كنت عايزة أبقى إنسانة سعيدة..سعيدة اوى وراضية جدا.. وانا صغيرة كنت متأكدة انى مش هفضل كتير لوحدى وانى وقتها خلصت نصيبي من الدموع والخوف والحب المشروط .. ظنى وعشمى وكل امنياتى كانت انى اتحب بالطريقة الى بتمناها بالطريقة الى تداوى كل شرخ ف روحى وكل كسرة نفس .. حب يملى كل ذكرة قعدت فيها لوحدى بعيد عن العيوب اعيط او اكلم نفسى .. كنت متاكدة اكتر م انا متاكدة انى موجودة دا كان الامل الى مخليني اكمل واعرف اعيش.. ان لسة في فرصة لسه في علاقة ف علم الغيب متشوهتش ف عيني حد هيختارني انا عشان انا انا.. بس الحياة بجد فجعتنى 😅وفهمت ان يمكن شزية الحب المشروط الى عشتهم هما كانوا كل نصيبي من المشاعر اصلا وانى منسية وانى مش موجودة وان كل شئ مرهق ف قصتى وانى تكلفة ان انا احس بشوية راحة او ابتسم طيف بسمة دا مكلف اوى وغالبا بيكون مبني ع احلام يقظة لكن انا؟ مبقتش سعيدة ولابقيت اى حاجة تانية والى اتكسر جوايا بقى اكبر بكتير من انه يداوى
