جيش

أخطب قبل ما أخلص جيش ولا أخطب بعد جيشي؟ انا ان شاءلله عامل حسابي هخلص جيش واسافر علطول علي عقد عمل ان شاءلله باذن الله والدنيا هتتصلح حالها، فانا أخطب قبل ما اخلص جيشي ولا بعد ما جيشي يخلص؟ ولو خطبت قبل الجيش الخطوبه تبقي قد ايه؟

عندي مشكله ممكن تبقي طويله شويه انا شاب عندي ٢٤ سنه ولسه متخرج في شهر ٢ الي فات والحمد لله الواحد بذل مجهود كبير في التخرج والمذاكره مجهود عباره عن اني كنت بنام ساعتين في اليوم لمده ٤ ايام يعني ٨ ساعات في ٤ ايام ما علينا حاليا احنا في شهر ٥ وطبعا كان في رمضان وعيد وسفريات تبع العيله ووقت اخد فيه راحه شويه دلوقتي بقي انا حاسس اني مشتت جدا جدا ما بين احساس عنيف اني عاطل برغم اني داخل جيش كمان كام شهر و مع اني باخد كورسات انجليش وجوده وسواقه وهكذا ف غصب عني مش عارف اقرر حاجه اوي او اي اتجاه عشان محكوم بالجيش وفي نفس الوقت قاعد بقالي كتير مع اني عارف ان العاطل ده الي بيكون فاضي تماما وقاعد شهور مش عايز يشتغل او مش بيدور وانا مش كده غير كده انا اتفقت علي تدريب في مجالي هيبداء بعد بكره كورس السواقه هيخلص بكره كورس الانجليش هيبداء الشهر ده الشغل مع والدي هيبداء من الاسبوع ده ف مش عارف هل انا مقصر فعلا او متاخر عن حاجه ولا عادي

في حاجه مضيقاني بس حابب احكيها انا كنت مقدم علي الجيش و الدكتور قاس محيط صدر كتب ٨١ واخدت لائق ج دكتور هناك نصحني اعمل تظلم فعملت تظلم الدكتور التاني قاس ٨٠ واداني لائق أ اللي هو ازاي بجد معرفش حقيقي بتكرهو الواحد في عيشته و في الجيش والبلد حسبي الله و نعم الوكيل

كنت ولازلت بحب واحدة كانت معايا في الكلية مكلمتهاش خالص لاني مكنتش جاهز أتقدم واخد خطوة رسمية بعدين اتخرجت دخلت الجيش وخلصت دلوقتي بحاول اخد كام كورس عشان اعرف الاقي شغل واعرف اكلمها بس انا حاسس اني اتاخرت ولو اتاخرت اكتر هخسرها انا لحد دلوقتي معرفش عنها حاجة غير اكونت الفيسبوك بس زي ما قلت لسالي شوية علي اما الاقي شغل ومش عارف اعمل اي. ياريت كله يشاركني برأيه أيا كان وشكرا.

انا اخر سنه في الكلية و كلها شهر ولا اتنين بالكتير و اتخرج و خايف من اللي بعد كده مش خوف عادي مرعوب منه دايما شايف ان بعد التخرج و فتره الجيش و بعد الجيش دي كابوس هتقلب حياتي 180درجه خصوصا اني بشتغل و ناجح جدا في شغلي و واصل ل مكان فيه كويس جدا بنسبه ل سني و بنسبه للمجال اصلا اللي بيوصل للمكان ده بيبقى قعد فتره طويله ف الشغل انا في ظرف 4 سنين كنت وصلت لمكان ده بس بعد المخرج و دهول الجيش سواء دل٩ت ولا لا حاسس اني هخرج كله حاجه ضايعه و هبدا من الصفر و مش مستعد لحاجه زي كده و مش هعرف ابدا من الاول

نازل إجازة من الجيش بس معنديش اي فكرة اقضي الإجازة دي ازاي معنديش حياة غالبا اقدر افضل بيها عن القرف اللي بيحصل هناك مجرد شخص بيصحي كل يوم يفضل يقلب في التليفون لحد ما ينام تاني حتي مفيش شغف أن اتفرج على فيلم او مسلسل أو اي حاجه حد عنده حلول أو يتكلم في أي حاجه ؟

محتاج نشاطات او شغل اون لاين 15 يوم بس لاني في الجيش وبروح 15 وبنزل 15 يوم والاجازه ممله مبين قهوه وبيت وافلام ومسلسلات وانا مش عادتي الخمول دا انا نشيت يا ريت اقترحات وحجات فعاله علشان كدا الواحد هيزهق من الاجازه مش من الجيش 😂

انا عندى 25 سنة ودة اخر ترم ليا ف الكلية ولسة مش عارف ليا جيش ولا لا وشغال ف صيدلية والحمد الله ماسك شيفت كامل لوحدى وبعرف اتعامل بس بضيع وقت ف مكان غلط ومش شغلتى وبقبض فلوس اى كلام بس بعمل كدة علشان مبقاش لوحدى واضطر اعمل ف نفسى حاجه

يجدعان بقالي فتره محدش كلمني ولا كلمت حد ومخلص جيش ومش لاقي شغل والدنيا ملغبطه حرفيا بقالي فتره كبيره مش بنزى كمان من البيت مش عارف ارجع طبيعي ومش لاقي حتي بنادمين اتكلم معاها هي كل الناس بقت مش فاضيه وانا بس اللي فاضي

وبعدين يجدعان بقالي ٤ شهور مخلص جيش ومش لاقي شغل جالي اكتئاب من كتر القاعده والتدوير علي شغل حاسس ان حياتي وقفت حتي الناس اللي كنت بشتغل معاهم قبل الجيش عاملين مش شيفني مش عارف ارجع زي م كنت من قبل

انا تعبان نفسيا جدا بشكل ميتوصفش. . اتقل فتره في حياتي سني ٢٣ سنه و لسه الدنيا بتفرد جناحها ليا لكن للاسف مصدوم لسه قدامي جيش و شغال شغلانه مش عجباني دليفري بس مضطر علشان احيب مصاريفي مش عارف ولا قادر اكمل ازاي ؟! ممكن نصايح لفتره التوهان دي

بتعملوا ايه لما تبقوا عايزين تحكوا وتتكلموا بس مفيش حد يسمع بتهربوا علي فين أو بتعملوا ايه، خصوصا أن في وقت كتير فاضي والتفكير متعب وفي الجيش والدنيا مش تمام ؟ اه ومعايا التليفون عادي في الجيش

احساس غريب دايما بيمتلكني بحس اني خسرت كل حاجة حتي اقرب الاشخاص خسرتهم و الاستسلام التام للاحساس ده، انا عارف ان الدنيا عمرها ما هتكون عادله ك شخص بيكره النهايات و الوداع عموما و تقبل فكره رحيل شخص ما ، حاسس ان فقدت كل مشاعري انسان بلا روح عايش و خلاص بيعدي ايامه ، للعلم انا فى الجيش فى اخر ايامي عموما احساس استسلام لكل شئ و فقدان الطاقه و الشغف و كل حاجة ملامح باهته مش قادر اتخطي اي حاجة و كل حاجة عايز اتحرك عايز اكمل اي حاجة مش قادر و مش عايز ، افكار سيئة و سحله ف دماغي شعور غير متزن كإن حد فصل الفيشه فى دماغي كنت اتمني الدنيا تكون اهدي احسن اخف ولكن انها الحياه ربنا يهون

راجع الجيش بكرا وللاسف مش مستعد نفسيا وفاقد الشغف بجد ومش عارف هعدي الايام دي ازاي بجد حاسس ان الوقت بيضيع والايام بتضيع في اللاشئ وبنتعامل مع ناس مريضة بجد ناس متقبلش اصلا المعاملة دي علي ولادها بس هنقول ايه حسبي الله ونعم الوكيل وربنا يعدي الايام دي علي خير

عندي مشكلة بس مش عارف ايه التصرف الصح (طويلة شوية انا اسف بس فعلا مفيش حد قادر احكيله الكلام ده) دلوقتي انا ف اول سنة ف الكلية اتعرفت علي واحدة وحبيتها احنا مرتبطناش وانا بصراحة قلتلها اني بحبها وقتها وهي مديتنيش إجابة واضحة ولا انها موافقة او رفضت (بس عرفت من مصدر تاني انه لا) المهم انا فعلا بعدها بسنة كنا برضو لسة صحاب وبنتكلم بس انا كنت فقدت الأمل ان ممكن تغير رأيها ومكنتش طول الفترة دي من بعدها لمحت او قلت اي حاجة خالص تدل اني لسة بحبها بس طبعا اكيد العلاقة كانت مختلفة عن قبل ما اقولها بقا في شوية جفاف يعني.. ف بعد السنة قلت اجرب اعرف غيرها يمكن ده فراغ وانا مش واخد بالي وغلطت لاني عرفت كذة واحدة وقتها وارتطبت ف الاخر بواحدة فعلا بس هو اسبوع ومستحملتش ال بيحصل حواليا ده كله واني بضحك علي نفسي فقررت ابعد عن أي بنت اعرفها ف حياتي واسيبها هي بس ال موجودة وحصل فعلا بس الفترة دي ال هي كانت نص سنة تقريبا حصل gap كبير اوي ف علاقتنا بقينا مش بنتكلم كل يوم مثلا وممكن شهر مثلا علي ما حد يكلم التاني يسال عليه وفضلنا علي نفس الحال ده لحد ما اتخرجنا وانا طول الوقت ده ثابت علي فكرة واحدة اهتم بدراستي عشان الاقي شغل ويبقي قدامي فرصة اتقدم رسمي يمكن ده كان سبب رفضها من البداية اتخرجت وفعلا بعدها بقا تقريبا ان اتشالت من حياتها مستحيل كانت تيجي تسأل عليا ودخلت الجيش وقلت فرصة انساها وبرضو معرفتش هي مبقتش مهتمة خالص ولا حتي كانت بتسأل علي اني داخل الجيش امتي والدنيا دي بالرغم اني قلتلها وبقت تختفي من السوشيال ميديا خالص وكنا متعودين كل سنة السكوت بيتكسر عن طريق واحد بيخش يوم عيد ميلاد التاني يقوله كل سنة وانت طيب وهي بقالها سنتين مقالتهاليش حتي بالرغم اني مواظب علي كدة برضو وخلصت جيش واشتغلت الحمدالله بتفاجئ ان بقالها فترة بتشير بوستات كتير اوي عن ناس متجوزين او مخطوبين او حاجات حب وكدة (الموضوع راعبني مش عارف هو في حد ولا ايه الوضع ومفيش اي حاجة تبين ده وانا كرامتي مش قادر تخليني اسال انا بقيت بستني اهيف الفرص عشان اخش اتكلم ف اي موضوع ودايما الكلام بيتقفل من ناحيتها بالرغم ان الكلام يبقي ماشي تمام وزي الفل وفجأة بيتقفل) الفكرة اني اعرف مخطوبة ولا لا لأن الشك هيموتني مش عارف اعرفه ازاي اختها مخطوبة ومش كاتبها ف حتة مثلا ف خايف لتكون هي نفس الفكرة وفي نفس الوقت لو دخلت سالت يبي المفروض اتقدم وانا لسة بقالي كام شهر شغال بس علي الاقل محتاج سنة ونص اجهز اي حاجة اتكلم بيها وبرضو بقول لو اتخطبت ممكن ده الحاجة ال اقدر اخيرا امنع نفسي افكر فيها ف فعلا انا ف علاقة من طرف واحد مع نفسي لمدة 7 سنين بكل الحالات والتغيرات علي عدت عليا ومش عارف اخرج منها ازاي او ايه التصرف الصح

انا محتاج اقولكم ان الحياة ابسط من كل الضغط اللي انتو حطين نفسكو فيه انا بكلمكم وانا راجع الجيش انا قوات خاصه صاعقة و مش هقولكو الدنيا عاديه لا الدنيا صعبه بس تخيل الضغط اللي احنا فيه و بنهون الدنيا علي نفسنا كبر دماغك و سيبها علي الله و الدنيا هتمشي اهم حاجه خد الموضوع ببساطه و هي والله هتتحل ربنا يسعدكم جميعا ❤️❤️

في الجيش ولسه راجع امبارح اكتشفت أن بعد اخر مكالمه ما بينا كنا متخانقين رجعت لقيتها خطبت الواحد مش عارف يعمل ايه الصراحه وجوايا حاجات كتير بس مش عارف اعمل ايه الصراحه

اخواتي عاملين اي انا حاليا في الجيش وبروح 15 يوم وبنزل 15 يوم وانا مش متعود علي القاعده ومبطقهاش وبسبب الجيش طبعا سبت شغلي وسبت كل حاجه لحد مخلص بس ال 15 يوم الاجازه دول مملين اوي ممكن اقترحات بقا عن نشاطات كورسات اون لاين شغل اون لاين اي حاجه اعملها في ال 15 يوم وللعلم انا بعرف اخش الجيش بتلفوني بس طبعا مش هبقا فاضي طول اليوم زي الاجازه ساعدونا علشان الملل هيموتني انا عملت كل حاجه وزهقت عايز اجدد مبطقي الهدوء دا انا نشيط وشكرا مقدما