حجاب

ماما وبابا متدينين جدا بس بحس انهم متدينين ظاهريا صلاة وصوم وقرآن واذكار ونوافل بس اكتر حاجه بستغربها ازاي بيجرحو الناس كده ازاي هما ناس قاسيه كده ، ازاي معندهمش قلب ازاي اتعلمو العبادات بس متعلموش الكلمه الحلوه وانا كنت اول ضحيه بتهان بتشتم بتجرح اوي ساعات باقول ع نفسي حساسه او المشاعر عندي بتكبر اوي وخصوصا لو كلمه جارحه جماعه انا بلبس خمار من وانا اولى ثانوي ماما حلفت عليا وقالت والله لو ما ملبستيهوش مش هتنزلي دروس تاني قولت ل نفسي خلاص متكبريش المواضيع والبسيه انا مبقولش البس ضيق انا عايزه البس واسع بس مش خمارات انا بكرهها واكتر حاجه بتيجي ف دماغي لما ماما بتتخانق معايا ع اقل حاجه ف اللبس، والله رغم اني لابسه خمار ولبسي اقسم بالله اقسم بالله واسع جدا ومفيش حاجه ف جسمي باينه والله ما كلام ماما تتخانق معايا عشان اي حاجه وتقولي والله منتي نازله من البيت وفعلا ساعات مش بنزل محدش يقولي دي خايفه عليكي دي بتحبك عايزاكي تلبسي واسع وبتقولي انتي عايزاني ادخل النار بسببك مبردش بس اللي بييجي ف دماغي يعني انتي كل النم اللي بتنميه ع الناس انتي حتى مربتنيش ع اني احب الدين انتي كل حاجه كانت عندك بالغصب كل الاذيه اللي بتأذيها بلسانك سواء ليا او للناس الغريبه كل ده سيبتيه وماسكه ف لبسي ورغم اني لبسي واسع جدااا، وتاني برغم اني بلبس خمار ولبسي واسع هي بردو ستيل بتقولي انا هدخل النار بسبب لبسك انا لبسته بالعافيه يعني اول لحظه هعرف اقلعه فيها طبعا هقلعه لاني ولا بحب شكله ولا عمري حبيته حاولت اقنعها كتير ان ممكن البس حاجه تكون واسعه زي الخمار بالظبط ،بس مش خمار ،هي عمرها مقتنعت ولا حاولت تفهمني معرفش ايه البصمجه ديي

عندي مشكله كبيره يابنات انا محجبه من تالت سنين بس خلال التالت سنين دول كل يوم ببقا هموت واقلع الحجاب لاني معجبه بشعري زايي اي بنت ويصبر نفسي والي مصعب الدنيا أن اختي الكبيره (أكبر مني بكتير) مش محجبه اصلا وكمان بتشتغل يعني براحتها وشخصيتها قويه محدش بيتكلم معاها في حاجه ونص العيله كمان مش محجابيين وغير كل ده قولت لي أمي بهزار قالتلي اخوكي هيمنع عنك كل حاجه (هو الي بيصرف) والمشكلة بتبقي اوحش اكتر لو حد شاف صوريي بشعري وقال ان شكلي حلو اوي بشعري وكدا اعمل ايه انا مش عايزه اقلعو عشان عارفه انو حرام وفي نفس الوقت بيجيلي وساوس انو مش فرض ومش لازم وعادي اعمل اييييه

انا بقالي فتره بفكر في حاجاتين عكس بعض أن عوزه اخلع الحجاب و أن البس نقاب🫥 يعني بعد ما اخلص لبس و اخر خطوه بتكون الحجاب بكون شايفه نفسي بشعري احسن من الحجاب بس أن الحجاب مكبرني مش مخلاني حلوه لكن بشعري شايفه أن ملامحي واضحه شكلي حلوه بجد مضايقه اوي و في نفس الوقت عوزه البس النقاب اوي معرفش اي ده

في اخر فتره بحاول اظبط لبسي و اني البس واسع و طويل و مبينش شعري من الطرحه و نفسي اوي بجد البس خمار و سمعت فيديوهات كتير اوي اني اخد الخطوه او علي الاقل ابطل ابين شعري من الطرحه و البس واسع شويه بس بلقيني بلبس كويي و مبينش شعري يومين او تالته و برجع تاني مش عارفه لي بيعمل كده بس بحس في ساعاتها اني مخنوقه من الحجاب و عاوزه اببنو و بشوف اني كده احسن و دعيت كتير لي ربنا اني اتقرب لي اكتر من كده و يحببني في الحجاب الصح بس مش عارفه مع ان جوايا نفسي بجد البس الخمار و بدعي ديما بس مش عارفه اخد اي خطوه.. ساعات بحس ان ربنا مش عاوزني اتقرب لي

انا محجبه بقالي خمس سنين انا الوقتي داخله تانيه ثانوي و متحجبه من سته ابتداىي و انا متحجبه عشان كنت عايزه اتحجب مش عشان حد اجبرني بس انا من بعد اما اتحجبت بشهرين تقريبا بدأت احس اني عايزه اخلع الحجاب و الاحساس دا معايا من ساعتها و كل شويه يزيد اوي لدرجة اني بجد ببقى بفكر اني اخلعو بجد و بعدها ارجع اعدى و اقول لا و مش هخلعو خلاص و كدا .انا مش عايزه اخلعو عشان ولاد او حاجه بس انا عايزه اخلعو عشان عايزه احس اني احلى شويه ليا انا مش لحد تاني وانا بجد معتش عارفه اعمل ايه بصلي و بدعي وكلو انا كدا كدا انشاءالله مش هخلعو بس انا عايزه التفكير في الموضوع يروح خالص.