عشان الحوار مستفز للاسف و فيه حد من شوية غالبا بعتلي لانه الرقم زاد من شوية ف يريت يبعت تاني #حملة_صفرها 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ 3️⃣ ...عرض المزيد

0 الدعم

14 نصيحة

Mushroom_85386 🇪🇬

حاسة حد اعتدى عليا وأنا صغيرة ومش فاكرة.. أعمل إيه؟

تحذير⚠ كلام ممكن يكون triggering ️ حاسه ان حد اعتدا عليا وانا صغيرة؟؟ انا مش فاكره اي حاجه زي كدا ومش معنا اني مش فاكره انه محصلش، حاجات كتير معنديش ليها اي ذكريات وبتكون حصلت فعلا او بفتكرها واستغرب هو ازاي ده حصل كانت طفوله صعبه من إهمال عاطفي وابويين مش عارفين انهم نرجسيين او انهم مش عارفين هما بيعملوا ايه رغم كبر سنهم وتعاملهم مع اطفال قبلي ليه بفكر في كده؟ عشان كانوا بيسيبوني ابات عند كذا حد من قرايبنا من سن سنتين لحد 12 سنة، بدأت اشوف بةرن من وانا 9 سنين ومش عارفة ايه الي وصلني لكدا وكنت بشوف على الكمبيوتر الي كان ضهره مشكوف يعني يقدرو يشوفو ولحد دلوقتي لسه بشوف بس كل شهر وتصرف ادماني مش تصرف شهواني خالص، كنت بكون سكشواليزيد من الناس، كنت بحط ايدي وهما شايفين ومحدش عمل حاجه، عرفت كتير ان محدش بيصدقني، وتاني حاجات كتير كنت بعملها غلط وحاجات كبيره ومحدش كان بيوجهني ولا بيعاقبني كانو عاملين مش شايفين وفي نفس الوقت كنت بتضرب علي حاجات تافهه وتعمد التحقير والإهانة والضرب قدام الناس انا مش عارفة المفروض اعمل ايه بس عايزة إجابات ومعرفش الإجابات دي هعمل بيها ايه؟ مش هيحصل اي حاجة انا بس اللي هتعب بس التفكير متعب ومفيش اي ثيرابيست اقدر اكلمها في حاجة زي كده ومعرفش ليه دايما بتقابل بعدم التصديق واني بتوهم دا أسهل اتهام وخايفة اتجوز يتهمني بحاجة انا معملتهاش انا مش عارفة احكي ده لحد وياريت اللي يرد يديني حل او يقول كلمه كويسة وانا مش محتاجة اكدب وانا مجهول ما لو عملت حاجة ما اقول عادي زي ما كتير بيقولو هنا ...عرض المزيد

0 الدعم

14 نصيحة

Avocado_68794 🇪🇬

اتطلقت بعد شهرين جواز.. زوجي كان بيقولي "انت تحت الاختبار"

انا اتجوزتش فتره قليله اوى واتطلقت بعد شهرين جواز جوزى كان بيتكلم فى القايمه من تانى اسبوع جواز على اسا ان المبلغ كبير عليه وهو كان ٤٠٠ الف وفضل كده لمده شهر ونصف ويقولى ان هو اتنصب عليه مع العلم ان هو كان قاعد فى شقتى ملكى وما جابش حاجه غير العفش وبس وانا اللى جايبه الاجهزه والباقى كله وكان دايما يقولى انتى تحت الاختبار حشوف حتنفعى ولا لا وخلى امه تيجى تعد معايا من تانى اسبوع جواز بحجه ان امه وحشته وهو واحشها وفعلا فضلت قاعده لحد ما خربت البيت وطول ما هى قاعده فى البيت كانت بتقوله طلقها طالما مش جايبه العزال اللى مفروض تجيبه طلقها وبرده كان بيقولى انه كان بيعمل واجباته الزوجيه مجرد واجب وبس مش اكتر وكان بيعمل سلوك علشان مايخلفش منى وانا لما لقيت البيت بيتخرب حاولت كتير مع اهلى انه اقلله قيمه القايمه وفعلا عملت كدل ونزلت سعرها النصف مع بابا وقطعنا القايمه القديمه وعملنا واحده جديده واخيرا قولت ان الدنيا اتظبتت واتحلت ومفيش مشاكل تانى رجع من يوم القايمه بعد ماااتظبت لقيته بقولى ان ابويا حلف على امى بالطلاق انى مااااامشيش معاكى بره المحافظه اللى احنا فيها مع العلم ان كان عندى شغل فى محافظه تانيه قولتله طب وشغلى حعمل ايه فيه قالى شوفى حد تانى ابوكى ابن عمتك يوصلك قولتله طب لو حصلى مصيبه قالى مااتصليش بيا وان اهلى واخويا اهم حاجه ولو جبت منك عيل حدوس عليه سكت وعيطت وما ردتش عليه بس فى الاخر قولتله ان انت شايف ان دا جواز وانك كدا سند ليه وضهر وقولتله فكر فى طبيعه علاقتنا وقولى انت عاوز ايه بالضبط على طول فكر فى الطلاق بعد كدل امه قالتلى تعالى وانا حتصرف وبنات الناس مش لعبه فعلا روحت وبعد كدا حصل مشكله عبيطه اوى اديته التليفون فى ايده قالى انتى بتخبطيه فى ايدى وقعد يزعق جامد حاولت اصالحه لانى تعبت من كتر المشاكل راح نزل عند امه جرى وقعد يقولى انا مش حصبر عليكى وامه قالتلى اطلعى انتى وانا حبعتهولك طلع ودخل اوضه الاطفال والمشكله ما ااتحلتش برده انا عندى حساسيه صدر شدت علبا تانى يوم جامد فكان وشى احمر اكنى معيطه امه شافتنى قالتلى والله مااانتى قاعده على ذمته وفعلا راح مقعدنى زى العيل الصغير قدام اهله امه واخوه وخالته وامه قالت ان هى مش عاوزانى اروح هناك تانى ولو هو عاوزنى ولا انا ولا هو نروح هناك راح هو قال وعلى ايه وانا مش عاوزها وحخدها انا وانتى واخويا نروح نركيها عند ابوها واقوله مش عاززها وعاد الكلام فوق ال ٣ مرات وبعد كدا بصلى قالى بتبصلى ليه انا مش عاوزك وحخدك وارميكى عند ابوكى واقوله مش عاوزك انا ماااقدرتش اقعد قدامه ثانيه وقوبتله وعلى ايه وانا حمشي وفعلا طلقنى ورمانى منفصله فى الاول بدون طلاق ٥ شهور ويفضل ينزل فى شتايم وقله ادب ويبعتلى كلام صعب انى اقوله مع العلم ان قبل الانفصال باسبوع كان واخد شنطه هدومه وبيقولى ان اخوه بيلبس معاه ولازم الهدوم تكون فى بيت امه وكنا كويسين مع بعض ساعتها انا عاوزه راي حضرتك هل انا كان مفروض اتاسف وماقومش ولا كان مفروض اعمل اللى عملته فعلا ولا ايه انا صح ولا غلط ولا هو كان قصده اصلا يحل فقال كدا انا نزلتها قبل كدا بس انا بنزلها تانى لان بدات مرات اخو طليقى تقولى انتى زوتيها فى الاخر وان هو كان بيهزر لما قالك انا حخدها وارميها عند ابوها واقوله انا مش عاوزها ...عرض المزيد

0 الدعم

13 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع